Yohane 7:31 - BAIBLO ALOO NGMAMI KLƆUKLƆU Ɔ

³¹ Ma mi bi ɔmɛ a ti nihi babauu he Yesu ye, lɔ ɔ he ɔ, a bi ke, “Anɛ Mesia a nɛ maa ba a ma nyɛ to okadi pe nɔmlɔ nɛ ɔ lo?”

Somi He Ɔ

³¹ Se asafo ɔmɛ a ti nihi fuu he e nɔ ye, nɛ a ke: “Benɛ Kristo maa ba a, anɛ e maa pee okadihi fuu pe nihi nɛ nɔ nɛ ɔ ngɛ pee nɛ ɔmɛ lo?”

Yohane 7:31 ပူးပေါင်းရင်းမြစ်များ

Mateo 12:23

Nimli kpekpemi ɔ a nya kpɛ a he, nɛ a bi ke, “David Bi ɔ ji nɛ ɔ?”

Luka 8:13

Wuhi nɛ ya pue tɛ zugba mi ɔ daa si ha nihi nɛ ke a nu munyu ɔ, a heɔ kɛ bua jɔmi, se e he we si ngɛ a tsui mi. A heɔ yeɔ be kuku kɛkɛ, se ke haomi ba a nɔ kɛkɛ a hemi kɛ yemi ta.

Yohane 11:45

Yuda bi ɔmɛ nɛ ba Maria ngɔ ɔ, a ti nihi babauu na nɔ nɛ Yesu pee ɔ, nɛ a he lɛ ye.

Yohane 12:11

ejakaa e he ɔ, Yuda bi ɔmɛ a ti nihi babauu kua mɛ, nɛ a ya he Yesu ye.

Yohane 12:42

Yuda ma nimeli ɔmɛ a ti nihi babauu he Yesu ye, se Farisi bi ɔmɛ a he ɔ, a nyɛ we nɛ a ye odase paa, bɔ nɛ pee nɛ a ko fie mɛ ngɛ kpe he ɔ.

Yohane 2:11

Enɛ ɔ ji kekleekle nyakpɛ nɔ́ nɛ Yesu pee ngɛ Kana ngɛ Galilea kɛ to okadi kaa Mawu ha lɛ he wami; nɛ e kaseli ɔmɛ he lɛ ye.

Yohane 3:2

Nyumu nɛ ɔ ba Yesu ngɔ nyɔ mi, nɛ e ba de lɛ ke, “Tsɔɔlɔ, wa le kaa tsɔɔlɔ nɛ Mawu tsɔ kɛ ba ji mo. Níhi tsuo nɛ o peeɔ ɔ kɛ toɔ okadi ɔ, nɔ ko nɔ ko be nyɛe maa pee, ja Mawu piɛ e he.”

Yohane 4:29

“Nyɛɛ ba! Nyɛ ba hyɛ nyumu ko nɛ de mi níhi tsuo nɛ i pee hyɛ. Anɛ pi lɛ ji Kristo ɔ lo?”

Yohane 4:39

Samaria bi babauu nɛ ngɛ jamɛ a ma a mi ɔ he Yesu ye, ejakaa yo ɔ de mɛ ke, “E de mi níhi tsuo nɛ i pee.”

Yohane 6:2

Nimli babauu nyɛɛ e se, ejakaa a na nɛ e tsa hiɔtsɛmɛ kɛ to okadi kaa Mawu Bi ji lɛ.

Yohane 7:26

Hyɛ kaa jehanɛ lɛɛ e daa si paa ngɛ ní tsɔɔe nɛ a de we lɛ nɔ́ ko. Eko piɔ a na kaa lɛ ji Kristo ɔ niinɛ.

Yohane 9:16

Farisi bi ɔmɛ a ti ni komɛ de ke, “Nɔmlɔ nɛ pee nɔ́ nɛ ɔ, pi Mawu ngɔ nɛ e je; ejakaa e bui Hejɔɔmi ligbi ɔ.” Se a ti ni komɛ lɛɛ a de ke, “Kɛ nɔmlɔ nɛ peeɔ yayami ma plɛ kɛ to okadihi kaa kikɛ nɛ ɔ kɛɛ?” Kɛkɛ nɛ ni ɔmɛ a mi gba.

Ni Tsumi 8:13

Simon nitsɛ hu he ye, nɛ a sɔle lɛ. Lɔ ɔ se ɔ, e kɛ Filipo bɔni nyɛɛmi. Benɛ Simon na okadihi, kɛ he wami ní nguanguahi nɛ a pee ɔ, e nya kpɛ e he.

Yakobo 2:26

Lɔ ɔ he ɔ, kaa bɔ nɛ ke mumi je nɔmlɔ tso ɔ mi nɛ e plɛɔ nɔ́ gbogboe ɔ, jã hemi kɛ yemi nɛ ní tsumi piɛ we he ɔ peeɔ hemi kɛ yemi gbogboe.