Yohane 7:30 - BAIBLO ALOO NGMAMI KLƆUKLƆU Ɔ

³⁰ Kɛkɛ nɛ a pee kaa a maa nu Yesu amlɔ nɔuu, se nɔ ko nɔ ko nyɛ we nɛ e ta e he, ejakaa e be ɔ sui lolo.

Somi He Ɔ

³⁰ Enɛ ɔ he ɔ, a ngɛ lɛ hlae nɛ a nu, se nɔ ko tɛ́ e he, ejakaa e ngmlɛfia a sui lolo.

Yohane 7:30 ပူးပေါင်းရင်းမြစ်များ

La 76:10

Edom bi nɛ a mi mi fu ɔ, niinɛ, a ma je o yi kɛ̃. Nɛ ni nɛmɛ nɛ maa piɛ ngɛ Harmat ɔ maa ye o nyami be ɔmɛ.

Yesaya 46:10

Níhi tsuo nɛ maa ba hwɔɔ se ɔ, imi ji nɔ nɛ gba kɛ to kɛ je blema lokoo; níhi nɛ na we nɛ a ba lolo ɔ hu, imi lɛ i gba kɛ to. I de ke ye yi mi tomi maa ba mi, nɛ nɔ́ tsuaa nɔ́ nɛ i suɔ ɔ, lɔ ɔ ma pee.

Mateo 12:14

Enɛ ɔ he ɔ, Farisi bi ɔmɛ je kpo, nɛ a ya so Yesu yi nɔ, bɔ nɛ a maa pee nɛ a kpata e hɛ mi.

Mateo 21:46

Nɛ a ka kaa a maa nu lɛ, se a ya ye ma kpekpemi ɔ gbeye, ejakaa ma a buu lɛ gbalɔ.

Marko 11:18

Osɔfo nikɔtɔma amɛ, kɛ mlaa tsɔɔli ɔmɛ nu nɔ́ nɛ e de ɔ, lɔ ɔ he ɔ, a bɔni hlami bɔ nɛ a maa pee nɛ a kpata e hɛ mi. Se a ngɛ lɛ gbeye yee, ejakaa bɔ nɛ e ngɛ mɛ ní tsɔɔe ɔ, ma kpekpemi ɔ tsuo a he mi po.

Luka 20:19

Mlaa tsɔɔli ɔmɛ, kɛ osɔfo nikɔtɔma amɛ hla kaa a maa nu Yesu jamɛ a ngmlɛfia a mi nɔuu; ejakaa a na kaa a he munyu lɛ e tu ɔ nɛ. Se a ya ye ma a gbeye.

Luka 22:53

Daa nɛ i kɛ nyɛ ngɛ sɔlemi we ɔ lɛɛ nyɛ de we ke nyɛ maa nu mi. Se nyɛ ngmlɛfia a ji nɛ ɔ nɛ; diblii matsɛ ɔ ní tsumi be su!”

Yohane 10:31

Kɛkɛ nɛ Yuda bi ɔmɛ kukuɔ tɛ ekohu nɛ a maa fia Yesu.

Yohane 10:39

A ka ekohu kaa a maa nu Yesu, se a nyɛ we; nɛ e je a dɛ mi slɔkee.

Yohane 11:57

Osɔfo nikɔtɔma amɛ, kɛ Farisi bi ɔmɛ ya wo ma a si kaa nɔ tsuaa nɔ nɛ le he nɛ Yesu ngɛ ɔ, e ba wo a tue nɔ, konɛ a ya nu lɛ.

Yohane 7:19

Pi Mose nɛ wo nyɛ mlaa a? Nɛ nyɛ ti nɔ ko nɔ ko yi nɔ ɔ? Mɛni he je nyɛ ngɛ hlae nɛ nyɛɛ gbe mi ɔ?”

Yohane 7:32

Benɛ Farisi bi ɔmɛ nu nɛ ma kpekpemi ɔ ngɛ Yesu he munyu tue kusikusi ɔ, a kɛ osɔfo nikɔtɔma amɛ tsɔ nihi ke a ya nu lɛ kɛ ba.

Yohane 7:6

Yesu he nɔ ke, “Ye be ɔ sui lolo; se nyɛɛ lɛɛ be tsuaa be hi ha nyɛ.

Yohane 7:8

Nyɛɛ ya nɛ nyɛ ya ye nyami be ɔ. Imi lɛɛ i be yae, ejakaa be nɛ maa da mi ɔ na we nɛ e su.”

Yohane 8:20

Yesu de ní nɛ ɔmɛ tsuo, be mi nɛ e ngɛ ní tsɔɔe ngɛ sɔlemi we ɔ ngɛ tsu mi he nɛ a kɛ tó tsumi daka amɛ to ɔ. Se a nui lɛ, ejakaa e be ɔ sui.

Yohane 8:37

I le kaa Abraham nina ji nyɛ! Mɛni he je mɔ nɛ nyɛ ngɔɛ ye tsɔɔmi ɔ, nɛ nyɛ ngɛ mi hlae nyɛɛ gbe mohu ɔ.

Yohane 8:59

Kɛkɛ nɛ a kukuɔ tɛ nɛ a maa fia Yesu, se e laa e he, nɛ e je sɔlemi we ɔ.

Yohane 9:4

Nɛ je na nɛ ɔ, ja wa tsu nɔ nɛ tsɔ mi ɔ ní tsumi ɔmɛ. Je maa jɔ, nɛ nɔ ko nɔ ko be nyɛe ma tsu ní.