Yohane 7:27 - BAIBLO ALOO NGMAMI KLƆUKLƆU Ɔ

²⁷ Kristo ɔ nɛɛ, anɛ nɔ ko maa le he nɛ e maa je lo? Tse wɔ tsuo wa le he nɛ nɔmlɔ nɛ ɔ je.”

Somi He Ɔ

²⁷ Se nɔ nɛ ɔ lɛɛ wa le he nɛ e je; se Kristo ɔ lɛɛ, benɛ e maa ba a, nɔ ko be lee he nɛ e je.”

Yohane 7:27 ပူးပေါင်းရင်းမြစ်များ

Yesaya 11:1

Ishai, Matsɛ David tsɛ ɔ weku kpa ngɛ kaa tso ko nɛ a po ngɔ fɔ si. Se matsɛ he maa te si ngɛ David nina a mi kaa bɔ nɛ tso kpɔ nɛ ngɛ zu mi tsɛ̃ɔ kɔni ɔ.

Yesaya 53:8

A ye sane yaya kɛ bu lɛ gbenɔ fɔ, nɛ a nu le kɛ ho. Ejakaa a ngɔ e wami kɛ je zugba a nɔ. Tɔmihi nɛ ye ma a tɔ ɔ, a he a gbe lɛ ngɛ.

Yeremia 23:5

Yawɛ ke, “Be ma nɛ ma hla dalɔ ko kɛ je David nina a a kpɛti nɛ e ba ye matsɛ. Matsɛ nɛ ɔ maa ye dami sane, nɛ e maa pee nɔ́ nɛ da ngɛ zugba a nɔ tsuo.

Yeremia 30:21

A nɔ yelɔ ɔ maa je mɛ nitsɛmɛ a ma a mi; a matsɛ ɔ maa je mɛ nitsɛmɛ nɔuu a kpɛti. Ma tsɛ lɛ, nɛ e maa ba ye ngɔ. Mɛnɔ ma nyɛ maa hɛ lɛ kɛ su ye he be mi nɛ i tsɛ we lɛ? A maa pee ye ma, nɛ imi hu ma pee a Mawu. Imi, Yawɛ lɛ i de.”

Mika 5:2

Yawɛ ke, “Mo Betlehem Efrata, Yuda ma amɛ a kpɛti nyafii kake kɛkɛ ji mo; se ma ha nɔ ko maa je o mi ba ye matsɛ ngɛ Israel ma a tsuo nɔ. Matsɛ nɛ ɔ weku kpa ngɛ kɛ je blema be ɔ mi tɔɔ.” Yawɛ lɛ de.

Marko 6:3

Anɛ pi kapitɛ ɔ ji nɛ ɔ? Pi Maria bi ɔ ji nɛ ɔ? Pi Yakobo, Yose, Yuda, kɛ Simon a nyɛminyumu ɔ ji nɛ ɔ? Pi e nyɛmiyihi hu nɛ kɛ wɔ ngɛ hiɛ ɔ?” Lɔ ɔ he ɔ, e pee mɛ tai.

Luka 4:22

Ni ɔmɛ tsuo tu e he munyu kpakpa, nɛ munyuhi nɛ a he jua wa nɛ je e nya a ha a nya kpɛ a he, nɛ a bi ke, “Anɛ pi Yosef bi ɔ ji nɛ ɔ lo?”

Yohane 6:42

nɛ a bi ke, “Anɛ pi Yosef bi Yesu ɔ ji nɛ ɔ? Tse wa le e tsɛ kɛ e nyɛ! Nɛ lɛɛ e ke e je hiɔwe ɔ? Kɛ pee kɛɛ nɛ e deɔ jã mɔ?”

Yohane 7:15

Yuda bi ɔmɛ a hɛ mi pee mɛ yaa, nɛ a bi ke, “Nɔmlɔ nɛ kase we ní ɔ, kɛ peeɔ kɛɛ nɛ e le ní kikɛ nɛ ɔ.”

Yohane 9:29

Wa le kaa Mawu kɛ Mose tu munyu, se kikɛmɛ a nɔmlɔ nɛ ɔ lɛɛ, he nɛ e je po wa li.”

Ni Tsumi 8:33

A wa lɛ yi mi; a ye lɛ sane yaya. Mɛnɔ ma nyɛ maa gba e nina he sane? Ejakaa a po e wami nɔ kpiti ngɛ je ɔ mi.”