Yohane 7:24 - BAIBLO ALOO NGMAMI KLƆUKLƆU Ɔ

²⁴ Ke nyɛ ngɛ kojoe ɔ, nyɛ kpa nɔ hɛ mi hyɛmi, nɛ́ nyɛɛ ye dami sane.”

Somi He Ɔ

²⁴ Nyɛ ko hyɛ hɛ mi kɛ kojo, se mohu nyɛɛ kojo dami kojomi.”

Yohane 7:24 ပူးပေါင်းရင်းမြစ်များ

La 82:2

“Kɛ yaa si mɛni be lɛ nyɛ maa hyɛ nimli a hɛ mi kɛ kojo? Kɛ yaa si mɛni be lɛ nyɛ ma fi nimli yayamihi a se?

Abɛ Womi 17:15

Nɔ nɛ woɔ yayami peelɔ nguɔ, kɛ nɔ nɛ buɔ dalɔ fɔ ɔ, Yawɛ hiɔ mɛ tsuo.

Abɛ Womi 24:23

Ní leli a munyu komɛ hu ji nɛ ɔmɛ nɛ. Ke a ngɛ kojoe ɔ, e sɛ kaa a hyɛɔ nɔ hɛ mi.

Yesaya 5:23

Nyɛ heɔ nyɔ mi ní ngɛ nihi nɛ ye fɔ a dɛ nɛ nyɛ ngmɛɔ a he; se nihi nɛ yi fɔ mohu lɛɛ nyɛ yi a sane ha we mɛ.

Mose III, 19:15

“Nyɛɛ ye dami sane ngɛ kojomi mi; nyɛ ko hyɛ nɔ ko hɛ mi, ohiatsɛ ji lɛ jio, niatsɛ ji lɛ jio.

Zakaria 7:9

“Blema lokoo ɔ, i wo ye ma a mlaa nɛ ɔmɛ ke, ‘Nyɛɛ hyɛ nɛ a ye dami sane; nyɛ mi mi nɛ jɔ, nɛ nyɛɛ na nyɛ sibi mɔbɔ.

Yohane 7:25

Kɛkɛ nɛ Yerusalem bi ɔmɛ a ti ni komɛ bi ke, “Anɛ pi nyumu nɛ ɔ nɛ ma nimeli ɔmɛ ngɛ hlae nɛ a gbe ɔ?

Yohane 8:15

Nyɛɛ lɛɛ nyɛ kojoɔ he lo nya, se imi lɛɛ, i kojo we nɔ ko.

2 Korintobi 10:7

Nyɛ juɛmi mi kuɔ we kulaa! Anɛ nɔ ko ngɛ hiɛ ɔ nɛ heɔ e he yeɔ kaa Kristo nɔ́ ji lɛ lo? Saminya! Jamɛ a nɔ ɔ nɛ susu e yi mi ekohu; ejakaa wɔ hu Kristo níhi ji wɔ kaa lɛ nɔuu.

Yakobo 2:1

Ye nyɛmimɛ, nyɛ heɔ Nyɔmtsɛ Yesu Kristo nɛ hɛ mi ngɛ nyami ɔ yeɔ, lɔ ɔ he ɔ, nyɛ ko hyɛ nɔ hɛ mi, nɛ nyɛ ko bu ni komɛ pe ni komɛ.

Yakobo 2:4

Tse nyɛ na nɔ nɛ nyɛ ngɛ pee ɔ! Mi gbami nyɛɛ kɛ ngɛ nyɛ kpɛti bae ɔ nɛ. Nyɛ ngɛ nyɛ sibi a he ga yaya toe.

Yakobo 2:9

Se ke nyɛ hyɛɔ nihi a hɛ mi ɔ, yayami nyɛ ngɛ pee ɔ nɛ, nɛ nyɛ yeɔ fɔ kaa nyɛ tɔ mlaa.