Yohane 7:13 - BAIBLO ALOO NGMAMI KLƆUKLƆU Ɔ

¹³ Se kɛ̃ ɔ, nɔ ko nɔ ko nyɛ we nɛ e tu Yesu he munyu ngɛ ma a hɛ mi paa, ejakaa a ngɛ Yuda bi ɔmɛ gbeye yee.

Somi He Ɔ

¹³ Pohu nɔ ko ji paa tui e he munyu ngɛ Yudafo ɔmɛ a gbeye yemi he.

Yohane 7:13 ပူးပေါင်းရင်းမြစ်များ

Abɛ Womi 29:25

Ke o ngɛ nɔmlɔ adesa gbeye yee ɔ, o naa haomi; se ke o ngɔ o hɛ kɛ fɔ Yawɛ nɔ ɔ, nɔ́ ko nɔ́ ko be o he sae.

Yohane 19:38

Pee se ɔ, Yosef nɛ je Arimatia ya bi Pilato nɛ́ e ha lɛ blɔ, nɛ e ya ngɔ Yesu gbogboe ɔ. Yosef ɔ, Yesu se nyɛɛlɔ ji lɛ, se Yuda bi ɔmɛ a he gbeye he je ɔ, e je we e he si paa. Pilato ha lɛ blɔ; lɔ ɔ he ɔ, Yosef ho nɛ e ya je gbogboe ɔ.

Yohane 20:19

Jamɛ a ligbi ɔ nɛ ji otsi ɔ kekleekle ligbi ɔ gbɔkuɛ ɔ, Yuda ma nimeli ɔmɛ a he gbeye nya a, kaseli ɔmɛ ya bua a he nya ngɛ he ko, nɛ a nga sinya amɛ. Tlukaa a, Yesu ba da si ngɛ a kpɛti. E de mɛ ke, “Nyɛ he manye!”

Yohane 3:2

Nyumu nɛ ɔ ba Yesu ngɔ nyɔ mi, nɛ e ba de lɛ ke, “Tsɔɔlɔ, wa le kaa tsɔɔlɔ nɛ Mawu tsɔ kɛ ba ji mo. Níhi tsuo nɛ o peeɔ ɔ kɛ toɔ okadi ɔ, nɔ ko nɔ ko be nyɛe maa pee, ja Mawu piɛ e he.”

Yohane 7:1

Enɛ ɔ se ɔ, Yesu kpa si ngɛ Galilea pɛ, se e sume nɛ e ya Yudea zugba a mi, ejakaa Yuda bi ɔmɛ ngɛ lɛ hlae nɛ a gbe.

Yohane 7:11

Yuda ma nimeli ɔmɛ hla lɛ ngɛ lejɛ ɔ; nɛ a bi si ke, “Jije e ngɛ?”

Yohane 7:15

Yuda bi ɔmɛ a hɛ mi pee mɛ yaa, nɛ a bi ke, “Nɔmlɔ nɛ kase we ní ɔ, kɛ peeɔ kɛɛ nɛ e le ní kikɛ nɛ ɔ.”

Yohane 9:22

Nyumu ɔ fɔli ɔmɛ de enɛ ɔ, ejakaa a ngɛ Yuda ma nimeli ɔmɛ gbeye yee. Blɔɔ Yuda bi ɔmɛ so ngɔ to kaa ke nɔ ko ma gba mi paa ma de ke Yesu ji Kristo ɔ, a maa fie jamɛatsɛ ɔ kɛ je kpe he ɔ.

Yohane 9:34

A he nɔ ke, “Mo nɛ a fɔ mo, nɛ a tsɔse mo ngɛ yayami mi ɔ, o ngɛ hlae nɛ o tsɔɔ wɔ ní?” Kɛkɛ nɛ a fie lɛ kɛ je a jami ɔ mi.

Kpojemi 2:13

I le o hi he ɔ kaa Abosiami matsɛ sɛ ɔ ngɛ lejɛ ɔ. Se o pɛtɛ ye biɛ he. Nɛ benɛ a gbe Antipa tete po ɔ, hemi kɛ yemi nɛ o ngɛ ngɛ ye mi ɔ, o ngmɛɛ we he. Niinɛ, Antipa ye ye he odase nɛ e ye mi anɔkuale. Nɛ sane kpakpa a nɛ e ngɛ fiɛe ɔ he je ɔ, a gbe lɛ ngɛ nyɛ kpɛti ngɛ he nɛ Abosiami ngɛ ɔ.