Yohane 7:12 - BAIBLO ALOO NGMAMI KLƆUKLƆU Ɔ

¹² Ma a tsuo tu Yesu he munyu kusikusi. Benɛ ni komɛ de ke, “Nɔmlɔ kpakpa ji lɛ” ɔ, ni komɛ hu de ke, “Dɛbi, e ngɛ ma a nane tɔtɔe”.

Somi He Ɔ

¹² Nɛ munyu kusikusi fuu ba asafo ɔmɛ a mi ngɛ Yesu he. Ni komɛ de ke: “Nɔmlɔ kpakpa ji lɛ;” nɛ ni komɛ hu ke: “Dɛbi, blɔ mohu e haa asafo ɔ tlaa.”

Yohane 7:12 ပူးပေါင်းရင်းမြစ်များ

Mateo 10:25

Lɔ ɔ he ɔ, ke kaselɔ, kɛ e tsɔɔlɔ ba sɔ ɔ, lɔ ɔ kɛkɛ hiɛ ha lɛ. Nyɔguɛ hu, ke e kɛ e nyɔmtsɛ ba sɔ ɔ, lɛ hu lɔ ɔ kɛkɛ hiɛ ha lɛ. Ke a tsɛ wetsɛ ɔ Beelzebul ɔ, e we mi bi ɔmɛ lɛɛ a ma tsɛ mɛ biɛ yaya pe jã po!

Mateo 21:46

Nɛ a ka kaa a maa nu lɛ, se a ya ye ma kpekpemi ɔ gbeye, ejakaa ma a buu lɛ gbalɔ.

Mateo 27:63

A de lɛ ke, “Nyɔmtsɛ, wa kai kaa benɛ jamɛ a sisilɔ ɔ ngɛ je mi kɛ mwɔɔ ɔ, e de ke, ‘Ligbi etɛ se ɔ, ma te si ekohu.’

Luka 18:19

Yesu de lɛ ke, “Mɛni he je nɛ o ngɛ mi tsɛe ke nɔ kpakpa a? Nɔ ko nɔ ko be nɛ hi; Mawu pɛ ji nɔ kpakpa.

Luka 23:47

Benɛ asafoatsɛ ɔ na nɔ́ nɛ ba a, e je Mawu yi, nɛ e de ke, “E ngɛ mi niinɛ kaa nyumu nɛ ɔ pee we nɔ́ ko nɛ sa gbenɔ!”

Luka 23:50

Nyumu ko hi si. E biɛ ji Yosef, nɛ e je Yudea ma ko nɛ a tsɛɛ Arimatia a. Nɔmlɔ kpakpa, kɛ Mawu jalɔ ji lɛ. Daa nɛ ɔ, lɛɛ e ngɛ Mawu matsɛ yemi ɔ blɔ hyɛe. Kpe nguaa a mi no ji lɛ mohu, se yi mi nɛ a to, kɛ nɔ́ nɛ a pee ɔ, lɛɛ e kplɛɛ we.

Luka 6:45

Nɔmlɔ kpakpa susuɔ ní kpakpahi a he ngɛ e yi mi, nɛ e tuɔ munyu kpakpa; nɔmlɔ yayami susuɔ ní yayamihi ngɛ e yi mi, nɛ e tuɔ munyu yaya. Susumihi nɛ hyi nɔ ko yi mi tɔtɔɔtɔ ɔ ji munyuhi nɛ jeɔ kpo ngɛ nɔ ɔ nya.

Luka 7:16

Gbeye nu ni ɔmɛ tsuo, nɛ a je Mawu yi, nɛ a de ke, “Gbalɔ nguaa ko te si ngɛ wa kpɛti! Mawu ba, konɛ e ba kpɔ wɔ, e ma a!”

Yohane 6:14

Nihi nɛ na okadi nɛ ɔ nɛ Yesu pee ɔ de ke, “Niinɛ, gbalɔ ɔ nɛ ma je ɔ mi ɔ ji nɛ ɔ nɛ.”

Yohane 7:32

Benɛ Farisi bi ɔmɛ nu nɛ ma kpekpemi ɔ ngɛ Yesu he munyu tue kusikusi ɔ, a kɛ osɔfo nikɔtɔma amɛ tsɔ nihi ke a ya nu lɛ kɛ ba.

Yohane 7:47

Farisi bi ɔmɛ bi tsɔli ɔmɛ ke, “Anɛ e pee nyɛ hu kuasia lo?

Yohane 7:52

A he nɔ ke, “Saminya! Tse mo hu Galilea no ji mo! Yaa kpa ngmami ɔmɛ a mi kaa o maa na gbalɔ ko nɛ je Galilea lo!”

Yohane 9:16

Farisi bi ɔmɛ a ti ni komɛ de ke, “Nɔmlɔ nɛ pee nɔ́ nɛ ɔ, pi Mawu ngɔ nɛ e je; ejakaa e bui Hejɔɔmi ligbi ɔ.” Se a ti ni komɛ lɛɛ a de ke, “Kɛ nɔmlɔ nɛ peeɔ yayami ma plɛ kɛ to okadihi kaa kikɛ nɛ ɔ kɛɛ?” Kɛkɛ nɛ ni ɔmɛ a mi gba.

Ni Tsumi 11:24

Barnaba a, nɔmlɔ kpakpa nɛ heɔ Mawu yeɔ saminya ji lɛ, nɛ Mumi Klɔuklɔu hyi lɛ tɔ. Enɛ ɔ ha nɛ a na nihi babauu kɛ ha Nyɔmtsɛ ɔ.

Romabi 5:7

Ejakaa e maa wa kaa nɔ ko maa suɔ nɛ e gbo ngɛ nɔ nɛ yeɔ mlaa nɔ ɔ he; pohu nɔmlɔ kpakpa he ɔ, e maa ba mi kaa nɔ ko ma si gugue kaa e ma gbo.

Filipibi 2:14

Nɔ́ tsuaa nɔ́ nɛ nyɛ ngɛ pee ɔ, nyɛ ko wo nyɛ mi mi la, nɛ nyɛ ko sã nya ngɛ he.