Yohane 6:7 - BAIBLO ALOO NGMAMI KLƆUKLƆU Ɔ

⁷ Filipo he nɔ ke, “Sika hiɔ lafa enyɔ nya abolo po be mɛ sue nya mi bɔ kakaaka.”

Somi He Ɔ

⁷ Filipo he nɔ ke: “Cedi lafa enyɔ nya abolo be mɛ sue, bɔ nɛ a ti nɔ tsuaa nɔ ma na nyamiwo bɔ kakaaka po.”

Yohane 6:7 ပူးပေါင်းရင်းမြစ်များ

Matsɛmɛ II, 4:43

Se e tsɔlɔ ɔ de ke, “Nɔ́ nɛ ɔ tsa be nimli lafa sue!” Elisha ti mi nɛ e de lɛ ekohu ke, “Ngɔɔ ya ha ni ɔmɛ nɛ a ye; ejakaa bɔ nɛ Yawɛ de ji nɛ ɔ nɛ: ‘A maa ye hluu nɛ eko maa piɛ.’ ”

Mateo 18:28

“Se benɛ tsɔlɔ nɛ ɔ je kpo ɔ, e na e nyɛmimɛ tsɔli ɔmɛ a kpɛti nɔ kake nɛ hɛɛ lɛ hiɔ sika bɔɔ pɛ. Kɛkɛ nɛ e nu lɛ, nɛ e bɔni e kuɔ si miami ke, ‘Wó mi hiɔ nɛ o hɛɛ mi ɔ!’

Marko 6:37

Se Yesu he nɔ ke, “Nyɛ nitsɛmɛ nyɛ ha mɛ nɔ́ ko nɛ a ye.” A bi lɛ ke, “Anɛ waa ya nɛ wa ya he abolo sika hiɔ yi lafa enyɔ nya ha mɛ nɛ a ye lo?”

Yohane 1:43

E nɔ jena a, Yesu to e yi mi kaa e maa ya Galilea. Kɛkɛ nɛ e kɛ Filipo kpe, nɛ e de lɛ ke, “Filipo, nyɛɛ ye se.”

Yohane 1:44

Filipo je Betsaida, ma mi he nɛ Andrea kɛ Petro hu je ɔ.

Yohane 1:45

Benɛ Filipo hu kɛ Natanael ya kpe ɔ, Filipo de lɛ ke, “Natanael, hyɛ, nɔmlɔ ɔ nɛ Mose ngma e he sane ngɛ mlaa womi ɔ mi, nɛ gbali ɔmɛ hu tu e he munyu ɔ, wa na lɛ. Lɛ ji Yosef bi Yesu nɛ je Nazaret ɔ.”

Yohane 1:46

Se Natanael bi Filipo ke, “Anɛ nɔ́ kpakpa ko maa je Nazaret lo?” Filipo he nɔ ke, “Ba nɛ o ba hyɛ!”

Yohane 1:48

Natanael bi Yesu ke, “Jije o le mi ngɛ?” Yesu he nɔ ke, “I na mo pi mwɔnɛ; i na mo ngɛ ngmɔkɔ tso ɔ sisi tɔɔ loko Filipo tsɛ mo.”

Yohane 12:5

“Mɛni he je nɛ a jua we nu kɛ e he via nɛ ɔ sika hiɔ yi lafa etɛ nɛ a kɛ ha ohiatsɛmɛ?”