Yohane 6:6 - BAIBLO ALOO NGMAMI KLƆUKLƆU Ɔ

⁶ (Enɛ ɔ po e de gu kɛ hla Filipo juɛmi, ejakaa lɛ nitsɛ e le nɔ́ nɛ e maa pee.)

Somi He Ɔ

⁶ Se enɛ ɔ ɔ, e de kɛ ka lɛ, ejakaa lɛ nitsɛ e le nɔ́ nɛ e maa pee.

Yohane 6:6 ပူးပေါင်းရင်းမြစ်များ

Mose I, 22:1

Pee se ɔ, Mawu ka Abraham. Mawu tsɛ Abraham ke, “Abraham!” Nɛ Abraham he nɔ ke, “Ne mi!”

Kronika II, 32:31

Benɛ ni ɔmɛ nɛ Babilonia ganɔ ɔmɛ tsɔ kɛ ba Hezekia ngɔ ba bi lɛ sane ngɛ nyakpɛ níhi nɛ ba zugba a nɔ ɔ a he pohu ɔ, Mawu ngmɛɛ Hezekia jemi he ngɔ ha lɛ. Mawu pee kikɛmɛ a nɔ́ nɛ ɔ konɛ e kɛ ka lɛ, nɛ e kɛ na nɔ́ tsuaa nɔ́ nɛ ngɛ e tsui mi.

2 Korintobi 13:5

Nyɛɛ ka nyɛ nitsɛmɛ nyɛ he nɛ nyɛɛ hyɛ kaa nyɛ heɔ Kristo yeɔ niinɛ lo. Nyɛɛ hyɛ nyɛ nitsɛmɛ nyɛ he nɛ hi. Anɛ nyɛ nitsɛmɛ nyɛ li kaa Yesu Kristo he wami ɔ ngɛ nyɛ mi lo? Ee, ke nyɛ sɛ́ ɔ, nyɛ be enɛ ɔ lee.

Mose V, 13:3

nyɛ ko bu lɛ tue fɛɛ. Yawɛ, nyɛ Mawu ɔ gu nɔ́ nɛ ɔ nɔ kɛ ngɛ nyɛ kae nɛ e hyɛ kaa nyɛ suɔ lɛ, Yawɛ ɔ saminya ngɛ nyɛ tsui mi lo.

Mose V, 33:8

Jehanɛ, Mose gbaa Levi wɛtso ɔ hulɔ ke, “Yawɛ, mo je o suɔmi kpo kɛ gu Tumim kɛ Urim a nɔ. Ní nɛ ɔmɛ ji níhi nɛ Levi bi ɔmɛ, nɛ ji sɔmɔli nɛ yeɔ mo anɔkuale ɔ kɛ biɔ mo gbi ɔ nɛ. O ka Levi wɛtso ɔ ngɛ Masa, nɛ o kɛ mɛ pɛ ngɛ Meriba pa a nya.

Mose V, 8:16

Ngɛ nga a nɔ ɔ, e ha nyɛ mana, niye ní nɛ nyɛ nɛmɛ yi hyɛ, nɛ nyɛ ye. E ha nyɛ na hɛdo ní, nɛ e kɛ ka nyɛ hyɛ, konɛ lɔ ɔ se ɔ, e gbaa nyɛ kɛ ní kpakpahi.

Mose V, 8:2

Nyɛ kai kaa Yawɛ, nyɛ Mawu ɔ kpaka nyɛ ngɛ blɔ gagaa nɛ ɔ nɔ kɛ gu nga kplanaa a nɔ jeha nyingmi eywiɛ sɔuu. E ha hɛdo níhi kɛ nyɛ kpe kɛ ka nyɛ hyɛ, konɛ e kɛ le nɔ́ nɛ ngɛ nyɛ tsui mi, kaa nyɛ maa ye e mlaa amɛ a nɔ, loo nyɛ be a nɔ yee.

Kpojemi 2:2

I le ní nɛ o tsuɔ, dengme nɛ o gboɔ, kɛ bɔ nɛ o toɔ o tsui si. I le hu kaa o ha we yayami peeli hɛ mi. Nihi nɛ tsɛɔ a he bɔfohi, se pi bɔfohi ji mɛ ɔ, bɔ nɛ o ka mɛ, nɛ o na kaa lakpatsɛmɛ ji mɛ ɔ, i le lɛ tsuo pɛpɛɛpɛ.