Yohane 6:56 - BAIBLO ALOO NGMAMI KLƆUKLƆU Ɔ

⁵⁶ Nɔ tsuaa nɔ nɛ yeɔ ye he lo, nɛ e nuu ye muɔ ɔ hii ye mi, nɛ imi hu i hii e mi.

Somi He Ɔ

⁵⁶ Nɔ nɛ yeɔ ye he lo nɛ e nuu ye muɔ ɔ, e hii ye mi nɛ imi hu i hii e mi.

Yohane 6:56 ပူးပေါင်းရင်းမြစ်များ

Yohane 14:20

Ke jamɛ a be ɔ su ɔ, nyɛ maa le kaa i ngɛ Tsaatsɛ mi, nɛ nyɛ hu nyɛ ngɛ ye mi kaa bɔ nɛ imi hu i ngɛ nyɛ mi ɔ.

1 Yohane 3:24

Nɔ tsuaa nɔ nɛ yeɔ Mawu mlaa amɛ a nɔ ɔ, e hii Mawu mi, nɛ Mawu hu hii e mi. Nɛ mumi ɔ nɛ Mawu ha wɔ ɔ he je ɔ, wa le kaa Mawu ngɛ wa mi.

Kpojemi 3:20

Hyɛ, i daa si ngɛ sinya a se, nɛ i ngɛ sie. Ke nɔ ko nu ye gbi nɛ e bli sinya a, ma sɛ mi, nɛ i kɛ lɛ maa ye ní, nɛ lɛ hu e kɛ mi maa ye ní.

Yohane 14:23

Yesu he nɔ ke, “Ke nɔ ko suɔ mi ɔ, e maa ye ye munyu ɔmɛ a nɔ. Kɛkɛ ɔ, Tsaatsɛ maa suɔ lɛ, nɛ wa maa ba e ngɔ, nɛ waa kɛ lɛ ma ba hi si.

La 91:9

Akɛnɛ o ngɔ Yawɛ, Hiɔwe No ɔ kɛ pee o he bulɔ, kɛ o wesa he he je ɔ,

1 Yohane 4:12

Mawu ɔ, nɔ ko nɛ lɛ hyɛ. Se ke wa suɔ wa sibi ɔ, Mawu hii wa mi, nɛ suɔmi nɛ e ngɛ kɛ ha wɔ ɔ mi waa.

2 Korintobi 6:16

Mɛni kake peemi ngɛ Mawu sɔlemi we ɔ kɛ amagahi a kpɛti? Ejakaa wɔɔ lɛɛ Mawu hɛ kalɔ ɔ sɔlemi we ji wɔ! Mawu de ke, “I kɛ ye ma a maa hi si; ma pee a Mawu, nɛ mɛ hu a maa pee ye ma.”

Efesobi 3:17

I kpaa pɛɛ nɛ nyɛ he ye, nɛ Kristo nɛ hi nyɛ tsui mi, konɛ nɔ́ tsuaa nɔ́ nɛ nyɛ ngɛ pee ɔ, nyɛɛ pee kɛ suɔmi nɛ mi wa.

Kɔmɔ Yemi 3:24

Yawɛ ji ye nɔ́ tsuaa nɔ́; lɔ ɔ he ɔ, i ngɔ ye hɛ kɛ fɔ e nɔ.

La 91:1

Nɔ nɛ hii Hiɔwe No ɔ laami he ɔ, Ope ɔ nitsɛ maa baa e yi.

La 90:1

Nyɔmtsɛ, mo ji wa wesa he ngɛ yi nɔhi tsuo a mi.

Yohane 6:55

Ejakaa ye he lo ɔ ji niye ní nɛ sa nɛ a ye, nɛ ye muɔ ɔ, nɔ́ nɛ sa nɛ a nu.

1 Yohane 2:24

Lɔ ɔ he ɔ, sɛ gbi ɔ nɛ nyɛ na kɛ je sisije ɔ, nyɛɛ pɛtɛ he wawɛɛ. Ke nyɛ pɛtɛ jamɛ a sɛ gbi ɔ he wawɛɛ ɔ, lɔ ɔ lɛɛ nyɛɛ maa hi Bi ɔ, kɛ Tsɛ ɔ mi daa.