Yohane 6:42 - BAIBLO ALOO NGMAMI KLƆUKLƆU Ɔ

⁴² nɛ a bi ke, “Anɛ pi Yosef bi Yesu ɔ ji nɛ ɔ? Tse wa le e tsɛ kɛ e nyɛ! Nɛ lɛɛ e ke e je hiɔwe ɔ? Kɛ pee kɛɛ nɛ e deɔ jã mɔ?”

Somi He Ɔ

⁴² nɛ a ke: “Anɛ pi Yosef bi Yesu ɔ nɛ wa le e tsɛ kɛ e nyɛ ɔ ji nɛ ɔ lo? Kɛ pee kɛɛ mɔ nɛ e deɔ ke: ‘I je hiɔwe’ ɔ?”

Yohane 6:42 ပူးပေါင်းရင်းမြစ်များ

Marko 6:3

Anɛ pi kapitɛ ɔ ji nɛ ɔ? Pi Maria bi ɔ ji nɛ ɔ? Pi Yakobo, Yose, Yuda, kɛ Simon a nyɛminyumu ɔ ji nɛ ɔ? Pi e nyɛmiyihi hu nɛ kɛ wɔ ngɛ hiɛ ɔ?” Lɔ ɔ he ɔ, e pee mɛ tai.

Luka 4:22

Ni ɔmɛ tsuo tu e he munyu kpakpa, nɛ munyuhi nɛ a he jua wa nɛ je e nya a ha a nya kpɛ a he, nɛ a bi ke, “Anɛ pi Yosef bi ɔ ji nɛ ɔ lo?”

Yohane 1:45

Benɛ Filipo hu kɛ Natanael ya kpe ɔ, Filipo de lɛ ke, “Natanael, hyɛ, nɔmlɔ ɔ nɛ Mose ngma e he sane ngɛ mlaa womi ɔ mi, nɛ gbali ɔmɛ hu tu e he munyu ɔ, wa na lɛ. Lɛ ji Yosef bi Yesu nɛ je Nazaret ɔ.”

Yohane 3:13

Nɔ ko yɛ hiɔwe gblee kaa ja Nɔmlɔ Bi ɔ, nɔ nɛ je hiɔwe kple si kɛ ba a.”

Yohane 6:38

Ejakaa i je hiɔwe kɛ ba nɛ ma ba pee nɔ nɛ tsɔ mi ɔ suɔmi nya ní, se pi imi nitsɛ ye suɔmi nya ní.

Yohane 6:43

Yesu de mɛ ke, “Nyɛ kpa munyu huitihuiti tumi.

Yohane 6:62

Ke nyɛ na Nɔmlɔ Bi ɔ nɛ kpale kɛ yaa hiɔwe he nɛ e je kɛ ba a, kɛ nyɛ maa pee kɛɛ?

Romabi 9:5

A mi nɛ wa nɛmɛ ɔmɛ je, nɛ Kristo ɔ tete a nina ji lɛ ngɛ he lo nya. Kristo ɔ ji Mawu Ope ɔ nɛ yeɔ nihi tsuo a nɔ ɔ nɛ. A je e yi kɛ ya neneene! Amen.

1 Korintobi 15:47

Kekleekle Adam ɔ, zugba zu a kɛ bɔ lɛ; Adam enyɔne ɔ lɛɛ hiɔwe nɛ e je.

Galatabi 4:4

Se Mawu tsɔ lɛ nitsɛ e bi ɔ kɛ ba ngɛ be nɛ sa mi; yo nɛ fɔ lɛ, nɛ e ye Yuda bi a mlaa a hu nɔ.