Yohane 6:39 - BAIBLO ALOO NGMAMI KLƆUKLƆU Ɔ

³⁹ Nɔ nɛ tsɔ mi ɔ, nɔ́ nɛ e suɔ ji kaa nihi tsuo nɛ e tu ngɔ wo ye dɛ mi ɔ, ngmelu kake kó je mi; se mohu nyagbe ligbi ɔ, ma tle mɛ tsuo si.

Somi He Ɔ

³⁹ Nɛ enɛ ɔ ji nɔ nɛ tsɔ mi ɔ suɔmi nya ni ɔ nɛ, kaa nihi tsuo nɛ e ngɔ ha mi ɔ, ma ko ha nɛ a ti nɔ ko nɛ laa, se mohu ma tle lɛ si ngɛ nyagbe ligbi ɔ nɔ.

Yohane 6:39 ပူးပေါင်းရင်းမြစ်များ

Yeremia 23:4

Ma je nɔ yeli kpakpahi ha mɛ nɛ a hyɛ a nɔ. A be gbeye yee hu; sawale be mɛ nue hu, nɛ i be a tue gblae hu. Imi, Yawɛ lɛ i de.”

Mateo 10:15

Niinɛ, i ngɛ nyɛ dee ke, kojomi ligbi ɔ, Mawu maa gbla jamɛ a ma a tue kulaa pe Sodom kɛ Gomora tete.

Mateo 18:14

Jã nɔuu kɛ̃ nyɛ Tsɛ nɛ ngɛ hiɔwe ɔ sume kaa bimɛ tsɔwi nɛ ɔmɛ a kpɛti nɔ kake nɛ laa.

Luka 12:32

“Kuu nyafii, nyɛ ko ye gbeye; ejakaa nyɛ Tsɛ ɔ ngɛ he tsui kaa e maa ngɔ matsɛ yemi ɔ ngɔ ha nyɛ.

Yohane 12:48

Nɔ tsuaa nɔ nɛ kua mi, nɛ e ngɔɛ munyu nɛ i fiɛ ɔ hulɔ ɔ, nɔ ko ngɛ nɛ maa kojo lɛ. Nyagbe ligbi ɔ, munyu ɔmɛ nɛ i tu ɔ maa kojo lɛ.

Yohane 17:12

Benɛ i kɛ mɛ ngɛ ɔ, i bu a he kɛ he wami nɛ o ngɔ ha mi ɔ. A ti nɔ kake ngmelu hɛ mi kpataa we, lɛɛ ja nɔ nɛ a to kaa e hɛ mi nɛ kpata a, bɔ nɛ pee nɛ ngmami ɔ nɛ ba mi.

Yohane 17:2

Ejakaa o ha mi he wami nɛ ma ye adesahi tsuo a nɔ, konɛ nihi tsuo nɛ o tu ngɔ wo ye dɛ mi ɔ, ma ha nɛ a na neneene wami.

Yohane 17:24

“Tsaatsɛ! Nihi nɛ o tu ngɔ wo ye dɛ mi ɔ, he nɛ i ngɛ ɔ, i suɔ kaa mɛ hu a hi lejɛ ɔ, bɔ nɛ pee nɛ a na ye hɛ mi nyami ɔ. O ha ye hɛ mi ba nyami, ejakaa benɛ o na we nɛ o bɔ je ɔ tete po o suɔ mi.

Yohane 17:6

“Nihi tsuo nɛ o hla kɛ je je ɔ mi nɛ o tu ngɔ wo ye dɛ mi ɔ, i ha nɛ a na o hɛ mi nyami ɔ. O nihi ji mɛ, nɛ o tu mɛ ngɔ wo ye dɛ mi. O munyu ɔ nɛ i kɛ ba ha mɛ ɔ, a ye nɔ.

Yohane 17:9

“I kpa we pɛɛ ha je ɔ; mohu ni nɛmɛ nɛ o ha mi ɔ, mɛ i ngɛ pɛɛ kpae ha; ejakaa o nihi ji mɛ.

Yohane 18:9

E de enɛ ɔ, konɛ munyu ɔ nɛ e tu ke, “Tsaatsɛ, nihi nɛ o tu ngɔ wo ye dɛ mi ɔ, i ha we nɛ a ti nɔ kake ngmelu po hɛ mi nɛ kpata” a, nɛ ba mi.

Yohane 5:28

Nyɛ hɛ mi kó pee nyɛ yaa kaa be maa su nɛ gbogboehi tsuo maa nu Mawu Bi ɔ gbi,

Yohane 6:37

Nɔ tsuaa nɔ nɛ Tsaatsɛ ngɔ ha mi ɔ maa ba ye ngɔ. Nɔ tsuaa nɔ nɛ baa ye ngɔ ɔ, i be lɛ fiee kɔkɔɔkɔ.

Yohane 6:40

Ejakaa Tsaatsɛ suɔ kaa nɔ tsuaa nɔ nɛ na Bi ɔ, nɛ e heɔ lɛ yeɔ ɔ, e na neneene wami. Nɛ nyagbe ligbi ɔ, ma tle mɛ si kɛ ba wami mi.”

Yohane 6:44

Nɔ ko nɔ ko be nyɛe maa ba ye ngɔ kaa ja Tsɛ ɔ nɛ tsɔ mi ɔ gbla lɛ kɛ ba ye ngɔ; nɛ nyagbe ligbi ɔ, ma tle lɛ si.

Yohane 6:54

Nɔ tsuaa nɔ nɛ maa ye ye he lo, nɛ e maa nu ye muɔ ɔ ma na neneene wami; nɛ nyagbe ligbi ɔ, ma tle lɛ si.

Romabi 8:11

Ke Mawu nɛ tle Yesu si kɛ je gbeje ɔ mumi ɔ ngɛ nyɛ mi ɔ, lɛɛ mumi ɔ nɛ e kɛ tle Kristo si ɔ ma ha nyɛ nɔmlɔ tso nɛ gboɔ ɔ ma na wami.

1 Korintobi 6:14

Mawu tle Nyɔmtsɛ ɔ si kɛ je gbeje, nɛ e kɛ e he wami ɔ ma tle wɔ hu si kɛ ba wami mi ekohu.

2 Timoteo 2:19

Se tsu sisi tomi tɛ nɛ Mawu ngɔ kɛ ma si ha hemi kɛ yemi ɔ he wa, nɛ e be mimiɛe. Munyu nɛ a kɛ sɔu tɛ ɔ nya ji, “Nyɔmtsɛ ɔ le lɛ nitsɛ e nihi.” Ekpa hu deɔ ke, “Nɔ tsuaa nɔ nɛ deɔ ke Mawu nɔ́ ji lɛ ɔ, é kpa yayami peemi.”

Yakobo 5:15

Ke a sɔle kɛ hemi kɛ yemi ha lɛ kikɛ nɛ ɔ, hiɔtsɛ ɔ ma na he wami. Nyɔmtsɛ ɔ ma tsa lɛ kulaa, nɛ e maa ngɔ yayami tsuo nɛ ngɛ hiɔtsɛ ɔ he ɔ kɛ pa lɛ.

1 Petro 1:5

Mawu ngɔ ní nɛ ɔmɛ ngɔ ha nyɛ nihi nɛ nyɛ heɔ lɛ Mawu ɔ yeɔ, nɛ́ e kɛ e he wami ɔ ngɛ nyɛ he bue ɔ. Mawu pee klaalo kaa e ma he nyɛ yi wami nyagbe be ɔ mi.

Yuda 1:1

Imi Yuda, Yesu Kristo tsɔlɔ, kɛ Yakobo nyɛminyumu ɔ, i ngɛ womi nɛ ɔ ngmae kɛ ya ha Kristo se nyɛɛli tsuo, nihi nɛ Tsɛ Mawu suɔ, nɛ e hla mɛ, nɛ a ngɔ mɛ ngɔ to ha Yesu Kristo ɔ.

Samuel I, 25:29

Nɛ ke nɔ ko maa te si kɛ wo mo, nɛ e ma hla kaa e gbe mo ɔ, Yawɛ, o Mawu ɔ maa bu o he kaa bɔ nɛ nɔmlɔ adesa buu june nɛ he jua wa he ɔ. Se o he nyɛli ɔmɛ lɛɛ e ma sake mɛ ngɔ fɔ he kaa bɔ nɛ a fɔɔ amlami tɛ ɔ.