Yohane 6:32 - BAIBLO ALOO NGMAMI KLƆUKLƆU Ɔ

³² Yesu de mɛ ke, “I ngɛ nyɛ dee anɔkuale mi ke nɔ́ nɛ Mose ha nyɛ ɔ, pi lɔ ɔ ji abolo nɛ je hiɔwe ɔ. Tsaatsɛ ji nɔ nɛ haa nyɛ abolo nitsɛnitsɛ nɛ je hiɔwe.

Somi He Ɔ

³² Kɛkɛ nɛ Yesu de mɛ ke: “I ngɛ nyɛ dee anɔkuale mi ke: Pi Mose ji nɔ nɛ ha nyɛ abolo ɔ kɛ je hiɔwe ɔ se Tsaatsɛ mohu lɛ haa nyɛ abolo nɛ jee hiɔwe ɔ nɛ.

Yohane 6:32 ပူးပေါင်းရင်းမြစ်များ

Yohane 15:1

“Imi ji wai tso nitsɛ ɔ, nɛ Tsaatsɛ ji ngmɔtsɛ.

Yohane 6:58

Abolo nɛ je hiɔwe ɔ ji nɛ ɔ nɛ. Abolo nɛ ɔ be kaa nɔ́ nɛ nyɛ nɛmɛ ɔmɛ ye nɛ pee se a gbo ɔ. Mohu ɔ, nɔmlɔ nɛ maa ye abolo nɛ ɔ maa hi si kɛ maa ya neneene.”

Mose II, 16:4

Kɛkɛ nɛ Yawɛ de Mose ke, “Hyɛ, ma ha abolo maa nɛ kɛ je hiɔwe pue si ha nyɛ. Daa ligbi ɔ, ma a maa ya nɛ a ya bua nɔ́ nɛ maa su mɛ ligbi kake yemi nya, nɛ ma kɛ ka mɛ ma hyɛ kaa a maa ye ye mlaa amɛ a nɔ lo.

Galatabi 4:4

Se Mawu tsɔ lɛ nitsɛ e bi ɔ kɛ ba ngɛ be nɛ sa mi; yo nɛ fɔ lɛ, nɛ e ye Yuda bi a mlaa a hu nɔ.

Yohane 6:55

Ejakaa ye he lo ɔ ji niye ní nɛ sa nɛ a ye, nɛ ye muɔ ɔ, nɔ́ nɛ sa nɛ a nu.

Yohane 6:50

Se abolo nɛ je hiɔwe ɔ lɛɛ ke nɔ ko ye ɔ, e be gboe.

Yohane 6:41

Benɛ Yesu de ke, “Imi ji abolo nɛ je hiɔwe ɔ”, ni ɔmɛ tu munyu huitihuiti kɛ si lɛ;

Yohane 6:35

Yesu de mɛ ke, “Imi ji abolo nɛ haa nɔ wami ɔ nɛ. Ke nɔ ko ba ye ngɔ ɔ, hwɔ be lɛ yee gblegbleegble; nɛ nɔ nɛ he mi ye ɔ, kuma be lɛ yee gblegbleegble.

Yohane 6:33

Mawu we abolo ɔ ji nɔ nɛ je hiɔwe kɛ ba a, nɛ lɛɛ e ma ha je ɔ wami.”

Yohane 1:9

La nɛ ɔ ji la nɛ tsoɔ haa nimli adesahi tsuo.

La 78:23

Se kɛ̃, e fa, nɛ hiɔwe sinya amɛ bli.

Mose II, 16:8

Mose de mɛ ke, “Yawɛ ma ha nyɛ lo nɛ nyɛɛ ye gbɔkuɛ, kɛ abolo nɛ maa tɔ nyɛ mɔtu; ejakaa e nu nya si nɛ nyɛ hɔɔ kɛ wo e he ɔ. Nyɛ munyu huitihuiti ɔmɛ ɔ, pi wɔ nɛ nyɛ tu kɛ si, se Yawɛ mohu.”

1 Yohane 5:20

Wa le kaa Mawu Bi ɔ ba, nɛ e ba bli wa juɛmi nya, konɛ waa le anɔkuale Mawu ɔ. Amlɔ nɛ ɔ, waa kɛ anɔkuale Mawu ɔ ngɛ, ejakaa wa ngɛ e Bi Yesu Kristo ɔ mi. Lɛ ji anɔkuale Mawu ɔ nɛ, nɛ enɛ ɔ ji neneene wami.

Yohane 6:31

Wa nɛmɛ ɔmɛ ye mana ngɛ nga a nɔ. E ngɛ ngmami ɔmɛ a mi ke, ‘E ha abolo je hiɔwe kɛ ba ha mɛ nɛ a ye.’ ”