Yohane 6:31 - BAIBLO ALOO NGMAMI KLƆUKLƆU Ɔ

³¹ Wa nɛmɛ ɔmɛ ye mana ngɛ nga a nɔ. E ngɛ ngmami ɔmɛ a mi ke, ‘E ha abolo je hiɔwe kɛ ba ha mɛ nɛ a ye.’ ”

Somi He Ɔ

³¹ Wa tsɛmɛ ye mana ngɛ nga a nɔ, kaa bɔ nɛ a ngma a ke: ‘E ha mɛ abolo kɛ je hiɔwe nɛ a ye’ ɔ.”

Yohane 6:31 ပူးပေါင်းရင်းမြစ်များ

Nehemia 9:15

“Benɛ hwɔ ye mɛ ɔ, o ha mɛ niye ní kɛ je hiɔwe, nɛ benɛ kuma ye mɛ ɔ, o ha mɛ nyu kɛ je tɛ sa mi. O de mɛ ke zugba a nɛ o wo si ke o ma ha mɛ ɔ, a ya ngɔ nɛ a hi nɔ.

Nehemia 9:20

O ha nɛ o mumi kpakpa a tsɔɔ mɛ ní, nɛ o ha mɛ a nya mi ngma, kɛ nyu nɛ a nu.

La 105:40

A bi lɛ niye ní, nɛ e ha mɛ hɔne. E ha mɛ niye ní kɛ je hiɔwe, nɛ a ye nɛ a tɔ.

Mose II, 16:35

Israel bi ɔmɛ ye mana a jeha nyingmi eywiɛ kɛ ya si a ya su zugba nɛ nihi ngɛ nɔ, nɛ ji Kanaan zugba a huzu nya.

Yohane 6:32

Yesu de mɛ ke, “I ngɛ nyɛ dee anɔkuale mi ke nɔ́ nɛ Mose ha nyɛ ɔ, pi lɔ ɔ ji abolo nɛ je hiɔwe ɔ. Tsaatsɛ ji nɔ nɛ haa nyɛ abolo nitsɛnitsɛ nɛ je hiɔwe.

Yohane 6:49

Nyɛ nɛmɛ ɔmɛ ye mana ngɛ nga a nɔ, nɛ a gbo.

Yohane 6:58

Abolo nɛ je hiɔwe ɔ ji nɛ ɔ nɛ. Abolo nɛ ɔ be kaa nɔ́ nɛ nyɛ nɛmɛ ɔmɛ ye nɛ pee se a gbo ɔ. Mohu ɔ, nɔmlɔ nɛ maa ye abolo nɛ ɔ maa hi si kɛ maa ya neneene.”

1 Korintobi 10:3

Mɛ tsuo a ye mumi mi ní kake,

Mose V, 8:3

E ha hwɔ ye nyɛ, nɛ e ha nyɛ abolo nɛ je hiɔwe nɛ nyɛ nɛmɛ nɛ hyɛ ɔ nɛ nyɛ ye. E pee enɛ ɔ, konɛ nyɛ na nɛ nyɛɛ le kaa pi abolo pɛ nɛ haa nɔmlɔ yi naa wami, se mohu munyu tsuaa munyu nɛ jeɔ Yawɛ nya mi ɔ nɛ haa nɔ yi naa wami.

Yoshua 5:12

Jamɛ a ligbi ɔ nɔuu ɔ, niye ní nɛ nɛɛ kɛ jee hiɔwe ɔ se po, nɛ Israel bi ɔmɛ nɛ́ eko hu. Kɛ je jamɛ a be ɔ kɛ yaa a, zugba a nɔ niba ní ji nɔ́ nɛ a yeɔ.

Kpojemi 2:17

“Lɔ ɔ he ɔ, nɔ nɛ ngɛ tue ɔ, e bu nɔ́ nɛ mumi ɔ ngɛ asafo ɔmɛ dee ɔ tue! “Ni nɛmɛ nɛ maa ye kunimi ɔ, ma ha mɛ mana nɛ a kɛ laa a eko. Jehanɛ se hu, ma ha a ti nɔ tsuaa nɔ tɛ hiɔ nɛ a ngma biɛ he ngɛ nɔ. Biɛ nɛ ɔ, nɔ ko nɔ ko li, ja nɔ nɛ a ngɔ tɛ ɔ ngɔ ha lɛ ɔ pɛ.