Yohane 6:30 - BAIBLO ALOO NGMAMI KLƆUKLƆU Ɔ

³⁰ A he nɔ nɛ a bi lɛ ke, “Mɛni okadi o maa to wɔ, konɛ wa he mo waa ye? Mɛni o maa pee?

Somi He Ɔ

³⁰ Lɔ ɔ he ɔ a bi lɛ ke: “Lɛɛ mɛni okadi o peɔ nɛ waa na konɛ wa he mo ngɔ ye? Mɛni o tsuɔ?

Yohane 6:30 ပူးပေါင်းရင်းမြစ်များ

Matsɛmɛ I, 13:3

Gbalɔ ɔ ya nɔ nɛ e de ke, “Bɔ sami la tɛ nɛ ɔ mi ma gba enyɔ, nɛ e mi la zu ɔ ma kpa pue si. Nɛ enɛ ɔ maa pee okadi nɛ o kɛ maa na kaa Yawɛ lɛ tu munyu kɛ gu ye nɔ.”

Matsɛmɛ I, 13:5

Kɛkɛ nɛ bɔ sami la tɛ ɔ mi gba enyɔ, nɛ e mi la zu ɔ kpa pue si kaa bɔ nɛ gbalɔ ɔ de ke e maa ba mi ɔ. Enɛ ɔ ji okadi nɛ gbalɔ ɔ to nɛ tsɔɔ kaa Yawɛ lɛ tu munyu kɛ gu e nɔ ɔ nɛ.

Mose II, 4:8

Mawu tsɔɔ nya nɛ e de lɛ ke, “Ke e ba mi kaa a he we mo yi, loo a yi mi tɛ̃ mɛ ngɛ kekleekle okadi ɔ he ɔ, a ma he sekpɛ okadi ɔ ye.

Mose II, 7:9

“Ke Farao ɔ de nyɛ ke nyɛɛ pee nyakpɛ nɔ́ ko nɛ nyɛ kɛ ye nyɛ he odase ɔ, mo de Aaron nɛ e sake e tso ɔ kɛ fɔ zugba ngɛ matsɛ ɔ hɛ mi; nɛ tso ɔ ma plɛ pee sinɔ.”

Yesaya 5:19

Nyɛ deɔ ke, “Nɔ́ nɛ Yawɛ de ke e maa pee ɔ, ha nɛ e pee esɔ, konɛ waa na. Ha nɛ Israel Mawu klɔuklɔu ɔ nɛ tsu níhi nɛ e to e yi mi kaa e ma tsu ɔ; nyɛ ha nɛ waa hyɛ nɔ́ nɛ ngɛ e juɛmi mi.”

Marko 15:32

Ke lɛ ji Kristo, Israel matsɛ ɔ, e je sɛumi tso ɔ nɔ kɛ kple si nɛ waa na konɛ wa he ye!” Ni enyɔ ɔmɛ nɛ a sɛu ngɔ piɛ e he ɔ hu ye e he fɛu.

Marko 8:11

Farisi bi komɛ ba Yesu ngɔ, nɛ a kɛ lɛ ba bɔni nya sami. A ka lɛ ke e pee nyakpɛ nɔ́ ko kɛ tsɔɔ kaa Mawu lɛ ha lɛ he wami nɛ e kɛ ngɛ ní tsue ɔ.

Yohane 10:38

Se ke jamɛ a ní tsumi ɔmɛ i tsuɔ ɔ, lɔ ɔ lɛɛ ke nyɛ he we imi nitsɛ yi po ɔ, níhi nɛ i peeɔ ɔ, nyɛ he nyɛɛ ye mɔ. Kɛkɛ ɔ, nyɛ maa le si kake nyɔngloo kaa Tsɛ ɔ ngɛ ye mi, nɛ imi hu i ngɛ Tsɛ ɔ mi.”

Yohane 12:37

Yesu pee ní nɛ ɔmɛ tsuo kɛ to okadi ngɛ ni ɔmɛ a hɛ mi paa, se a he we lɛ yi,

Yohane 2:18

Jehanɛ ɔ, Yuda bi ɔmɛ bi Yesu ke, “Mɛni okadi o maa to wɔ kɛ ma nɔ́ nɛ o pee nɛ ɔ nɔ mi?”

Yohane 4:8

(Jamɛ a be ɔ, Yesu kaseli ɔmɛ sɛ ma a mi ya nɛ a yaa he niye ní.)

Yohane 6:14

Nihi nɛ na okadi nɛ ɔ nɛ Yesu pee ɔ de ke, “Niinɛ, gbalɔ ɔ nɛ ma je ɔ mi ɔ ji nɛ ɔ nɛ.”

Yohane 6:2

Nimli babauu nyɛɛ e se, ejakaa a na nɛ e tsa hiɔtsɛmɛ kɛ to okadi kaa Mawu Bi ji lɛ.

Yohane 6:36

Kaa bɔ nɛ i de nyɛ momo ɔ, nyɛ na mi lɛɛ, se nyɛ he we yi.

Ni Tsumi 4:30

Je o he wami kpo, nɛ o ha a tsa nihi, nɛ a ngɔ Yesu, o tsɔlɔ klɔuklɔu ɔ biɛ kɛ pee okadihi, kɛ nyakpɛ níhi.”

1 Korintobi 1:22

Yuda bi hlaa kaa a pee okadi ha mɛ nɛ a na loko a he sɛ gbi ɔ nɛ a ye. Hela bi hu hlaa kaa a maa nu nile munyu ko ngɛ mi lo.

Hebribi 2:4

Mawu nitsɛ pee okadi kɛ nyakpɛ ní slɔɔtohi babauu kɛ ye yi wami hemi nɛ ɔ he odase. Jehanɛ hu, e dla Mumi Klɔuklɔu nike ní ɔmɛ ngɔ ha kaa bɔ nɛ lɛ nitsɛ e suɔ kɛ ma nɔ mi.