Yohane 6:27 - BAIBLO ALOO NGMAMI KLƆUKLƆU Ɔ

²⁷ Nyɛ ko gbo ngma nɛ puɛɔ ɔ he dengme. Mohu ɔ, nyɛ hla ngma nɛ hii si kɛ yaa neneene. Enɛ ɔ ji nɔ́ nɛ Nɔmlɔ Bi ɔ ma ha nyɛ ɔ nɛ, ejakaa Tsɛ Mawu ɔ nɛ hla lɛ.”

Somi He Ɔ

²⁷ Nyɛ ko tsu ngma nɛ puɛɛ ɔ he ni, se mohu nyɛ tsu ngma nɛ hii si kɛ yaa neneene wami mi nɛ Nɔmlɔ Bi ɔ ma ha nyɛ ɔ he ni, ejakaa lɛ e nya Tsɛ Mawu ɔ sɔu.”

Yohane 6:27 ပူးပေါင်းရင်းမြစ်များ

La 2:7

Matsɛ ɔ ke, “Nɔ́ nɛ Yawɛ de mi ɔ, ma sɛɛ nɛ nyɛɛ nu. Yawɛ de mi ke, ‘Ye bi ji mo; mwɔnɛ ɔ, i fɔ mo.

La 40:7

Kɛkɛ nɛ i de ke, “O nɛ mi; i ba; a ngma ye he sane ngɛ womi kpo ɔ mi.

Abɛ Womi 9:5

“Ba nɛ o ba ye ye ní ɔ eko, nɛ o nu wai nɛ i futu ɔ hu eko!

Fiɛlɔ 6:7

Dengme tsuo nɛ nɔmlɔ ngɛ gboe ɔ, e nya mi ngma kɛkɛ he lɛ e ngɛ gboe ngɛ. Se kɛ̃, e tɔɛ gblegbleegble.

Yesaya 42:1

Yawɛ ke, “Ye tsɔlɔ, nɔ nɛ i kplɛɛ we nɔ́ ngɛ e he ɔ, lɛ ji nɛ ɔ nɛ. Nɔ nɛ i hla nɛ i suɔ e sane ɔ, lɛ ji nɛ ɔ nɛ. I ngɔ ye mumi ɔ kɛ wo e mi, nɛ e maa ye dami sane kɛ kojo je ma amɛ tsuo.

Yesaya 55:2

Mɛni he je nyɛ puɛɔ sika kɛ heɔ nɔ nɛ be nyɛ tɔe? Mɛni he je nyɛ ngɔɔ nyɛ ní tsumi mi hiɔwo kɛ heɔ nɔ́ nɛ tɔɛ nɔ? Nyɛɛ bu mi tue saminya nɛ nyɛɛ pee nɔ nɛ i ngɛ dee ɔ; kɛkɛ nyɛ maa ye ní kpakpahi nɛ nyɛ bua maa jɔ nyɛ he.

Yeremia 15:16

O kɛ mi tu munyu, nɛ i nu nɔ́ tsuaa nɔ́ nɛ o de mi ɔ fitsofitso. Yawɛ Tabohiatsɛ Mawu, o nɔ́ ji mi, nɛ enɛ ɔ he je ɔ, o munyu ɔ ha nɛ i na bua jɔmi kɛ be nɔ.

Habakuk 2:13

Ma amɛ nɛ o ye a nɔ ɔ, ní tsumi kpakpataa nɛ a tsu ɔ tsuo pee yaka. Níhi tsuo nɛ o bua nya a, la sã mɛ. Yawɛ Tabohiatsɛ ɔ lɛ tsu nɔ́ nɛ ɔ nɛ.

Mateo 17:5

Benɛ e ngɛ munyu ɔ tue kɛ mwɔɔ ɔ, bɔku hleii ko ba ha a nɔ, nɛ gbi je bɔku ɔ mi de ke, “Ye Bi nɛ i suɔ lɛ, nɛ i naa e he tsui ji nɛ ɔ nɛ! Nyɛɛ bu lɛ tue.”

Mateo 25:46

Lɔ ɔ he ɔ, nimli nɛ ɔmɛ maa ya neneene he hiami mi; se dali ɔmɛ lɛɛ a maa ya neneene wami mi.”

Mateo 3:17

Kɛkɛ nɛ gbi ko je hiɔwe de ke, “Imi nitsɛ ye bi nɛ i suɔ ji nɛ ɔ nɛ! Ee, i ngɛ e he bua jɔmi saminya.”

Mateo 6:19

“Nyɛ ko to juetli ha nyɛ he ngɛ je ɔ mi he nɛ wɔyewɔye, kɛ kana puɛɔ ní, nɛ juli juɔ ngɛ ɔ.

Mateo 8:20

Yesu de lɛ ke, “Kɔkɔbohi ngɛ muɔ, nɛ lohwe pɛlitsɛmɛ ngɛ tsu, se Nɔmlɔ Bi ɔ lɛɛ e be he ko nɛ e kɛ e yi fɔɔ.”

Marko 1:11

E nu gbi ko je hiɔwe de ke, “Mo ji ye bi nɛ i suɔ; i naa o he bua jɔmi saminya.”

Marko 9:7

Amlɔ ɔ, bɔku ko ba ha a nɔ, nɛ gbi ko je bɔku ɔ mi de ke, “Nɔ nɛ ɔ ji ye bi nɛ i suɔ lɛ saminya a nɛ; nyɛɛ bu lɛ tue!”

Luka 3:22

nɛ Mumi Klɔuklɔu ɔ kple si kɛ ba e nɔ kɛ su nɛ ngɛ kaa lahuɛ. Nɛ gbi ko je hiɔwe de ke, “Mo ji ye bi nɛ i suɔ; i naa o he bua jɔmi saminya.”

Luka 9:35

Kɛkɛ nɛ Mawu tu munyu kɛ je bɔku ɔ mi ke, “Ye Bi nɛ i hla ji nɛ ɔ nɛ; nyɛɛ bu lɛ tue!”

Yohane 10:28

I haa mɛ neneene wami, nɛ a be gboe gblegbleegble. Nɔ ko nɔ ko be nyɛe ma kpɔ mɛ ngɛ ye dɛ.

Yohane 11:42

I le kaa o buɔ mi tue be tsuaa be; se i ngɛ enɛ ɔ dee ngɛ nihi nɛ pueɔ si nɛ ɔ a he, bɔ nɛ pee nɛ a he ye kaa mo nɛ o tsɔ mi.”

Yohane 14:6

Yesu he nɔ ke, “Imi ji blɔ ɔ, imi ji anɔkuale ɔ, nɛ imi ji wami ɔ hulɔ. Nɔ ko nɔ ko yɛ Tsɛ ɔ ngɔ kaa ja e gu ye nɔ.

Yohane 15:24

Kaa i ba tsu we ní nguanguahi nɛ nɔ ko tsu we hyɛ ɔ ngɛ a kpɛti ɔ, jinɛ a ko yi fɔ kaa a pee yayami. Jehanɛ ɔ, i tsu ní nɛ ɔmɛ nɛ a na paa; se kɛ̃ ɔ, a ngɛ i kɛ Tsaatsɛ tsuo nyɛe.

Yohane 17:2

Ejakaa o ha mi he wami nɛ ma ye adesahi tsuo a nɔ, konɛ nihi tsuo nɛ o tu ngɔ wo ye dɛ mi ɔ, ma ha nɛ a na neneene wami.

Yohane 3:15

konɛ nɔ tsuaa nɔ nɛ heɔ lɛ yeɔ ɔ, e na neneene wami.

Yohane 3:33

Nɔ tsuaa nɔ nɛ heɔ e munyu ɔ yeɔ ɔ, yeɔ odase kaa Mawu tuɔ anɔkuale.

Yohane 6:40

Ejakaa Tsaatsɛ suɔ kaa nɔ tsuaa nɔ nɛ na Bi ɔ, nɛ e heɔ lɛ yeɔ ɔ, e na neneene wami. Nɛ nyagbe ligbi ɔ, ma tle mɛ si kɛ ba wami mi.”

Yohane 6:47

I ngɛ nyɛ dee anɔkuale mi ke nɔ tsuaa nɔ nɛ heɔ yeɔ ɔ, e nine su neneene wami nɔ.

Yohane 6:51

Imi ji abolo nɛ je hiɔwe nɛ haa nɔ wami. Nɔ nɛ maa ye kikɛmɛ a abolo nɛ ɔ eko ɔ maa hi si kɛ maa ya neneene. Abolo nɛ ma ha lɛ ɔ ji imi nitsɛ ye he lo nɛ i ngɔ kɛ ha, bɔ nɛ pee nɛ je ɔ tsuo yi nɛ na wami.”

Yohane 6:53

Yesu de mɛ ke, “I ngɛ nyɛ dee anɔkuale mi ke, ke nyɛ yi Nɔmlɔ Bi ɔ he lo, nɛ́ nyɛɛ nu e muɔ ɔ, nyɛ be wami nae.

Yohane 6:54

Nɔ tsuaa nɔ nɛ maa ye ye he lo, nɛ e maa nu ye muɔ ɔ ma na neneene wami; nɛ nyagbe ligbi ɔ, ma tle lɛ si.

Yohane 6:58

Abolo nɛ je hiɔwe ɔ ji nɛ ɔ nɛ. Abolo nɛ ɔ be kaa nɔ́ nɛ nyɛ nɛmɛ ɔmɛ ye nɛ pee se a gbo ɔ. Mohu ɔ, nɔmlɔ nɛ maa ye abolo nɛ ɔ maa hi si kɛ maa ya neneene.”

Yohane 6:62

Ke nyɛ na Nɔmlɔ Bi ɔ nɛ kpale kɛ yaa hiɔwe he nɛ e je kɛ ba a, kɛ nyɛ maa pee kɛɛ?

Yohane 6:68

Simon Petro he nɔ ke, “Nyɔmtsɛ, mɛnɔ ngɔ wa maa ya? Mo lɛ o ngɛ neneene wami munyu ɔmɛ.

Yohane 8:18

Imi lɛɛ i yeɔ imi nitsɛ ye he odase, nɛ Tsɛ ɔ nɛ tsɔ mi ɔ hu yeɔ ye he odase.”

Ni Tsumi 10:38

Nyɛ le Yesu nɛ je Nazaret ɔ he sane, bɔ nɛ Mawu hla lɛ, nɛ e ha nɛ Mumi Klɔuklɔu ɔ he wami ɔ ba e nɔ. Nyɛ le bɔ nɛ e kpa si kɛ ya he tsuaa he kɛ kpakpa peemi. E tsa hiɔtsɛmɛ, nɛ e hia mumi yayamihi hulɔ; ejakaa Mawu kɛ lɛ ngɛ.

Ni Tsumi 2:22

“Ye nyɛmimɛ Israel bi, nyɛɛ bu munyu nɛ ɔ tue saminya! Nyakpɛ níhi, kɛ okadihi nɛ Mawu pee kɛ gu Yesu nɛ je Nazaret ɔ nɔ ɔ yeɔ odase paa kaa Mawu nitsɛ lɛ tsɔ lɛ. Nyɛ nitsɛmɛ nyɛ le enɛ ɔ, ejakaa nyɛ kpɛti a pee ni nɛ ɔmɛ ngɛ.

Romabi 4:11

Pomi nɛ a po lɛ ɔ ji okadi ko kɛkɛ nɛ maa nɔ mi kaa hemi kɛ yemi nɛ Abraham ngɛ he je ɔ, Mawu he lɛ momo kaa nɔ nɛ da, be mi nɛ a na we nɛ a po lɛ tete. Lɔ ɔ he ɔ, nihi tsuo nɛ heɔ Mawu yeɔ, nɛ pohu a pui mɛ, nɛ Mawu buu mɛ dali ɔ, Abraham peeɔ a tsɛ.

Romabi 6:23

Ejakaa yayami he hiɔwo ji gbenɔ; se Mawu nɔke nɔ́ ɔ ji neneene wami nɛ wa naa ngɛ wa Nyɔmtsɛ Yesu Kristo mi.

1 Korintobi 6:13

Nɔ ko hu ma de ke, “Ngma ngɛ ha muklii, nɛ muklii hu ngɛ ha ngma.” Ee, se Mawu ma kpata nɔ́ enyɔ nɛ ɔmɛ tsuo a hɛ mi. Nɔmlɔ tso ɔ, pi nyumu kɛ yo yakayaka ní peemi nɛ e ngɛ kɛ ha; se mohu e ngɛ ngɛ Nyɔmtsɛ ɔ he. Nɛ Nyɔmtsɛ ɔ hu ngɛ ha nɔmlɔ tso ɔ.

1 Korintobi 9:2

Ke ni kpahi bui kaa bɔfo ji mi ɔ, i heɔ yeɔ kaa nyɛɛ lɛɛ nyɛ he mi kaa bɔfo; ejakaa ní tsumi nɛ i ngɛ tsue ɔ, nyɛ ji okadi kaa Nyɔmtsɛ ɔ bɔfo ji mi.

2 Korintobi 4:18

Wa ngɔ wa hɛ ngɔ fɔ níhi nɛ a nɛ́ nɔ, se pi níhi nɛ a naa. Ejakaa níhi nɛ a naa a, hii si be bɔɔ ko kɛkɛ; se níhi nɛ a nɛ́ ɔ, hii si kɛ yaa neneene.

Galatabi 5:6

Ke nɔ ko ngɛ Kristo mi ɔ, a po lɛ jio, a pui lɛ jio, lɔ ɔ tsu we nɔ́ ko. Nɔ́ nɛ he hia wawɛɛ mohu ji hemi kɛ yemi nɛ jeɔ kpo ngɛ suɔmi nɛ wa ngɛ kɛ ha wa nyɛmimɛ ɔ mi ɔ.

Mose V, 30:13

E be wo se hulɔ nɛ nyɛ ma bi ke, ‘Mɛnɔ maa po wo, nɛ e ya ngɔ kɛ ba, konɛ waa nu, nɛ waa ye nɔ?’

Filipibi 2:13

Ejakaa be tsuaa be ɔ, Mawu ngɛ nyɛ he ní tsue, konɛ nyɛ na bua jɔmi nɛ nyɛ kɛ pee e suɔmi nya ní.

Kolosebi 1:29

Enɛ ɔ he ɔ, i kɛ Kristo he wami kpetekpleenyɛ ɔ nɛ ngɛ ye mi ɔ gboɔ dengme wawɛɛ kɛ tsuɔ ní.

Kolosebi 2:22

Mlaa nɛ ɔmɛ tsuo kɔɔ níhi nɛ ke a tsu a he ní pɛ a hɛ mi kpata a a he. Adesa mlaahi, kɛ tsɔɔmihi kɛkɛ ji enɛ ɔmɛ.

Kolosebi 3:2

Níhi nɛ ngɛ hiɔwe ɔ, lɔ ɔmɛ a he nyɛ susu; pi nihi nɛ ngɛ zugba a nɔ.

1 Tesalonikabi 1:3

Wa kaiɔ nyɛ ngɛ wa Tsɛ Mawu hɛ mi bɔ nɛ nyɛ hemi kɛ yemi ɔ jeɔ kpo ngɛ nyɛ ní tsumi mi, bɔ nɛ suɔmi nɛ nyɛ ngɛ ɔ ha nɛ nyɛ tsu ní wawɛɛ, kɛ bɔ nɛ nyɛ ngɔ nyɛ hɛ kɛ fɔ wa Nyɔmtsɛ Yesu Kristo nɔ wawɛɛ nitsɛ.

2 Timoteo 2:19

Se tsu sisi tomi tɛ nɛ Mawu ngɔ kɛ ma si ha hemi kɛ yemi ɔ he wa, nɛ e be mimiɛe. Munyu nɛ a kɛ sɔu tɛ ɔ nya ji, “Nyɔmtsɛ ɔ le lɛ nitsɛ e nihi.” Ekpa hu deɔ ke, “Nɔ tsuaa nɔ nɛ deɔ ke Mawu nɔ́ ji lɛ ɔ, é kpa yayami peemi.”

Hebribi 12:16

Nɔ ko kó pee e he yaholɔ, loo mu ní tsulɔ kaa Esau, nɔ nɛ jua e tɛte blɔ nya kɛ he niye ní nya mi bɔ kake ɔ.

Hebribi 4:11

Lɔ ɔ he ɔ, nyɛ ha nɛ waa bɔ mɔde, konɛ wa nine nɛ su he jɔɔmi nɛ ɔ nɔ, nɛ nɔ ko kó gbo tue kaa mɛ, nɛ e ba laa blɔ.

Yakobo 1:11

Ke pu je, nɛ je mi dɔ la a, mɔmɔ nglaa, nɛ e wɔleɔ pueɔ si, nɛ afɛu ko be e he hu. Ja nɔuu niatsɛ ɔ hu benɛ e hɛ dɔ kɛ ngɛ ní tsue ɔ, e hɛ mi ma kpata tlukaa.

1 Petro 1:24

Ngmami ɔ ke, “Nimli adesahi tsuo ngɛ kaa nga; Nɛ a hɛ mi nyami ɔ tsuo ngɛ kaa nga mɔmɔ, Nga gbliɔ, nɛ mɔmɔ wɔleɔ,

2 Petro 1:17

Wa ngɛ lejɛ ɔ benɛ Tsɛ Mawu wo e hɛ mi nyami ɔ. Jamɛ a be ɔ, gbi pɛ kɛ je hɛ mi nyami kpetekpleenyɛ ɔ ngɔ ke, “Nɔ nɛ ɔ ji ye Bi nɛ i suɔ, nɛ i naa e he tsui!”