Yohane 6:26 - BAIBLO ALOO NGMAMI KLƆUKLƆU Ɔ

²⁶ Yesu he nɔ ke, “I ngɛ nyɛ dee anɔkuale mi ke, pi okadihi nɛ nyɛ na a a he nɛ nyɛ ngɛ mi hlae; se mohu abolo ɔ nɛ nyɛ ye nɛ nyɛ tɔ ɔ he nɛ nyɛ ngɛ mi hlae ɔ nɛ.

Somi He Ɔ

²⁶ Yesu he nɔ ke: “I ngɛ nyɛ dee anɔkuale mi ke: Tsa pi okadihi nɛ nyɛ na a he nɛ nyɛ ngɛ mi hlae nɛ ɔ, se mohu akɛnɛ nyɛ ye abolo ɔ eko nɛ nyɛ tɔ ɔ he je.

Yohane 6:26 ပူးပေါင်းရင်းမြစ်များ

La 78:37

A yi lɛ anɔkuale ɔ, somi nɛ e kɛ mɛ so ɔ hu a yi nɔ.

Ezekiel 33:31

Lɔ ɔ he ɔ, ye ma a baa o ngɔ, nɛ a ba hii si ngɛ o hɛ mi nɛ a buɔ munyu ɔmɛ tue, se nɔ́ nɛ o deɔ mɛ ke a pee ɔ, lɔ ɔ lɛɛ a pee we. Á yeɔ nɔ he fɛu, nɛ a se nami he pɛ a susuɔ.

Yohane 3:3

Yesu he nɔ ke, “I ngɛ mo dee anɔkuale mi ke, ke a ji hiɔwe fɔ we nɔ ko ɔ e be Mawu matsɛ yemi ɔ mi sɛe.”

Yohane 3:5

Yesu he nɔ ke, “I ngɛ mo dee anɔkuale mi ke, ke a ji nyu kɛ mumi mi fɔ we nɔ ko ɔ, e be nyɛe maa sɛ matsɛ yemi ɔ mi.

Yohane 6:14

Nihi nɛ na okadi nɛ ɔ nɛ Yesu pee ɔ de ke, “Niinɛ, gbalɔ ɔ nɛ ma je ɔ mi ɔ ji nɛ ɔ nɛ.”

Yohane 6:15

Benɛ Yesu na kaa a ngɛ hlae nɛ a nu lɛ pani nya, nɛ a wo lɛ matsɛ ɔ, e sã e he si, nɛ lɛ nɔ kake e je kpoo kɛ kuɔ yo ɔ ekohu.

Yohane 6:2

Nimli babauu nyɛɛ e se, ejakaa a na nɛ e tsa hiɔtsɛmɛ kɛ to okadi kaa Mawu Bi ji lɛ.

Yohane 6:24

Benɛ ma kpekpemi ɔ na kaa Yesu be lejɛ ɔ, nɛ a nɛ́ e kaseli ɔmɛ hulɔ ɔ, a wo lɛ ɔmɛ, nɛ a pue nɔ kɛ ho Kapernaum ya ya hla Yesu.

Yohane 6:30

A he nɔ nɛ a bi lɛ ke, “Mɛni okadi o maa to wɔ, konɛ wa he mo waa ye? Mɛni o maa pee?

Yohane 6:36

Kaa bɔ nɛ i de nyɛ momo ɔ, nyɛ na mi lɛɛ, se nyɛ he we yi.

Yohane 6:47

I ngɛ nyɛ dee anɔkuale mi ke nɔ tsuaa nɔ nɛ heɔ yeɔ ɔ, e nine su neneene wami nɔ.

Yohane 6:53

Yesu de mɛ ke, “I ngɛ nyɛ dee anɔkuale mi ke, ke nyɛ yi Nɔmlɔ Bi ɔ he lo, nɛ́ nyɛɛ nu e muɔ ɔ, nyɛ be wami nae.

Yohane 6:64

Se kɛ̃, nyɛ ti ni komɛ he we yi.” (Kɛ je sisije ɔ, Yesu lɛɛ e le ni nɛmɛ nɛ be lɛ hee maa ye; nɛ nɔmlɔ nɛ maa tsɔɔ e se blɔ ɔ hu e le lɛ.)

Romabi 16:18

Ejakaa nimli kaa kikɛ nɛ ɔ, pi Kristo, wa Nyɔmtsɛ ɔ nɛ a ngɛ sɔmɔe. Se mɛ nitsɛmɛ a muklii mohu he mɔde nɛ a ngɛ bɔe. A kɛ munyu dɔkɔɔ gbeɔ nihi nɛ a juɛmi se ti we ɔ a yi mi, nɛ a sisiɔ mɛ.

Filipibi 2:21

Ni ɔmɛ kulaa a ti nɔ tsuaa nɔ ko ngɛ lɛ nɔ kake pɛ e nɔ mi foe. Yesu Kristo he sane ɔ pi a kɔmɔ.

Filipibi 3:19

Kikɛmɛ a nimli nɛ ɔmɛ ɔ, a ma kpata a hɛ mi kɛ maa ya neneene. Ejakaa mɛɛ lɛɛ a muklii ji a mawu nɛ a jaa. A nyaa zo níhi a he, nɛ je mi níhi pɛ a he a susuu.

1 Timoteo 6:5

nɛ a sãã nya be tsuaa be. A juɛmi be tutuutu, nɛ a li nɔ nɛ ji anɔkuale hu. E peeɔ mɛ kaa Mawu jami ji blɔ ko nɛ a guu nɔ kɛ naa ní kpɔtɔɔ.