Yohane 6:2 - BAIBLO ALOO NGMAMI KLƆUKLƆU Ɔ

² Nimli babauu nyɛɛ e se, ejakaa a na nɛ e tsa hiɔtsɛmɛ kɛ to okadi kaa Mawu Bi ji lɛ.

Somi He Ɔ

² Nɛ nihi fuu nyɛɛ e se, ejakaa a na okadihi nɛ e pee ngɛ hiɔtsɛmɛ ɔmɛ a he ɔ.

Yohane 6:2 ပူးပေါင်းရင်းမြစ်များ

Mateo 12:15

Benɛ Yesu nu kaa a so e yi nɔ ɔ, e sã e he si kɛ je lejɛ ɔ, se nihi babauu nyɛɛ e se. E tsa nihi tsuo nɛ be he wami ɔ,

Mateo 13:2

Nimli jiji nitsɛnitsɛ ba bɔle lɛ kɛ kpe. Lɔ ɔ he ɔ, e ya sɛ lɛ ko mi nɛ e hi si, be mi nɛ ma a tsuo daa si ngɛ wo ɔ nya.

Mateo 14:14

Yesu je kpo ngɛ lɛ ɔ mi, nɛ benɛ e na ni ɔmɛ ɔ, e mi mi sã lɛ ngɛ a he, nɛ e tsa a kpɛti hiɔtsɛmɛ ɔmɛ.

Mateo 8:1

Benɛ Yesu kple si kɛ je yo ɔ nɔ ɔ, nihi babauu nyɛɛ e se.

Marko 1:45

Se nyumu ɔ pue nɔ kɛ ho, nɛ e ya bɔni sane ɔ fiɛmi ngɛ he tsuaa he. Enɛ ɔ ha sane ɔ gbɛ fĩa bɔ nɛ Yesu nyɛ we nɛ e nyɛɛ paa kɛ ya ma ko mi hu; se e hi ngapa he komɛ banee, nɛ nihi jee he tsuaa he kɛ baa e ngɔ.

Marko 6:33

Nihi babauu na mɛ nɛ a yaa, nɛ a yo mɛ. Lɔ ɔ he ɔ, a je ma amɛ tsuo a mi kɛ fo kɛ gu nane blɔ nɛ a ya su lejɛ ɔ si Yesu kɛ e kaseli ɔmɛ.

Yohane 11:47

Lɔ ɔ he ɔ, osɔfo nikɔtɔma amɛ, kɛ Farisi bi ɔmɛ tsɛ kpe ngua a mi bi ɔmɛ kɛ kpe, nɛ a de ke, “Kɛ wa maa pee kɛɛ? Nyɛɛ hyɛ níhi tsuo nɛ nyumu nɛ ɔ ngɛ pee kɛ ngɛ okadi toe.

Yohane 12:18

Kikɛmɛ a okadi nɛ ɔ nɛ e to mɛ ɔ he nɛ ma kpekpemi ɔ ya kpee lɛ ɔ nɛ.

Yohane 12:37

Yesu pee ní nɛ ɔmɛ tsuo kɛ to okadi ngɛ ni ɔmɛ a hɛ mi paa, se a he we lɛ yi,

Yohane 2:11

Enɛ ɔ ji kekleekle nyakpɛ nɔ́ nɛ Yesu pee ngɛ Kana ngɛ Galilea kɛ to okadi kaa Mawu ha lɛ he wami; nɛ e kaseli ɔmɛ he lɛ ye.

Yohane 2:23

Yesu hi Yerusalem Hetsɔmi nyami be ɔ tsuo. E pee okadihi babauu, nɛ nihi tsuo nɛ na a, a he lɛ ye.

Yohane 20:30

Yesu pee okadi kpahi fuu ngɛ e kaseli ɔmɛ a hɛ mi nɛ a ngmɛ́ ngɛ womi nɛ ɔ mi.

Yohane 3:2

Nyumu nɛ ɔ ba Yesu ngɔ nyɔ mi, nɛ e ba de lɛ ke, “Tsɔɔlɔ, wa le kaa tsɔɔlɔ nɛ Mawu tsɔ kɛ ba ji mo. Níhi tsuo nɛ o peeɔ ɔ kɛ toɔ okadi ɔ, nɔ ko nɔ ko be nyɛe maa pee, ja Mawu piɛ e he.”

Yohane 6:14

Nihi nɛ na okadi nɛ ɔ nɛ Yesu pee ɔ de ke, “Niinɛ, gbalɔ ɔ nɛ ma je ɔ mi ɔ ji nɛ ɔ nɛ.”

Yohane 6:22

E nɔ jena a, ma kpekpemi ɔ nɛ tlɔ taku ɔ se ɔ na kaa lɛ kpa ko be lejɛ ɔ. A le hu kaa Yesu sɛ́ lɛ ɔ mi kɛ kaseli ɔmɛ, se kaseli ɔmɛ pɛ nɛ a pue nɔ kɛ ho.

Yohane 6:26

Yesu he nɔ ke, “I ngɛ nyɛ dee anɔkuale mi ke, pi okadihi nɛ nyɛ na a a he nɛ nyɛ ngɛ mi hlae; se mohu abolo ɔ nɛ nyɛ ye nɛ nyɛ tɔ ɔ he nɛ nyɛ ngɛ mi hlae ɔ nɛ.

Yohane 6:30

A he nɔ nɛ a bi lɛ ke, “Mɛni okadi o maa to wɔ, konɛ wa he mo waa ye? Mɛni o maa pee?