Yohane 5:6 - BAIBLO ALOO NGMAMI KLƆUKLƆU Ɔ

⁶ Yesu na lɛ nɛ hwɔɔ si, nɛ e le kaa nyumu ɔ na we he wami be babauu. Lɔ ɔ he ɔ, e bi lɛ ke, “O suɔ nɛ a tsa mo lo?”

Somi He Ɔ

⁶ Nɛ benɛ Yesu na lɛ nɛ e fɔɔ si, nɛ e le kaa e se kɛ hluu ɔ, e bi lɛ ke: “O suɔ kaa o na he wami lo?”

Yohane 5:6 ပူးပေါင်းရင်းမြစ်များ

La 142:3

Benɛ ye nine mi miɔ nɛ e wo nyu ɔ, moo lɛɛ o le ye hiami ɔ mo. Ye he nyɛli ɔmɛ tsɔ mi klama ngɛ ye blɔ ɔ mi.

Yesaya 65:1

Yawɛ ke, “I pee klaalo konɛ nihi nɛ li mi ɔ nɛ a hla ye se blɔ; i pee klaalo konɛ ni nɛmɛ nɛ li mi ɔ nɛ a le mi jehanɛ. Daa nɛ ɔ, i pee klaalo nɛ i ngɛ ma a dee ke, ‘I ngɛ hiɛ ɔ oo; nyɛ tsɛ mi nɛ ma piɛ nyɛ he.’

Yeremia 13:27

Yawɛ na nyɛ nɛ nyɛ ngɛ níhi nɛ e sume pee. E na nyɛ nɛ nyɛ ya ngɛ mawu kpahi a se nyɛɛe ngɛ nga nɔ kɛ yokuhi a nɔ. E na nyɛ nɛ nyɛ ngɛ huhui kpae kaa okpɔngɔ kuhi kɛ okpɔngɔ yihi nɛ ngɛ bɔe. Yerusalem bi, musu tloo nyɛ! Mɛni be po nyɛ he ma tsɔ?

Luka 18:41

“Mɛni o ngɛ hlae nɛ ma pee ha mo?” E he nɔ ke, “Nyɔmtsɛ, ha nɛ ma hyɛ nɔ ekohu.”

Yohane 21:17

Jehanɛ Yesu kpale bi lɛ nɔ́ nɛ ji si etɛ ke, “Simon, Yohane bi, o suɔ mi lo?” E dɔ Petro kaa Yesu bi lɛ si etɛ sɔuu ke e suɔ lɛ lo. Lɔ ɔ he ɔ, e he nɔ ke, “Nyɔmtsɛ, mo nitsɛ o le nɔ́ tsuaa nɔ́; mo nitsɛ o le kaa i suɔ mo!” Yesu de lɛ ke, “Lɛɛ ye to ɔmɛ.

Yohane 5:5

Nyumu ko ngɛ lejɛ ɔ nɛ ngɛ hiɔ nue jeha nyingmi etɛ kɛ kpaanyɔ sɔuu.

Yohane 5:7

Hiɔtsɛ ɔ he nɔ ke, “Nyɔmtsɛ, ke a ba klɛ nyu ɔ mi kikɛ nɛ ɔ, i be nɔ ko nɛ ma wo mi ya fɔ taku ɔ mi. Be tsuaa be ɔ, ke ma su lejɛ ɔ, nɔ kpa sɛ ye hlami ya nɔ mi momo.”

Hebribi 4:13

Nɔ́ ko nɔ́ ko be nɛ a kɛ laa Mawu. Nɔ́ tsuaa nɔ́ ngɛ je nɛ ɔ mi fɔɔ si paa ngɛ Mawu hɛ mi. Nɛ nɔ tsuaa nɔ maa bu lɛ nitsɛ e we akɔtaa ngɛ e hɛ mi.

Hebribi 4:15

Wa osɔfo nɔkɔtɔma pe kulaa a, e pi nɔ nɛ be nyɛe maa nu wa gbɔjɔmi ɔmɛ a he ha wɔ. Osɔfo nɔkɔtɔma pe kulaa nɛ wa ngɛ ɔ, Abosiami ka lɛ ngɛ blɔ tsuaa blɔ nɔ kaa wɔ nɔuu, se lɛɛ e pee we yayami.