Yohane 5:44 - BAIBLO ALOO NGMAMI KLƆUKLƆU Ɔ

⁴⁴ Nyɛ nɛ nyɛ hlaa nɛ nihi nɛ je nyɛ yi, se nyɛ bɔɛ mɔde, konɛ nɔ nɛ lɛ nɔ kake pɛ ji Mawu ɔ nɛ wo nyɛ hɛ mi nyami ɔ, kɛ maa pee kɛɛ nɛ nyɛ ma he mi maa ye mɔ?

Somi He Ɔ

⁴⁴ Nyɛ nɛ nyɛ ngɛ hɛ mi nyɛmi he hae ngɛ nyɛ kpɛti, se hɛ mi nyami nɛ jee Mawu kake too ɔ ngɔ ɔ lɛɛ nyɛ di se ɔ, kɛ maa pee kɛɛ nɛ nyɛ ma nyɛ he ye mɔ?

Yohane 5:44 ပူးပေါင်းရင်းမြစ်များ

Yohane 12:43

A suɔ kaa a sa nimli a hɛ mi pe nɛ a maa pee nɔ nɛ sa Mawu hɛ mi.

Romabi 2:29

Mohu ɔ, Yuda no nitsɛnitsɛ peemi ɔ ngɛ nɔ ɔ nitsɛ e mi, nɛ nɔ pomi ɔ hu ngɛ e tsui mi. Mawu mumi ɔ pɛ lɛ tsuɔ enɛ ɔ, pi mlaa nɛ a ngma a. Kikɛmɛ a nɔmlɔ nɛ ɔ, Mawu nitsɛ lɛ jeɔ e yi, pi nɔmlɔ adesa.

Filipibi 2:3

Nyɛ ko pee nɔ́ ko nɛ tsɔɔ kaa nyɛ ti nɔ ko ngɛ lɛ nɔ kake pɛ e nɔ́ mi foe, loo e ngɛ hlae nɛ e fĩa yaka. Be tsuaa be ɔ, nyɛɛ pee nyɛ he humi, nɛ nyɛɛ bu nyɛ sibi pe nyɛ nitsɛmɛ nyɛ he.

Mateo 23:5

Ke a ngɛ nɔ́ ko pee ɔ, kikɛ nɛ ɔ a hɛ ngɛ si poe nɛ a ngɛ hyɛe kaa nihi maa na mɛ lo. Lohwe he womihi nɛ a ngma Mawu munyu ngɛ a nɔ nɛ a fiɔ ngɛ a hɛ nya, kɛ a nine he ɔ, hyɛ bɔ nɛ a bli gbabagbabaa ha! Dekehi hu nɛ ngɛ a tade klɔii ɔmɛ a nya a, hyɛ bɔ nɛ lɔ ɔmɛ hu ka gagaaga ha!

1 Petro 1:7

A kɛ amanehlu nɛ ɔmɛ ngɛ nyɛ kae kaa nyɛ heɔ Mawu yeɔ niinɛ lo. Sika tsu po nɛ puɛɔ ɔ, a kaa ngɛ la mi. Lɔ ɔ he ɔ, nyɛ hemi kɛ yemi ɔ nɛ he jua wa kulaa pe sika tsu ɔ, ja a ka lɛ, bɔ nɛ pee nɛ e mi nɛ wa. Kɛkɛ ɔ, ligbi ɔ nɛ Yesu Kristo maa ba ekohu ɔ, a ma je nyɛ yi, nɛ a maa bu nyɛ, nɛ nyɛ hɛ mi maa ba nyami.

Samuel I, 2:30

Imi Yawɛ, Israel Mawu ɔ, i wo si be ko ke o kɛ o weku li ma sɔmɔ mi kaa osɔfohi kɛ maa ya neneene. Se jehanɛ ɔ, i ngɛ dee ke i kpale ye nya se! Mohu ɔ, nihi nɛ woɔ ye hɛ mi nyami ɔ, ma wo a hɛ mi nyami; nɛ nihi nɛ hiee mi ɔ, imi hu ma hie mɛ.

1 Korintobi 4:5

Lɔ ɔ he ɔ, nyɛ ko kojo nɔ ko loko be ɔ nɛ su. Nyɛɛ mlɛ kɛ yaa si Nyɔmtsɛ ɔ maa ba. Ke e ba a, e ma je diblii mi níhi, kɛ tsui mi ní yayahi nɛ a kɛ laa a tsuo kpo. Jamɛ a be ɔ, nɔ tsuaa nɔ ma na yi jemi nɛ sa lɛ ɔ kɛ je Mawu dɛ mi.

Romabi 2:10

Se ni nɛmɛ nɛ peeɔ nɔ́ kpakpa a, Mawu maa wo a hɛ mi nyami; bu maa ba a he, nɛ e ma ha mɛ he jɔmi, Yuda bi kekle, kɛ jehanɛ ɔ, ma je li hulɔ.

Romabi 2:7

Nihi nɛ toɔ a tsui si kɛ peeɔ kpakpa daa, nɛ a kɛ hlaa hɛ mi nyami, kɛ bu ha a he konɛ a ko gbo ɔ, Mawu ma ha mɛ neneene wami.

Luka 19:17

E de lɛ ke, Ayekoo! Tsɔlɔ kpakpa ji mo! O ye anɔkuale ngɛ nɔ́ nyafii mi, lɔ ɔ he ɔ, o maa ye ma nyɔngma nɔ́.

Kronika II, 6:8

se Yawɛ de lɛ ke, ‘O pee saminya kaa o to o yi mi kaa o maa po we ha mi.

Yakobo 2:1

Ye nyɛmimɛ, nyɛ heɔ Nyɔmtsɛ Yesu Kristo nɛ hɛ mi ngɛ nyami ɔ yeɔ, lɔ ɔ he ɔ, nyɛ ko hyɛ nɔ hɛ mi, nɛ nyɛ ko bu ni komɛ pe ni komɛ.

Hebribi 3:12

Ye nyɛmimɛ, nyɛɛ hyɛ saminya, konɛ nyɛ ti nɔ ko kó hɛɛ juɛmi yaya nɛ be hae nɛ e he ye, nɛ e ko ba tsɔ Mawu hɛ kalɔ ɔ hɛ mi atuã.

2 Korintobi 10:18

Ejakaa nɔ nɛ jeɔ lɛ nitsɛ e yi ɔ, Nyɔmtsɛ ɔ hla we lɛ; nɔ nɛ Nyɔmtsɛ ɔ nitsɛ jeɔ e yi ɔ, lɛ nɛ Nyɔmtsɛ ɔ suɔ.

Yohane 17:3

Ke a na le kaa mo ji anɔkuale Mawu ɔ, nɛ a le Yesu Kristo, nɔ nɛ o tsɔ ɔ, a ma na neneene wami.

Yohane 8:43

Munyu nɛ i kɛ nyɛ tu ɔ, nyɛ nɛ nya, ejakaa nyɛ bui ye munyu ɔ.

Yohane 3:20

Nɔ tsuaa nɔ nɛ peeɔ yayami ɔ, e nyɛɔ la a; nɛ e sume nɛ e baa la a nya, ejakaa e sume nɛ a naa e ní yayami ɔmɛ.

Yeremia 13:23

Anɛ nɔmlɔ yumu ma nyɛ ma tsake e he womi su ɔ lo? Anɛ ngatsɛ ma nyɛ ma tsake e he huatahuata a lo? Ke e maa hi peemi ja a, lɛɛ nyɛ nɛ yayami peemi pee nyɛ he nɔ́ nɛ ɔ, nyɛ hu nyɛ ma nyɛ maa pee kpakpa.

Samuel I, 15:30

Saul de ke, “I pee yayami; se kɛ̃, moo wo ye hɛ mi nyami ngɛ ye ma nimeli, kɛ Israel tsuo a hɛ mi, nɛ o kɛ mi nɛ ya nɛ ma ya ja Yawɛ, o Mawu ɔ.”

Yohane 5:41

“I hla we nimli a hɛ mi nyami.

1 Tesalonikabi 2:6

Wa bɛ, konɛ nimli ba wo wa hɛ mi nyami, nyɛ jio, ni kpahi jio.

1 Timoteo 1:17

Mawu kake too, Neneene Matsɛ, nɔ nɛ ngɛ daa nɛ a nɛ lɛ ɔ, a je e yi, nɛ a wo e hɛ mi nyami kɛ ya neneene! Amen.

Yuda 1:25

lɛ Mawu kake too, wa kpɔlɔ ɔ, a gu wa Nyɔmtsɛ Yesu Kristo nɔ kɛ wo e hɛ mi nyami. E nɔ́ ji agboje, kɛ he wami, kɛ he blɔ kɛ je blema lokoo kɛ ba si amlɔ nɛ ɔ, kɛ yaa neneene tɔɔ! Amen.