Yohane 5:38 - BAIBLO ALOO NGMAMI KLƆUKLƆU Ɔ

³⁸ Nyɛ bui e munyu ɔ, ejakaa imi nɔmlɔ nɛ e tsɔ ɔ, nyɛ he we mi yi.

Somi He Ɔ

³⁸ nɛ e munyu ɔ nui si ngɛ nyɛ mi, ejakaa nya he we nɔ nɛ e tsɔ ɔ yi.

Yohane 5:38 ပူးပေါင်းရင်းမြစ်များ

1 Yohane 2:14

Bimɛ tsɔwi, i ngɛ nyɛ womi nɛ ɔ ngmae, ejakaa nyɛ le Tsɛ ɔ. Tsaatsɛmɛ! I ngɛ nyɛ womi nɛ ɔ ngmae, ejakaa nyɛ le nɔ nɛ ngɛ kɛ je sisije ɔ. Nihewi! I ngɛ nyɛ womi nɛ ɔ ngmae, ejakaa nyɛ he wa; Mawu we anɔkuale ɔ ngɛ nyɛ mi, nɛ nyɛ ye nɔ yayami ɔ nɔ kunimi.

Yohane 15:7

Ke nyɛ mɛtɛ ye he, nɛ nyɛ he ye munyu ɔmɛ ye ɔ, nɔ́ tsuaa nɔ́ nɛ nyɛ suɔ ɔ, ke nyɛ bi ɔ, a ma ha nyɛ.

Yohane 8:37

I le kaa Abraham nina ji nyɛ! Mɛni he je mɔ nɛ nyɛ ngɔɛ ye tsɔɔmi ɔ, nɛ nyɛ ngɛ mi hlae nyɛɛ gbe mohu ɔ.

Yohane 1:11

E ba lɛ nitsɛ e ma mi, se e ma mi bi ɔmɛ he we lɛ.

Yesaya 49:7

Nɔ nɛ a gbe e he guɛ wawɛɛ, nɛ je ma amɛ sume e sane saasaa a, nɔ yeli ɔmɛ a tsɔlɔ ɔ, bɔ nɛ Israel yi wami helɔ, kɛ Israel Mawu Klɔuklɔu ɔ ngɛ dee ngɛ e he ji nɛ ɔ nɛ: “Matsɛmɛ maa na mo, nɛ a maa te si ha mo; ganɔhi maa na, nɛ a ma kpla si ha mo kɛ wo o hɛ mi nyami.” Nɔ́ nɛ ɔ maa ba mi, ejakaa Yawɛ nitsɛ lɛ hla e tsɔlɔ ɔ nɛ; Israel Mawu klɔuklɔu ɔ yeɔ e siwo nɔ sisiisi.

Yoshua 1:8

Moo kane mlaa womi nɛ ɔ daa. Mo susu he nyɔ kɛ pia; nɛ o ye nɔ́ tsuaa nɔ́ nɛ a ngma ngɛ mi ɔ nɔ; ja jã loko níhi a mi maa hi ha mo, nɛ o maa ye manye.

Kolosebi 3:16

Nyɛ ha nɛ Kristo sɛ gbi ɔ nɛ hyi nyɛ fuu. Nyɛɛ tsɔɔ nyɛ he ní, nɛ nyɛɛ wo nyɛ sibi ga kɛ juɛmi nɛ mi kuɔ. Nyɛ la La womi ɔ mi lahi, yi jemi lahi, kɛ mumi mi lahi kɛ je nyɛ tsui mi nɛ nyɛ kɛ na Mawu si.

La 119:11

I ngɔ o munyu ɔ kɛ to ye tsui mi tɔɔ, konɛ ma ko pee yayami kɛ si mo.

Yesaya 26:10

E ngɛ mi kaa o naa yiwutsotsɛmɛ mɔbɔ lɛɛ, se a kase we nɛ a pee nɔ́ nɛ da. E ngɛ mi kaa a ngɛ nihi nɛ peeɔ nɔ́ nɛ da a zugba nɔ lɛɛ, se yayami mohu a ngɛ pee kpamisa; a yɔse we kaa Mawu kpetekpleenyɛ ji mo.