Yohane 5:3 - BAIBLO ALOO NGMAMI KLƆUKLƆU Ɔ

³ Hiɔtsɛmɛ babauu, hɛ yuyuili, glɔtsɛmɛ, kɛ ni nɛmɛ nɛ hule pueɔ si tsuo ngɛ kue ɔmɛ a mi. [A ngɛ blɔ hyɛe nɛ a ba klɛ nyu ɔ mi.

Somi He Ɔ

³ Enɛ ɔmɛ a mi hiɔtsɛmɛ fuu, hɛ yuyuili, pɔtsɛmɛ kɛ ninɛmɛ nɛ hule pueɔ si ngɛ, [nɛ a ngɛ nyu ɔ mi klemi mlɛe.

Yohane 5:3 ပူးပေါင်းရင်းမြစ်များ

Luka 7:22

Yesu ha Yohane tsɔli ɔmɛ heto ke, “Nyɛɛ kpale kɛ ho nɛ nyɛ ya de Yohane níhi nɛ nyɛ na, kɛ níhi nɛ nyɛ nu: hɛ yuyuili ngɛ nɔ́ hyɛe, glɔtsɛmɛ ngɛ nyɛɛe, nihi nɛ he womi nɔ hiɔ yaya ngɛ a he ɔ, a he tsɔ, tue kpokutsɛmɛ ngɛ nɔ́ nue, a ngɛ gbogboehi si tlee, nɛ a ngɛ sane kpakpa a fiɛe kɛ ngɛ ohiatsɛmɛ tsɔɔe.

Mateo 15:30

Ma kpekpemi nitsɛ ba e ngɔ ngɛ lejɛ ɔ. A kɛ hiɔtsɛmɛ slɔɔto babauu ba pue Yesu nane nya, nɛ e tsa mɛ. Hiɔtsɛmɛ ɔmɛ ekomɛ ji nihi nɛ hule, hɛ yuyuili, amuɛtihi, glɔtsɛmɛ, kɛ hiɔtsɛmɛ kpahi fuu.

Zakaria 11:17

Ye to hyɛlɔ nɛ o he be se nami lee! To hyɛlɔ nɛ tuɔ fo kɛ jeɔ to kuu ɔ he ɔ, klaate maa po e kɔni, kɛ e hiɔ nɔ hɛngmɛ. Ee, á po e kɔni nɛ je nya, nɛ e hiɔ nɔ hɛngmɛ nɛ yu kulaa.”

Kɔmɔ Yemi 3:26

Lɔ ɔ he ɔ, e sa kaa waa to wa tsui si kɛ hyɛ Yawɛ blɔ, konɛ e he wa yi wami.

Yakobo 5:7

Ye nyɛmimɛ nɛ i suɔ, e hia kaa nyɛɛ to nyɛ tsui si kɛ ya su be nɛ Nyɔmtsɛ ɔ maa ba. Nyɛɛ hyɛ bɔ nɛ ngmɔ hulɔ toɔ e tsui si, nɛ e mlɛɔ kɛ ya siɔ zugba a baa ní saminya. E toɔ e tsui si, nɛ e mlɛɔ kɛ ya siɔ gbo kɛ gbiɛ nyu nɛɔ pueɔ dumi ní ɔ nɔ.

Romabi 8:25

Se ke wa ngɛ nɔ́ ko blɔ hyɛe, nɛ wa ngɔ wa hɛ kɛ fɔ nɔ kaa wa nine maa su nɔ ɔ, wa toɔ wa tsui si.

Abɛ Womi 8:34

Nɔ nɛ buɔ mi tue, nɛ e hii si ngɛ ye sinya nya daa ligbi, nɛ e hii mlɛe ngɛ ye agbo nya a, e naa bua jɔmi.

Matsɛmɛ I, 13:4

Benɛ Yeroboam nu ngmlaa a nɛ gbalɔ ɔ kpa ngɔ wo bɔ sami la tɛ ɔ, e wo e nine nɔ ngɛ bɔ sami la tɛ ɔ he, nɛ e fa ke, “Nyɛɛ nu lɛ!” Amlɔ ɔ, nine ɔ nɛ matsɛ ɔ wo nɔ kɛ tsɔɔ gbalɔ ɔ wlua, nɛ e nyɛ we nɛ e ba lɛ si hu.

Mateo 4:24

Yesu he sane gbɛ fĩa Siria zugba a tsuo nɔ; nɛ a ngɔ hiɔtsɛmɛ, kɛ nihi nɛ ngɛ haomi slɔɔtohi a mi kɛ ba e ngɔ, nɛ e tsa mɛ: kɔkɔtsɛmɛ, hulemi hiɔtsɛmɛ, kɛ nihi nɛ mumi yayamihi ngɛ a mi.

Yohane 5:2

Taku ko kɛ e he kue enuɔ ngɛ To Agbo ɔ nɛ ngɛ Yerusalem ɔ kasa nya. Hebri gbi mi ɔ, a tsɛɛ taku nɛ ɔ Betesda.

Yohane 5:4

Be komɛ ɔ, Nyɔmtsɛ ɔ bɔfo ma kple si ba klɛ nyu ɔ mi; kɛkɛ ɔ, nɔ tsuaa nɔ nɛ lɛ kekle e ma ya nɔ nyu ɔ mi ɔ, hiɔ tsuaa hiɔ nɛ ngɛ e he ɔ taa amlɔ.]