Yohane 5:28 - BAIBLO ALOO NGMAMI KLƆUKLƆU Ɔ

²⁸ Nyɛ hɛ mi kó pee nyɛ yaa kaa be maa su nɛ gbogboehi tsuo maa nu Mawu Bi ɔ gbi,

Somi He Ɔ

²⁸ Enɛ ɔ ko pee nyɛ nyakpɛ; ejakaa ngmlɛfia a ma, nɔ́ mi nɛ nihi tsuo nɛ ngɛ yɔkɔ ɔmɛ a mi ɔ maa nu e gbi,

Yohane 5:28 ပူးပေါင်းရင်းမြစ်များ

Yesaya 26:19

Wa ma mi nihi nɛ gbo ɔ ma na wami ekohu! A gbogboe ɔmɛ maa te si. Nihi nɛ hwɔɔ si ngɛ zu mi ɔ, mɛ tsuo a maa te si, nɛ a ma la kɛ bua jɔmi. Kaa bɔ nɛ bɔ́ nyu ngleinglei haa zugba a peeɔ ehe ekohu ɔ, ja Yawɛ maa ngɔ wami he ngɔ wo nihi nɛ gbo momo ɔ a mi.

Daniel 12:2

Ni nɛmɛ nɛ gbo momo nɛ a pu mɛ ɔ, a ti nihi babauu maa te si ekohu: ni komɛ maa ya neneene wami mi, nɛ ni komɛ hu maa ya neneene hɛ mi si puemi mi.

Hosea 13:14

Anɛ ma kpɔ mɛ kɛ je gbeje lo? Anɛ ma he mɛ kɛ je gbenɔ dɛ mi lo? Gbenɔ, jije o hiɔ nɛ gbee nɔ ɔ ngɛ? Gbeje, jije nɔ́ nɛ a kɛ kpataa nɔ hɛ mi ɔ ngɛ? I be ma nɛ ɔ mɔbɔ nae hu.

Yohane 3:7

O hɛ mi ko pee mo yaa kaa i de mo ke e hia nɛ a dla fɔ mo ehe.

Yohane 4:21

Yesu de lɛ ke, “Maa, he mi nɛ o ye kaa be ma nɛ nyɛ ma ja Tsɛ ɔ, pi yo nɛ ɔ nɔ, nɛ pi Yerusalem hulɔ.

Yohane 4:23

Jehanɛ ɔ, be ɔ ma, nɛ Mawu ma ha nihi he wami, konɛ a ja Tsɛ ɔ ngɛ mumi mi kɛ anɔkuale mi kaa bɔ nɛ Tsɛ ɔ nitsɛ suɔ. Pohu be ɔ su momo.

Yohane 5:20

Ejakaa Tsɛ ɔ suɔ Bi ɔ saminya, nɛ e tsɔɔ lɛ nɔ́ tsuaa nɔ́ nɛ lɛ nitsɛ e peeɔ. Jehanɛ ɔ, e maa tsɔɔ Bi ɔ ní nguahi nɛ pe enɛ ɔmɛ tete, nɛ e maa pee nyɛ nyakpɛ.

Yohane 5:25

I ngɛ nyɛ dee anɔkuale mi ke be ma, pohu e su ta, nɛ gbogboehi maa nu Mawu Bi ɔ gbi, nɛ a maa ba wami mi ekohu.

Ni Tsumi 24:15

I heɔ Mawu yeɔ kaa adesahi tsuo maa te si kɛ je gbeje hwɔɔ se, ni kpakpahi jio, yayami peeli jio; nimli nɛ ɔmɛ heɔ enɛ ɔ yeɔ ja nɔuu.

Ni Tsumi 3:12

Benɛ Petro na ni ɔmɛ ɔ, e de mɛ ke, “Ye nyɛmimɛ Israel fɔfɔɛhi, mɛni he je nyɛ hɛ mi pee nyɛ yaa? Mɛni he je nyɛ ngɛ wɔ hyɛe gaa kikɛ nɛ ɔ? Nyɛ susu kaa wɔ nitsɛmɛ wa he wami, aloo wa Mawu nɛ wa jaa saminya he je nɛ nyumu nɛ ɔ ngɛ nyɛɛe nɛ ɔ?

1 Korintobi 15:22

Kaa bɔ nɛ nihi tsuo ngɛ Adam mi gboɔ ɔ, jã nɔuu kɛ̃ a ma tle nihi tsuo si ngɛ Kristo mi.

Filipibi 3:21

E ma tsake wa nɔmlɔ tso nɛ hɛ mi be nyami ɔ; e maa pee lɛ kaa lɛ nitsɛ e nɔmlɔ tso nɛ hɛ mi ngɛ nyami ɔ. E ngɛ he wami nɛ e kɛ yeɔ níhi tsuo a nɔ.

Kpojemi 20:12

Jehanɛ ɔ, i na nihi nɛ gbo ɔ tsuo nɛ daa si ngɛ matsɛ sɛ ɔ hɛ mi, ni nguahi, kɛ ni wawihi. A bli womihi a nya; womi nɛ ɔmɛ ɔ, níhi nɛ nimlihi tsuo pee ɔ, lɔ ɔmɛ a ngma kɛ wo mi. A bli womi kpa hu nya; nɛ enɛ ɔ lɛɛ nihi nɛ a hɛ ngɛ ɔ a biɛ nɛ a ngma kɛ wo mi. A kojo ni gbogboe ɔmɛ ngɛ níhi nɛ a pee ɔ a he kaa bɔ nɛ a ngma ngɔ wo womi ɔmɛ a mi ɔ.