Yohane 5:24 - BAIBLO ALOO NGMAMI KLƆUKLƆU Ɔ

²⁴ “I ngɛ nyɛ dee anɔkuale mi ke, nɔ tsuaa nɔ nɛ buɔ ye munyu tue, nɛ e heɔ nɔ nɛ tsɔ mi ɔ yeɔ ɔ, e nine su neneene wami nɔ. A be lɛ fɔ bue, ejakaa e po mi ngɛ gbenɔ mi kɛ ho wami mi ya.

Somi He Ɔ

²⁴ “I ngɛ nyɛ dee anɔkuale mi ke: Nɔ nɛ nuɔ ye munyu nɛ e heɔ nɔ nɛ tsɔ mi ɔ yeɔ ɔ, e ngɛ neneene wami, nɛ e be kojomi mi yae, se mohu e po mi ngɛ gbenɔ mi kɛ ho wami mi ya.

Yohane 5:24 ပူးပေါင်းရင်းမြစ်များ

Mateo 25:46

Lɔ ɔ he ɔ, nimli nɛ ɔmɛ maa ya neneene he hiami mi; se dali ɔmɛ lɛɛ a maa ya neneene wami mi.”

Marko 16:16

Nɔ tsuaa nɔ nɛ ma he ye, nɛ a maa sɔle lɛ ɔ, a ma he e yi wami; se nɔ nɛ he we yi ɔ, a maa bu lɛ fɔ.

Yohane 11:26

nɛ nɔ tsuaa nɔ nɛ hɛ ngɛ, nɛ e heɔ mi yeɔ ɔ, e be gboe gblegbleegble. O heɔ enɛ ɔ yeɔ lo?”

Yohane 12:44

Yesu de kɛ ngmlaa ke, “Nɔ tsuaa nɔ nɛ heɔ mi yeɔ ɔ, pi imi nɛ e he ye, se mohu nɔ nɛ tsɔ mi ɔ nɛ e he ye ɔ nɛ.

Yohane 20:31

Se enɛ ɔmɛ lɛɛ a ngma, konɛ nyɛ he ye kaa Yesu ji Kristo, Mawu Bi ɔ. Nɛ ke nyɛ he lɛ ye ɔ, nyɛ yi ma na wami.

Yohane 3:16

Ejakaa Mawu suɔ je ɔ saminya, nɛ e ngɔ e Bi kake ɔ ngɔ ha, konɛ nɔ tsuaa nɔ nɛ heɔ lɛ yeɔ ɔ, e hɛ mi ko kpata, se mohu e na neneene wami.

Yohane 3:18

Nɔ tsuaa nɔ nɛ heɔ Mawu Bi ɔ yeɔ ɔ, a be lɛ fɔ bue; se nɔ nɛ he we yi ɔ, a bu lɛ fɔ momo; ejakaa e he we Mawu Bi kake too ɔ yi.

Yohane 3:36

Nɔ nɛ heɔ Bi ɔ yeɔ ɔ, e nine su neneene wami ɔ nɔ; se nɔ tsuaa nɔ nɛ bui Bi ɔ tue ɔ, e be neneene wami nae. Mawu maa gbla e tue mohu.

Yohane 4:36

Amlɔ nɛ ɔ po ní kpalɔ ɔ ngɛ e hiɔwo nae; e ngɛ ngmɔ ní nya buae kɛ ngɛ wami nɛ ngɛ kɛ yaa neneene ɔ toe, konɛ ní dulɔ ɔ, kɛ ní kpalɔ ɔ tsuo nɛ a bla kɛ nya.

Yohane 6:40

Ejakaa Tsaatsɛ suɔ kaa nɔ tsuaa nɔ nɛ na Bi ɔ, nɛ e heɔ lɛ yeɔ ɔ, e na neneene wami. Nɛ nyagbe ligbi ɔ, ma tle mɛ si kɛ ba wami mi.”

Yohane 6:47

I ngɛ nyɛ dee anɔkuale mi ke nɔ tsuaa nɔ nɛ heɔ yeɔ ɔ, e nine su neneene wami nɔ.

Yohane 6:50

Se abolo nɛ je hiɔwe ɔ lɛɛ ke nɔ ko ye ɔ, e be gboe.

Yohane 6:51

Imi ji abolo nɛ je hiɔwe nɛ haa nɔ wami. Nɔ nɛ maa ye kikɛmɛ a abolo nɛ ɔ eko ɔ maa hi si kɛ maa ya neneene. Abolo nɛ ma ha lɛ ɔ ji imi nitsɛ ye he lo nɛ i ngɔ kɛ ha, bɔ nɛ pee nɛ je ɔ tsuo yi nɛ na wami.”

Yohane 6:58

Abolo nɛ je hiɔwe ɔ ji nɛ ɔ nɛ. Abolo nɛ ɔ be kaa nɔ́ nɛ nyɛ nɛmɛ ɔmɛ ye nɛ pee se a gbo ɔ. Mohu ɔ, nɔmlɔ nɛ maa ye abolo nɛ ɔ maa hi si kɛ maa ya neneene.”

Yohane 8:51

I ngɛ nyɛ dee anɔkuale mi ke nɔ tsuaa nɔ nɛ buu ye tsɔɔmi ɔ tue ɔ, e be gboe gblegbleegble.”

Romabi 8:1

Amlɔ nɛ ɔ, nihi nɛ ngɛ Kristo Yesu mi ɔ, fɔ bumi ko be ha mɛ hu.

1 Tesalonikabi 5:9

Mawu hla we wɔ kɛ to, nɛ e na wa he abofu. Se mohu, e wo wɔ kɛ to, konɛ e he wa yi wami kɛ gu wa Nyɔmtsɛ Yesu Kristo nɔ.

1 Petro 1:21

Nyɛ gu e nɔ kɛ he Mawu ye; Mawu nɛ tle lɛ si, nɛ e wo e hɛ mi nyami. Lɔ ɔ he ɔ, nyɛ he Mawu nyɛɛ ye, nɛ nyɛɛ ngɔ nyɛ hɛ ngɔ fɔ lɛ nɔuu e nɔ.

1 Petro 1:5

Mawu ngɔ ní nɛ ɔmɛ ngɔ ha nyɛ nihi nɛ nyɛ heɔ lɛ Mawu ɔ yeɔ, nɛ́ e kɛ e he wami ɔ ngɛ nyɛ he bue ɔ. Mawu pee klaalo kaa e ma he nyɛ yi wami nyagbe be ɔ mi.

1 Yohane 3:14

Wa le kaa wa be kaa ni gbogboehi hu, se wa je gbenɔ mi kɛ ba wami mi, ejakaa wa suɔ wa nyɛmimɛ ɔmɛ. Nɔ tsuaa nɔ nɛ sume e nyɛmi ɔ, e ngɛ gbenɔ mi.

1 Yohane 5:1

Nɔ tsuaa nɔ nɛ heɔ yeɔ kaa Yesu ji Kristo ɔ, Mawu bi ji lɛ; nɛ nɔ tsuaa nɔ nɛ suɔ nɔ ko tsɛ ɔ, e suɔ nɔ ɔ bi hulɔ.