Yohane 5:23 - BAIBLO ALOO NGMAMI KLƆUKLƆU Ɔ

²³ Kɛkɛ ɔ, nihi tsuo maa wo Bi ɔ hɛ mi nyami kaa bɔ nɛ a woɔ Tsɛ ɔ hɛ mi nyami ɔ. Lɔ ɔ he ɔ, nɔ tsuaa nɔ nɛ wui imi Bi ɔ, ye hɛ mi nyami ɔ, Tsɛ ɔ nɛ tsɔ mi ɔ hɛ mi nyami e wui ɔ nɛ.

Somi He Ɔ

²³ konɛ nihi tsuo bu Bi ɔ, kaa bɔ nɛ a buu Tsɛ ɔ. Nɔ nɛ bui Bi ɔ, e bui Tsɛ ɔ nɛ tsɔ lɛ ɔ hulɔ.

Yohane 5:23 ပူးပေါင်းရင်းမြစ်များ

La 2:12

Nyɛ he nɛ do blibliibli, nɛ nyɛ kpla si ngɛ e hɛ mi. Ke pi jã a, e mi mi ma fu nyɛ si kake too, nɛ nyɛ hɛ mi ma kpata. Nihi tsuo nɛ ba saa we ngɛ Yawɛ ngɔ ɔ ma na bua jɔmi.

Yesaya 42:8

“Ye biɛ ji Yawɛ; imi pɛ ji Mawu. I be ye hɛ mi nyami ɔ ngɔe kɛ ha mawu kpahi, nɛ ye yi jemi ɔ hu i be ngɔe kɛ ha amagahi.

Yesaya 44:6

Bɔ nɛ Yawɛ, Israel matsɛ, kɛ e kpɔlɔ, nɛ lɛ ji Tabohiatsɛ ɔ ngɛ dee ji, “Imi ji kekleekle no, kɛ nyagbe no. Ye se ɔ, Mawu kpa ko be hu.

Yesaya 45:15

Israel Mawu ɔ nɛ heɔ e ma a yi wami ɔ, e ji Mawu nɛ laa e he.

Yesaya 45:21

Nyɛɛ kɛ nyɛ sane ɔ nɛ ba nɛ waa hyɛ mi. Nihi nɛ ma je a sane ɔ nya a, nyɛ ha nɛ a ya kpe yi! Nyɛ mawu ɔmɛ a kpɛti mɛnɔ nyɛ́ de nɔ́ ko kɛ to blema lokoo? Nɔ ko nɔ ko be. Anɛ pi imi Yawɛ lo? Anɛ pi imi Mawu nɛ da, nɛ heɔ e ma a yi wami ɔ lo? Ye se ɔ, Mawu kpa ko be hu.

Zakaria 9:9

Zion, nyá oo, nyá! Yerusalem, mo he ose! Hyɛ, o matsɛ ɔ ma! E ma kɛ agbo jemi kɛ kunimi yemi. E ba e he si, nɛ e hi teji okpɔngɔ nɔ; ee, e hi teji okpɔngɔ bi nɔ.

Mateo 10:37

“Nɔ nɛ suɔ e tsɛ, loo e nyɛ pe imi ɔ, e sɛ kaa e ba peeɔ ye kaselɔ. Nɔ nɛ suɔ e binyumu, loo e biyo pe imi ɔ, e sɛ kaa e ba peeɔ ye kaselɔ.

Mateo 11:27

“Tsaatsɛ tu níhi tsuo ngɔ wo ye dɛ mi. Nɔ ko nɔ ko li Bi ɔ, ja Tsɛ ɔ pɛ; nɔ ko nɔ ko li Tsɛ ɔ, ja Bi ɔ kɛkɛ, kɛ nihi nɛ Bi ɔ suɔ kaa e maa tsɔɔ mɛ Tsɛ ɔ.

Mateo 12:21

Nɛ ma je li tsuo maa ngɔ a hɛ kɛ fɔ e nɔ.”

Mateo 15:8

‘Nimli nɛ ɔmɛ ɔ, a nya mi munyu kɛkɛ a kɛ woɔ ye hɛ mi nyami; se a tsui mi lɛɛ, a sume mi saasaa.

Mateo 28:19

Lɔ ɔ he ɔ, nyɛɛ ya je ma amɛ tsuo a ngɔ ngɛ he tsuaa he, nɛ nyɛɛ pee mɛ ye kaseli. Nyɛɛ sɔle mɛ ngɔ wo Tsɛ ɔ, kɛ Bi ɔ, kɛ Mumi Klɔuklɔu ɔ biɛ mi,

Luka 10:16

Yesu de e kaseli ɔmɛ ke, “Nɔ tsuaa nɔ nɛ maa bu nyɛ tue ɔ, imi tue e bu ɔ nɛ; nɔ nɛ ma kua nyɛ ɔ, imi e kua a nɛ. Nɔ tsuaa nɔ nɛ ma kua mi ɔ, e kua nɔ nɛ tsɔ mi ɔ.”

Yohane 14:1

Yesu de e kaseli ɔmɛ ke, “Nyɛ ko ye nyɛ tsui. Nyɛɛ lɛɛ nyɛ he Mawu nyɛɛ ye; nɛ imi hu nyɛ he mi nyɛɛ ye.

Yohane 16:14

E maa wo ye hɛ mi nyami, ejakaa níhi nɛ i wo nɔ ta a, e maa tsɔɔ nyɛ.

Yohane 17:10

Nɔ́ tsuaa nɔ́ nɛ i ngɛ ɔ, o nɔ, nɛ nɔ́ tsuaa nɔ́ nɛ o ngɛ ɔ, imi hu ye nɔ; nɛ ní nɛ ɔmɛ tsuo woɔ o hɛ mi nyami.

Romabi 1:7

I ngɛ womi nɛ ɔ ngmae ha nyɛ tsuo nɛ nyɛ ngɛ Roma nɛ Mawu suɔ nyɛ, nɛ e tsɛ nyɛ kɛ ba pee lɛ nitsɛ e ni klɔuklɔuhi ɔ. Dloomi kɛ he jɔmi nɛ je wa Tsɛ Mawu ɔ, kɛ Nyɔmtsɛ Yesu Kristo dɛ mi ɔ ha nyɛ!

Romabi 15:12

Yesaya hu de ke, “Ishai nina ko maa ba; E maa te si nɛ e ba ye ma je li ɔmɛ a nɔ, Nɛ ma je li ɔmɛ maa ngɔ a hɛ ngɔ fɔ e nɔ.”

Romabi 6:22

Se jehanɛ lɛɛ Mawu kpɔ nyɛ kɛ je yayami dɛ mi, nɛ nyɛ ba pee e nyɔguɛhi. Lɔ ɔ he ɔ, nyɛ ba pee nihi nɛ a he tsɔ, nɛ neneene wami fɔɔ si ha nyɛ.

Romabi 8:9

Ke Mawu mumi ɔ ngɛ nyɛ mi ɔ, he lo ɔ be nyɛ nɔ he wami; mumi ɔ mohu lɛ tsɔɔ nyɛ blɔ. Ke nɔ ko be Kristo mumi ɔ, pi Kristo nɔ ji lɛ.

1 Korintobi 1:3

Dloomi kɛ he jɔmi nɛ je wa Tsɛ Mawu ɔ, kɛ Nyɔmtsɛ Yesu Kristo dɛ mi ɔ ha nyɛ.

1 Korintobi 10:31

Lɔ ɔ he ɔ, nɔ́ tsuaa nɔ́ nɛ nyɛ ngɛ pee ɔ, ní nyɛ ngɛ yee jio, ní nyɛ ngɛ nue jio, nyɛɛ pee lɛ tsuo kɛ wo Mawu hɛ mi nyami.

1 Korintobi 16:22

Nɔ tsuaa nɔ nɛ sume Nyɔmtsɛ ɔ, a gbiɛ lɛ! Wa Nyɔmtsɛ, ba!

1 Korintobi 6:19

Mumi Klɔuklɔu ɔ nɛ Mawu ha nyɛ, nɛ ngɛ nyɛ mi ɔ, anɛ nyɛ li kaa e sɔlemi tsu ji nɔmlɔ tso ɔ lo? Nyɛ be nyɛ dɛ he; Mawu níhi ji nyɛ.

2 Korintobi 1:9

Wa na paa kaa peepee ta wa he, nɛ gbenɔ ji nɔ́ nɛ fɔɔ si ha wɔ. Se nɔ́ nɛ ɔ ba mi, konɛ wa ko ngɔ wa hɛ kɛ fɔ wɔ nitsɛmɛ wa nɔ, se mohu waa ngɔ wa he kɛ fɔ Mawu nɔ. Ejakaa lɛ nɛ e tleɔ ni gbogboehi si.

2 Korintobi 5:14

Suɔmi nɛ Kristo ngɛ kɛ ha wɔ ɔ woɔ wɔ he wami. Kristo gbo ha wɔ tsuo. Nɛ wa heɔ yeɔ kaa gbenɔ nɛ nɔ kake gbo ha nihi tsuo nɛ ɔ tsɔɔ kaa ni ɔmɛ tsuo gbo.

2 Korintobi 5:19

Nɔ́ nɛ i ngɛ tsɔɔe ji kaa kɛ gu Kristo nɔ ɔ, Mawu ngɔ je ɔ tsuo he yayami kɛ pa mɛ, nɛ e ngɛ e kɛ je ɔ tsuo a kpɛti dlae; nɛ sɛ gbi nɛ e tu ngɔ wo wa dɛ mi ji kaa e suɔ nɛ a dla e kɛ je ɔ tsuo a kpɛti.

Efesobi 6:24

Nihi tsuo nɛ suɔ wa Nyɔmtsɛ Yesu Kristo kɛ suɔmi nɛ be nyagbe ɔ, Mawu dloomi ɔ kɛ mɛ nɛ hi si.

2 Timoteo 1:12

nɛ lɔ ɔ he nɛ i ngɛ nɔ́ nae nɛ ɔ nɛ; se kɛ̃ ɔ, ye nine mi wui nyu; ejakaa nɔ nɛ i he ye ɔ, i le lɛ. I heɔ yeɔ kaa sane kpakpa a fiɛmi ɔ nɛ e tu ngɔ wo ye dɛ mi ɔ, e maa bu he kɛ yaa su nyagbe ligbi ɔ.

Hebribi 1:6

Se benɛ Mawu miɔ nɛ e maa tsɔ e bitɛte ɔ je ɔ mi ɔ, e de ekohu ke, “Ha nɛ Mawu bɔfo ɔmɛ tsuo nɛ a ja lɛ.”

2 Petro 1:1

Imi Simon Petro, Yesu Kristo tsɔlɔ, kɛ e bɔfo ɔ, i ngɛ womi nɛ ɔ ngmae kɛ yaa ha nihi nɛ a nine su hemi kɛ yemi nɛ he jua wa saminya kaa wɔ hu wa nɔ́ ɔ nɔ. Wa Mawu ɔ, kɛ wa kpɔlɔ Yesu Kristo, nɔ nɛ peeɔ nɔ́ nɛ da a, lɛ ha mɛ kikɛmɛ a hemi kɛ yemi ɔ nɛ.

2 Petro 3:18

Se nyɛɛ ya nɔ nɛ nyɛɛ wa ngɛ dloomi ɔ mi, nɛ nyɛɛ le wa Nyɔmtsɛ, kɛ wa kpɔlɔ Yesu Kristo ɔ saminya. Á wo e hɛ mi nyami kɛ je be nɛ ɔ mi kɛ ya neneene! Amen.

1 Yohane 2:23

Ejakaa nɔ tsuaa nɔ nɛ ma kua Bi ɔ, e kua Tsɛ ɔ hulɔ. Se nɔ nɛ ma he Bi ɔ, e he Tsɛ ɔ hulɔ.

2 Yohane 1:9

Nɔ tsuaa nɔ nɛ maa je Kristo sane kpakpa a se ya tsɔɔ nɔ́ kpa a, e li Mawu. Nɔ nɛ tsɔɔ sane kpakpa a pɛpɛɛpɛ kaa bɔ nɛ e ngɛ kɛ je sisije ɔ, jamɛ a nɔ ɔ le Tsɛ ɔ, kɛ Bi ɔ tsuo.