Yohane 5:19 - BAIBLO ALOO NGMAMI KLƆUKLƆU Ɔ

¹⁹ Jehanɛ ɔ, Yesu ya nɔ nɛ e de mɛ ke, “I ngɛ nyɛ dee anɔkuale mi ke Bi ɔ pee we nɔ́ ko ngɛ lɛ nitsɛ e yi mi tomi nya. Nɔ́ nɛ e na nɛ Tsɛ ɔ ngɛ pee ɔ, lɔ ɔ nɛ e peeɔ. Nɔ́ nɛ Tsɛ ɔ peeɔ ɔ, Bi ɔ hu peeɔ.

Somi He Ɔ

¹⁹ Lɔ ɔ he ɔ Yesu he nɔ nɛ e de mɛ ke: “I ngɛ nyɛ dee anɔkuale mi ke: Bi ɔ nitse be e yi mi nyɛe maa to kɛ pee nɔ ko, ja nɔ nɛ se naa kaa Tsɛ ɔ peɔ ɔ; ejakaa nihi tsuo nɛ Tsɛ ɔ peɔ ɔ, kɔlɔ ɔmɛ nɔuu Bi ɔ hu peɔ.

Yohane 5:19 ပူးပေါင်းရင်းမြစ်များ

Mose I, 1:1

Sisije ɔ, benɛ Mawu bɔ hiɔwe kɛ zugba a,

Mose I, 1:26

Mawu de ke, “Jehanɛ lɛɛ nyɛ ha nɛ waa pee nɔmlɔ adesa; a maa hi kaa bɔ nɛ wa ngɛ ɔ, nɛ a maa je wɔ. A maa ye lo ɔmɛ, lohwe pɛlitsɛmɛ ɔmɛ, we mi lohwe ɔmɛ, pu mi lohwe ɔmɛ, kɛ ní nɛmɛ nɛ sãã si ngɛ zugba a tsuo a nɔ.”

La 138:3

Ligbi ɔ nɛ i tsɛ mo ɔ, o he nɔ. O wo mi kã, nɛ ye nɔ gbagba te.

La 27:14

Ngɔɔ o hɛ kɛ fɔ Yawɛ nɔ. Na tsui; o kɔni mi ko jɔ̃, nɛ e maa wo mo he wami. Ee, ngɔɔ o hɛ kɛ fɔ Yawɛ nɔ.

La 50:6

Hiɔwe tsuo ngɛ dee ke Mawu ɔ, dalɔ kɛ kojolɔ ji lɛ.

Mose II, 4:11

Kɛkɛ nɛ Yawɛ de lɛ ke, “Mɛnɔ nɛ haa nɔmlɔ tuɔ munyu, loo e tui munyu? Mɛnɔ nɛ haa nɔmlɔ hyɛɛ nɔ́, loo e hyɛ we nɔ́? Mɛnɔ nɛ haa nɔmlɔ nuɔ nɔ, loo e nui nɔ́? Anɛ pi imi, Yawɛ lo?

Abɛ Womi 2:6

Yawɛ lɛ haa nɔ nile; lɛ nɛ e tsɔɔ nɔ nile, kɛ nɔ́ sisi numi.

Yesaya 44:24

Yawɛ, o yi wami helɔ, kɛ o bɔlɔ ɔ ngɛ dee ke, “Imi ji Yawɛ, nihi tsuo kulaa a bɔlɔ ɔ nɛ. Imi nɔ kake too lɛ i bli hiɔwe mi, nɛ i ha zugba a fɔɔ si gbajaa. Mɛnɔ ke e nine ngɛ mi?

Yesaya 45:24

“A ma de ke, ‘Yawɛ pɛ lɛ yeɔ dami sane; lɛ pɛ lɛ e ngɛ he wami.’ Se nihi tsuo nɛ sume mi ɔ, zo maa gbe mɛ.

Yeremia 17:10

Imi Yawɛ, i hlaa nimli a juɛmi, nɛ i kaa a tsui. I woɔ nɔ tsuaa nɔ hiɔ ngɛ e ní peepee, kɛ e je mi babɛ he.”

Mateo 26:39

E ya e hɛ mi bɔɔ, nɛ e ya kpla si, nɛ e ngɔ e hɛ mi ngɔ bu si, nɛ e sɔle ke, “Tsaatsɛ, ke e maa hi ɔ, je amanehlu kplu nɛ ɔ kɛ je ye he kɛ ya se! Se kɛ̃ ɔ, a pee bɔ nɛ mo o suɔ; pi nɔ́ nɛ i suɔ.”

Luka 21:15

Ejakaa munyu nɛ maa je nyɛ nya, kɛ juɛmi nɛ nyɛɛ kɛ ma fa nyɛ he ɔ, ma ha nyɛ. Nyɛ he nyɛli ɔmɛ a ti nɔ ko nɔ ko be nyɛ nyɛe, loo a maa je nɔ́ nɛ nyɛ ngɛ dee ɔ he nɔ́.

Yohane 10:18

Nɔ ko be nyɛe ma kpɔ ye wami ɔ ngɛ ye dɛ. Imi nitsɛ ye tsui mi faa nɛ ma ngɔ kɛ ha. I ngɛ he wami nɛ ma nyɛ ma ngɔ ye wami ɔ ngɔ ha, nɛ ma nyɛ ma kpale ngɔ lɛ ekohu. Kikɛ nɛ ɔ Tsaatsɛ ke ma pee.”

Yohane 12:49

Anɔkuale munyu ji nɛ ɔ nɛ, ejakaa níhi tsuo nɛ i de ɔ, pi imi nitsɛ ye yi mi nɛ i to kɛ de ekoeko. Tsɛ ɔ nɛ tsɔ mi ɔ lɛ fa ke ma de.

Yohane 12:50

I le kaa nɔ́ nɛ Tsɛ ɔ fa ke e ba mi ɔ haa neneene wami; lɔ ɔ he ɔ, nɔ́ nɛ e de mi ɔ, lɔ ɔ i deɔ.”

Yohane 14:10

Filipo, anɛ o he we yi kaa i ngɛ Tsɛ ɔ mi, nɛ Tsɛ ɔ ngɛ ye mi lo? Munyuhi nɛ i kɛ nyɛ tu ɔ, pi imi nitsɛ ye yi mi nɛ i to kɛ de. Mohu Tsɛ ɔ nɛ guu ye nɔ kɛ peeɔ ní nɛ ɔmɛ.

Yohane 2:19

Yesu he nɔ ke, “Nyɛɛ ku sɔlemi we nɛ ɔ, nɛ ligbi etɛ se ɔ, ma ma lɛ ekohu.”

Yohane 3:3

Yesu he nɔ ke, “I ngɛ mo dee anɔkuale mi ke, ke a ji hiɔwe fɔ we nɔ ko ɔ e be Mawu matsɛ yemi ɔ mi sɛe.”

Yohane 5:21

Kaa bɔ nɛ Tsɛ ɔ tleɔ gbogboe si, nɛ e ngɔɔ wami woɔ mi ɔ, jã nɔuu Bi ɔ hu haa níhi nɛ e suɔ mɛ ɔ wami.

Yohane 6:38

Ejakaa i je hiɔwe kɛ ba nɛ ma ba pee nɔ nɛ tsɔ mi ɔ suɔmi nya ní, se pi imi nitsɛ ye suɔmi nya ní.

Yohane 8:28

Jehanɛ e de mɛ ke, “Ke nyɛ ná wo Nɔmlɔ Bi ɔ nɔ ɔ, nyɛ maa le kaa imi ji nɔ nɛ i ji ɔ. Kɛkɛ ɔ, nyɛ maa le kaa i to we imi nitsɛ ye yi mi kɛ tsu we nɔ́ ko gblegbleegble. Mohu nɔ́ nɛ Tsɛ ɔ tsɔɔ mi ɔ, lɔ ɔ pɛ i deɔ.

Yohane 9:4

Nɛ je na nɛ ɔ, ja wa tsu nɔ nɛ tsɔ mi ɔ ní tsumi ɔmɛ. Je maa jɔ, nɛ nɔ ko nɔ ko be nyɛe ma tsu ní.

Ni Tsumi 2:24

Se Mawu tle lɛ si kɛ je gbeje; e kpɔ lɛ ngɛ gbenɔ nya mi, ejakaa gbenɔ be e nya nyɛe maa tsi kɔkɔɔkɔ.

Romabi 6:4

Lɔ ɔ he ɔ, nɛ a sɔle wɔ ɔ, wa gbo kaa bɔ nɛ Kristo gbo ɔ, nɛ a pu waa kɛ lɛ tsuo, konɛ bɔ nɛ Tsɛ ɔ tle Kristo si ngɛ nyami mi ɔ, wɔ hu wa na wami he.

Romabi 8:11

Ke Mawu nɛ tle Yesu si kɛ je gbeje ɔ mumi ɔ ngɛ nyɛ mi ɔ, lɛɛ mumi ɔ nɛ e kɛ tle Kristo si ɔ ma ha nyɛ nɔmlɔ tso nɛ gboɔ ɔ ma na wami.

1 Korintobi 15:12

Jehanɛ ɔ, akɛnɛ wa sɛ gbi ɔ ji kaa Mawu tle Kristo si kɛ je gbeje ɔ, mɛni he je nyɛ ti ni komɛ deɔ ke a be ni gbogboehi si tlee kɛ ba wami mi ɔ?

2 Korintobi 4:14

Ejakaa wa le kaa Mawu tle Nyɔmtsɛ Yesu si kɛ ba wami mi ekohu. Wa le kaa e ma tle wɔ hu si kaa bɔ nɛ e tle Yesu si ɔ. Nɛ e maa ngɔ waa kɛ nyɛ tsuo kɛ ya Yesu ngɔ.

2 Korintobi 5:10

Ejakaa ja wɔ tsuo wa pue ngɛ Kristo hɛ mi, nɛ e kojo wɔ. Nɔ tsuaa nɔ ma na nɔ́ nɛ e tsu ngɛ je nɛ ɔ mi ɔ he hiɔwo, kpakpa jio, yayami jio.

Efesobi 2:5

Lɔ ɔ he ɔ, be mi nɛ wa gbo tue, nɛ wa pee kaa nihi nɛ gbo ɔ, e ha wa ba wami mi ekohu benɛ e tle Kristo si kɛ je gbeje ɔ. Dloomi nya nɛ a he nyɛ yi wami.

Efesobi 3:16

I kpaa Mawu pɛɛ, konɛ kɛ gu e ní babauu nɛ hɛ mi ngɛ nyami ɔ nɔ ɔ, e ha nɛ e Mumi Klɔuklɔu ɔ nɛ wo nyɛ mumi mi he wami.

Filipibi 3:21

E ma tsake wa nɔmlɔ tso nɛ hɛ mi be nyami ɔ; e maa pee lɛ kaa lɛ nitsɛ e nɔmlɔ tso nɛ hɛ mi ngɛ nyami ɔ. E ngɛ he wami nɛ e kɛ yeɔ níhi tsuo a nɔ.

Filipibi 4:13

Kristo lɛ woɔ mi he wami, nɛ e haa nɛ i nyɛɔ peeɔ nɔ́ tsuaa nɔ́.

Kolosebi 1:11

I kpaa Mawu pɛɛ, nɛ e kɛ e he wami nɛ hɛ mi ngɛ nyami ɔ nɛ wo nyɛ he wami, konɛ nyɛ nyɛ́ nɛ nyɛɛ to nyɛ tsui si kɛ na nɔ́, nɛ nyɛɛ kɛ bua jɔmi nɛ na Tsɛ ɔ si. Lɛ nɛ ha nɛ nyɛ ná he blɔ, nɛ gbosi ní nɛ lɛ Mawu ɔ ngɔ to ha ni klɔuklɔu ɔmɛ ngɛ e matsɛ yemi ɔ mi ɔ, nyɛ hu nyɛ nine maa su nyɛ nɔ́ nɔ.

Kolosebi 1:16

Ejakaa e nɔ lɛ Mawu gu kɛ bɔ nɔ́ tsuaa nɔ́ ngɛ hiɔwe kɛ zugba, níhi nɛ a naa, kɛ ní nɛmɛ nɛ a nɛ́. Ekomɛ ji nihi nɛ ngɛ he wami nɛ a kojoɔ nihi, nihi a nɔ yeli, kɛ nihi nɛ hɛɛ he wami kpahi. Mawu gu Kristo nɔ kɛ bɔ níhi tsuo, nɛ Kristo nɔuu a bɔ mɛ ha.

1 Tesalonikabi 4:14

Wa heɔ yeɔ kaa Yesu gbo, nɛ e te si ekohu. Jã kɛ̃, wa heɔ yeɔ kaa ke Yesu ma a, Mawu maa ngɔ nihi nɛ gbo ɔ ngɔ piɛ e he kɛ ba.

1 Petro 3:18

Ejakaa Kristo gbo kekleekle nɔ́ kɛ nyagbe nɔ́ ngɛ ní yayamihi a he. Lɛ dalɔ ɔ, e gbo ngɛ yayami peeli a nane mi, konɛ e ngɔ wɔ kɛ ba Mawu ngɔ. Benɛ a gbe Kristo ɔ, jamɛ a be ɔ, e hɛɛ nɔmlɔ adesa su. Se amlɔ nɛ ɔ nɛ Mawu ha nɛ e ba wami mi ɔ, mumi ji lɛ.

Kpojemi 2:23

Ma gbe e se nyɛɛli ɔmɛ hulɔ. Kɛkɛ ɔ, asafo ɔmɛ tsuo maa na kaa imi ji nɔ nɛ le adesahi tsuo a juɛmi, kɛ a tsui mi. Ma wo nyɛ ti nɔ tsuaa nɔ hiɔ ngɛ nɔ́ nɛ e tsu ɔ he.