Yohane 5:14 - BAIBLO ALOO NGMAMI KLƆUKLƆU Ɔ

¹⁴ Pee se ɔ, Yesu ya na nyumu ɔ ngɛ sɔlemi we ɔ, nɛ e de lɛ ke, “Bu tue, amlɔ nɛ ɔ nɛ o na he wami nɛ ɔ, koo pee yayami hu. Ke pi jã a, nɔ́ nɛ maa ba o nɔ ɔ maa pe kekle nɔ́ ɔ.”

Somi He Ɔ

¹⁴ Pee se ɔ Yesu ya na lɛ ngɛ sɔlemi we ɔ, nɛ e de lɛ ke: “Oʼɛ, o na he wami; koo pee yayami hu, kone nɔ́ ko yaya nɛ pe kekle nɔ́ ɔ ko ba o nɔ.”

Yohane 5:14 ပူးပေါင်းရင်းမြစ်များ

Kronika II, 28:22

Kikɛmɛ a Matsɛ Ahaz nɛ ɔ, benɛ e yi ba fi wawɛɛ nitsɛ po, e pee yayami babauu kɛ si Yawɛ pe kekle ɔ.

Nehemia 9:28

Benɛ a na tue mi jɔmi ɔ, a pee yayami ekohu; kɛkɛ nɛ o je a se, nɛ a he nyɛli ɔmɛ ba ye a nɔ ekohu. Se benɛ a tsake a tsui, nɛ a fa kue kɛ tsɛ mo ekohu ɔ, o bu mɛ tue kɛ je hiɔwe; nɛ o na mɛ mɔbɔ, nɛ o kpɔ mɛ si abɔ.

La 118:18

Yawɛ gbla ye tue wawɛɛ mohu, se e ha we nɛ ma gbo.

La 18:22

I ye e mlaa amɛ tsuo pɛpɛɛpɛ a nɔ; i tɔ̃ we ekoeko.

La 27:6

Kikɛ nɛ ɔ ma pee kɛ ye ye he nyɛli tsuo nɛ bɔle mi ɔ a nɔ kunimi. I kɛ bua jɔmi maa sã bɔ ngɛ Yawɛ we ɔ, nɛ ma la kɛ je e yi.

La 9:13

Yawɛ, mo nɛ o jeɔ mi kɛ jeɔ gbenɔ dɛ mi. Hyɛ bɔ nɛ ye he nyɛli ngɛ mi haoe ha nɛ o na mi mɔbɔ,

Yesaya 38:20

Yawɛ, o he ye yi wami; lɔ ɔ he ɔ, wa wami ligbihi tsuo ɔ, wa ma la, nɛ wa maa fia kpa saku kɛ to he kɛ je mo, Yawɛ o yi, ngɛ o we ɔ.

Yesaya 38:22

Kɛkɛ nɛ Hezekia hu bi Yesaya ke, “Mɛni okadi o maa to mi kaa niinɛ ma nyɛ ma ya Yawɛ we ɔ?”

Mose III, 13:20

Ke osɔfo ɔ hyɛ, nɛ e na kaa lejɛ ɔ nɔ lo mi, nɛ bwɔmi nɛ ngɛ lejɛ ɔ pee futaa a, e ha nɛ e le kaa e he tsɔ we; he womi nɔ hiɔ yaya nɛ́ je kpo ngɛ tslɔɔ mi nɔ ɔ ngɛ nue ɔ nɛ.

Mose III, 26:27

“Ke ní nɛ ɔmɛ tsuo a se, nɛ nyɛ be mi tue bue, se nyɛ maa ya nɔ ma tsɔ ye hɛ mi atuã a,

Mose III, 7:12

Ke nɔ ko ma bɔ ɔ sami nɛ e kɛ na Yawɛ si ɔ, e ngɔ ní nɛ ɔmɛ kɛ piɛ e lohwe nɛ e kɛ ma bɔ sami ɔ he kɛ ba: abolo kplolo nɛ a wo mi nu, akpɔɔnɔɔ nɛ a kɛ kplolo sã nɛ a kpa he nu, kɛ akpɔɔnɔɔ nɛ a kɛ mamu bukɔbukɔ nɛ a wo mi nu saminya sã.

Mateo 12:45

Kɛkɛ ɔ, e yaa nɛ e ya ngɔɔ mumi kpa kpaago kɛ baa, nɛ e kɛ mɛ ba hii lejɛ ɔ. Mumi yayamihi nɛ pe lɛ nitsɛ po ji mumi nɛ ɔmɛ. Nɔmlɔ nɛ ɔ nyagbe si himi ɔ ba peeɔ haomi kulaa pe sisije ɔ po. Yi nɔ nɛ ɔ bi yayami peeli nɛ ɔmɛ ɔ, nɔ́ nɛ maa ba mɛ hu a nɔ ji nɛ ɔ nɛ.”

Marko 2:5

Yesu na kaa ni ɔmɛ he lɛ ye saminya, lɔ ɔ he ɔ, e de hiɔtsɛ ɔ ke, “Ye bi, a ngɔ o he yayami ɔmɛ kɛ pa mo!”

Yohane 5:13

Se nɔ nɛ a tsa lɛ ɔ li Yesu; nɛ pohu nihi babauu ngɛ lejɛ ɔ, lɔ ɔ he ɔ, Yesu sã e he nɛ e je.

Yohane 5:5

Nyumu ko ngɛ lejɛ ɔ nɛ ngɛ hiɔ nue jeha nyingmi etɛ kɛ kpaanyɔ sɔuu.

Yohane 8:11

Yo ɔ he nɔ ke, “Nyɔmtsɛ, nɔ ko nɔ ko bui mi fɔ.” Yesu de lɛ ke, “Saminya, imi hu i bui mo fɔ. Yaa, se mohu kpa yayami peemi.”]

1 Petro 4:3

Sa a, nyɛ puɛ be babauu kɛ pee níhi nɛ ma je li suɔ peemi, yahomi, akɔnɔ níhi a se dimi, dã demi, fiɛmi sakasaka, jiklɔɔ peemi, kɛ wɔ jami ní kpɔtɔkpɔtɔ peemi.