Yohane 5:10 - BAIBLO ALOO NGMAMI KLƆUKLƆU Ɔ

¹⁰ Lɔ ɔ he ɔ, Yuda ma nimeli ɔmɛ de nɔ nɛ a tsa lɛ ɔ ke, “Mwɔnɛ ɔ, Hejɔɔmi ligbi; wa mlaa a ngmɛ́ blɔ kaa o hɛɛɔ o sa.”

Somi He Ɔ

¹⁰ Lɔ ɔ he ɔ Yudafo ɔmɛ de nɔ nɛ a tsa a ke: “Hejɔɔmi Ligbi ji nɛ ɔ nɛ; o be he blɔ kaa o tloɔ o sa.”

Yohane 5:10 ပူးပေါင်းရင်းမြစ်များ

Yesaya 58:13

Bɔ nɛ Yawɛ ngɛ dee ji nɛ ɔ nɛ: “Ke nyɛ maa ye Hejɔɔmi ligbi ɔ kaa ligbi klɔuklɔu, nɛ nyɛ be nyɛ nitsɛmɛ nyɛ suɔmi nya ní pee jamɛ a ligbi ɔ, ke nyɛ maa bu ye ligbi klɔuklɔu ɔ, nɛ nyɛ be blɔ hiae, nyɛ be ní tsue, nɛ nyɛ be yakayaka munyu tue ligbi nɛ ɔ,

Yeremia 17:21

De mɛ ke, ke a suɔ nɛ a yi nɛ na wami ɔ, lɛɛ a ko tloo tlomi ko Hejɔɔmi ligbi ɔ; a ko tloo nɔ́ ko kɛ gu Yerusalem agbo ɔmɛ a mi kɛ ba ma a mi.

Yeremia 17:27

Se e sa kaa a bu mi nɛ a ye Hejɔɔmi ligbi ɔ kaa ligbi klɔuklɔu. A ko tloo tlomi ko kɛ gu Yerusalem agbo ɔmɛ a mi jamɛ a ligbi ɔ; ke a pee ja a, ma mɛ Yerusalem agbo ɔmɛ a he la. La a maa sã Yerusalem mɔ ɔmɛ, nɛ nɔ ko nɔ ko be nyɛe maa gbe.”

Mateo 12:10

nɛ e na nyumu ko nɛ e nine kake gbo. Ni komɛ ngɛ lejɛ ɔ nɛ a ngɛ hlae nɛ a po Yesu nya kaa e ngɛ nɔ́ nɛ dɛ blɔ pee. Lɔ ɔ he ɔ, a bi lɛ ke, “Ke a tsa nɔ Hejɔɔmi ligbi ɔ, anɛ a tɔ mlaa a lo?”

Marko 2:24

Lɔ ɔ he ɔ, Farisi bi ɔmɛ bi Yesu ke, “Hyɛ, mɛni he je o kaseli ɔmɛ ngɛ nɔ nɛ mlaa a ngmɛ́ blɔ pee Hejɔɔmi ligbi ɔ?”

Marko 3:4

Kɛkɛ nɛ e bi ni ɔmɛ ke, “Anɛ e da kaa a peeɔ kpakpa, loo a peeɔ yayami Hejɔɔmi ligbi ɔ; e da kaa a heɔ nɔmlɔ yi wami, aloo a gbee lɛ?” Se mɛɛ lɛɛ a pɛ̃ nya mi.

Luka 13:14

Kpe he nɔkɔtɔma a mi mi wo la kaa Yesu tsa nɔ Hejɔɔmi ligbi ɔ. Lɔ ɔ he ɔ, e wo e nya nɔ nɛ e de ma kpekpemi ɔ ke, “Ligbi ekpa lɛ sa kaa a kɛ tsuɔ ní. Lɔ ɔ he ɔ, nyɛɛ ba jamɛ a be ɔ, konɛ a tsa nyɛ; se pi Hejɔɔmi ligbi ɔ!”

Luka 23:56

A kpale a se kɛ ho we mi ya ya hla tsopa kɛ e he via, kɛ nu via ngɔ to. Hejɔɔmi ligbi ɔ, a jɔɔ a he kaa bɔ nɛ mlaa a tsɔɔ kaa a pee ɔ.

Luka 6:2

Kɛkɛ nɛ Farisi bi komɛ bi mɛ ke, “Nɔ́ nɛ mlaa a ngmɛ́ blɔ kaa a peeɔ Hejɔɔmi ligbi ɔ, mɛni he je nyɛ ngɛ pee?”

Yohane 1:19

Yuda ma nimeli ɔmɛ nɛ ngɛ Yerusalem ɔ tsɔ osɔfo komɛ, kɛ Levi bi komɛ Yohane ngɔ. A ba bi lɛ ke, “Mɛnɔ ji mo?”

Yohane 5:11

E he nɔ ke, “Nɔmlɔ nɛ tsa mi ɔ lɛ de mi ke ma wo ye sa a nɛ ma nyɛɛ.”

Yohane 5:15

Jehanɛ ɔ, nyumu ɔ pue nɔ kɛ ho nɛ e ya de Yuda ma nimeli ɔmɛ ke Yesu ji nɔ nɛ tsa lɛ ɔ nɛ.

Yohane 5:16

Lɔ ɔ he ɔ, Yuda ma nimeli ɔmɛ je hɛ pi Yesu nɛ a bɔni e nya doomi, ejakaa e tsa hiɔtsɛ Hejɔɔmi ligbi ɔ.

Yohane 7:23

Ke Hejɔɔmi ligbi ɔ, nyɛ poɔ nɔ, konɛ a ko tɔ Mose mlaa a, mɛni he je nyɛ mi mi fuɔ mi kaa i tsa hiɔtsɛ Hejɔɔmi ligbi ɔ?

Yohane 9:16

Farisi bi ɔmɛ a ti ni komɛ de ke, “Nɔmlɔ nɛ pee nɔ́ nɛ ɔ, pi Mawu ngɔ nɛ e je; ejakaa e bui Hejɔɔmi ligbi ɔ.” Se a ti ni komɛ lɛɛ a de ke, “Kɛ nɔmlɔ nɛ peeɔ yayami ma plɛ kɛ to okadihi kaa kikɛ nɛ ɔ kɛɛ?” Kɛkɛ nɛ ni ɔmɛ a mi gba.