Yohane 4:6 - BAIBLO ALOO NGMAMI KLƆUKLƆU Ɔ

⁶ Yakob vu ɔ ngɛ lejɛ ɔ. Piani ngmlɛ nyɔngma kɛ enyɔ ɔ, Yesu ba su vu ɔ he, nɛ e ya hi si, ejakaa pɔ tɔ lɛ kɛ blɔ nyɛɛmi.

Somi He Ɔ

⁶ Yakob vu ɔ ngɛ lejɛ ɔ. Nɛ akɛnɛ pɔ tɔ Yesu kɛ blɔ ɔ nyɛɛmi he je ɔ, e be ya hi si ngɛ vu ɔ he. E maa pee ngmlɛ nyɔngma kɛ enyɔ mi.

Yohane 4:6 ပူးပေါင်းရင်းမြစ်များ

Mateo 27:45

Piani ngmlɛ nyɔngma kɛ enyɔ ɔ, zugba a nɔ tsuo wo diblii ngmlɛfia etɛ sɔuu.

Mateo 4:2

Benɛ Yesu ha hwɔ nyɔ kɛ pia ligbi nyingmi eywiɛ se ɔ, hwɔ ye lɛ.

Mateo 8:24

Tlukaa a, wo nɔ kɔɔhiɔ nɛ nya wa ba hia, nɛ oslɔke bɔni kumi kɛ ngɛ lɛ ɔ mi woe. Se Yesu lɛɛ e hwɔ mahe.

Luka 2:7

E fɔ e kekleekle bi, nɛ e ngɔ bo kɛ blaa lɛ, nɛ e kɛ lɛ fɔ lohwehi a niye ní daka mi; ejakaa a nɛ blɔ ngɛ nibwɔhi a to he ɔ.

Luka 9:58

Se Yesu de lɛ ke, “Kɔkɔbohi ngɛ muɔhi, nɛ lohwe pɛlitsɛmɛ hu ngɛ tsuhi; se Nɔmlɔ Bi ɔ lɛɛ e be he ko nɛ e kɛ e yi fɔɔ.”

Yohane 11:9

Yesu he nɔ ke, “Anɛ pi ngmlɛfia nyɔngma kɛ enyɔ nɛ peeɔ ligbi kake? Ke nɔ ko nyɛɛ piani ɔ, e tɛ we si, mɛni he je ɔ, e naa je nɛ ɔ mi la a.

Yohane 4:12

Wa nɛ̃ Yakob nɛ ha wɔ kikɛmɛ a vu nɛ ɔ; nɛ lɛ nitsɛ, kɛ e bimɛ, kɛ e lohwehi tsuo nu e mi nyu. Anɛ o ngɛ hlae nɛ o tsɔɔ kaa moo o pe Yakob ɔ lo?”

Yohane 4:5

E ba su Samaria ma ko nɛ a tsɛɛ Sikar a. Lejɛ ɔ kɛ zugba kpɔ nɛ Yakob ngɔ ha e bi Yosef ɔ he kɛ we kulaa.

Yohane 4:7

Kɛkɛ nɛ Samaria yo ko ba nyu yɛmi. Yesu de lɛ ke, “Ha mi nyu ɔ eko nɛ ma nu.”

2 Korintobi 8:9

Nyɛ le suɔmi agbo nɛ wa Nyɔmtsɛ Yesu Kristo ngɛ kɛ ha wɔ. Niatsɛ mi niatsɛ ji lɛ. Se nyɛ he ɔ, e pee e he ohiatsɛ, konɛ nyɛɛ lɛɛ nyɛɛ pee niatsɛmɛ.

Hebribi 2:17

Enɛ ɔ tsɔɔ kaa blɔ tsuaa blɔ nɔ ɔ, e hia kaa Yesu nɛ pee kaa e nyɛmimɛ ɔmɛ. Kɛkɛ ɔ, e maa pee osɔfo nɔkɔtɔma pe kulaa anɔkualetsɛ, kɛ mɔbɔ nalɔ nɛ ngɛ Mawu sɔmɔe, nɛ e kɛ e he nɛ sã kpatami bɔ, konɛ Mawu nɛ ngɔ a he yayamihi kɛ pa mɛ.

Hebribi 4:15

Wa osɔfo nɔkɔtɔma pe kulaa a, e pi nɔ nɛ be nyɛe maa nu wa gbɔjɔmi ɔmɛ a he ha wɔ. Osɔfo nɔkɔtɔma pe kulaa nɛ wa ngɛ ɔ, Abosiami ka lɛ ngɛ blɔ tsuaa blɔ nɔ kaa wɔ nɔuu, se lɛɛ e pee we yayami.