Yohane 4:46 - BAIBLO ALOO NGMAMI KLƆUKLƆU Ɔ

⁴⁶ Jehanɛ ɔ, Yesu kpale kɛ ba Kana ngɛ Galilea, he nɛ e ha nyu plɛ pee wai ngɛ be ko ɔ ekohu. Tsɔlɔ nɔkɔtɔma ko ngɛ Kapernaum nɛ e bi be he wami.

Somi He Ɔ

⁴⁶ Kɛkɛ nɛ Yesu ba Kana ngɛ Galilea, he nɛ e ha nyu plɛ wai ngɛ ɔ, ekohu. Matsɛ wenyumu ko ngɛ Kapernaum nɛ e bi ngɛ gboe.

Yohane 4:46 ပူးပေါင်းရင်းမြစ်များ

Luka 8:42

ejakaa e biyo kake too nɛ ye maa pee jeha nyɔngma kɛ enyɔ ɔ miɔ nɛ e ma gbo. Benɛ Yesu yaa a, ni ɔmɛ tɔtɔ lɛ.

Luka 7:2

Roma asafoatsɛ ko ngɛ ma a mi, kɛ e nyɔguɛ nɛ e suɔ lɛ saminya. Se nyɔguɛ ɔ be he wami kulaa, nɛ e miɔ nɛ e ma gbo.

Mateo 15:22

Kɛkɛ nɛ Kanaan yo ko nɛ je lejɛ ɔ ní ɔmɛ a mi ɔ ba kpa ngmlaa ke, “Nyɔmtsɛ, David Bi, naa mi mɔbɔ! Ye biyo ngɛ mumi yayami ngɛ e mi, nɛ e ngɛ lɛ haoe wawɛɛ nitsɛ.”

Mateo 9:18

Benɛ Yesu kɛ ni ɔmɛ ngɛ munyu nɛ ɔ tue ɔ, Yuda ma nɔkɔtɔma ko ba ba kpla si ngɛ e hɛ mi, nɛ e de lɛ ke, “Ye biyo gbo amlɔ nɛ ɔ nɔuu; ba nɛ o ba ngɔ o nine ngɔ fɔ e nɔ, kɛkɛ e maa ba wami mi ekohu.”

Hosea 5:15

“Ma ngmɛɛ ye ma a he, konɛ a na nɔ́ wawɛɛ. Kɛkɛ ɔ, a ma pia a he ngɛ a yayami ɔmɛ a he, nɛ a ma hla ye se blɔ. Ke a yi fi ɔ, a ma ba kpa mi pɛɛ.”

La 50:15

Ke nyɛ yi fi ɔ, nyɛ tsɛ mi; ma je nyɛ, konɛ nyɛɛ wo ye hɛ mi nyami.”

Yohane 21:2

Simon Petro, kɛ Toma nɛ a tsɛɛ lɛ Hayo hulɔ ɔ, Natanael nɛ je Kana ngɛ Galilea a, Zebedeo bimɛ ɔmɛ, kɛ kaseli ɔmɛ a ti ni kpahi enyɔ hu ya bua ngɛ he ko.

La 78:34

Be tsuaa be nɛ e maa gbe a ti ni komɛ ɔ, ni nɛmɛ nɛ piɛ ɔ ma hla e se blɔ. A ma pia a he, nɛ a maa fa kue ha lɛ.

Yoshua 19:28

Ebron, Rehob, Hamon, kɛ Kana kɛ ya su Sidon tɔɔ.

Mateo 4:13

E je Nazaret kɛ ba hi Kapernaum, wo nya ma a nɛ ngɛ Zebulun kɛ Naftali kpokpa a nɔ ɔ.

Luka 4:23

Yesu de mɛ ke, “I heɔ yeɔ kaa nyɛ maa bu mi abɛ nɛ ɔ ke, ‘Tsopatsɛ, tsa mo nitsɛ o he.’ Nyɛ ma de mi hulɔ ke nihi nɛ nyɛ nu nɛ i pee ngɛ Kapernaum ɔ, ma pee ngɛ hiɛmɛ nɛ ɔ, ngɛ imi nitsɛ ye ma mi.”

Yohane 2:12

Lɔ ɔ se ɔ, Yesu kɛ e nyɛ, kɛ e nyɛmimɛ ɔmɛ, kɛ e kaseli ɔmɛ pue nɔ kɛ ho Kapernaum ya, nɛ a ya hi lejɛ ɔ be bɔɔ.