Yohane 4:41 - BAIBLO ALOO NGMAMI KLƆUKLƆU Ɔ

⁴¹ Benɛ Yesu fiɛ munyu ɔ, nihi babauu pe kekle ɔ he ye.

Somi He Ɔ

⁴¹ Nɛ nihi fuu nɛ pe kekletsɛmɛ ɔmɛ hu he ye ngɛ lɛ nitse e munyu ɔ nya;

Yohane 4:41 ပူးပေါင်းရင်းမြစ်များ

Mose I, 49:10

Yuda maa hɛɛ matsɛ tso ɔ, E nina maa ye matsɛ daa. Je ma amɛ ma tsu to ba ha lɛ, Nɛ a ma ba kpla si ngɛ e hɛ mi.

Luka 4:32

Bɔ nɛ e tsɔɔ ní ɔ ha ni ɔmɛ tsuo a he mi po, ejakaa e tu munyu kɛ he wami.

Yohane 4:40

Lɔ ɔ he ɔ, benɛ Samaria bi ɔmɛ ba Yesu ngɔ ɔ, a kpa lɛ pɛɛ ke e hi a ngɔ. Nɛ Yesu kɛ mɛ hi lejɛ ɔ ligbi enyɔ.

Yohane 4:42

Kɛkɛ nɛ a de yo ɔ ke, “Jehanɛ lɛɛ pi o munyu ɔ nya hu nɛ wa heɔ yeɔ kaa nɔmlɔ nɛ ɔ ji je ɔ yi wami helɔ ɔ, se mohu nɔ́ nɛ wɔ nitsɛmɛ wa nu kɛ wa tue kɛ je lɛ nitsɛ e nya a he.”

Yohane 6:63

Mawu mumi ɔ nɛ haa nɔ wami ɔ nɛ. Adesa he wami pi nɔ́ ko kulaa. Munyuhi nɛ i kɛ nyɛ tu nɛ ɔ ma ha nyɛ Mawu mumi nɛ haa nɔ wami ɔ.

Yohane 7:46

Tsɔli ɔmɛ he nɔ ke, “Bɔ nɛ nɔmlɔ nɛ ɔ tuɔ munyu ɔ, nɔ ko tu we munyu ja gblee.”

Ni Tsumi 1:8

se ke Mumi Klɔuklɔu ɔ na ba nyɛ nɔ ɔ, nyɛ ma na he wami kɛ fiɛ, nɛ nyɛ maa ye odase ha mi ngɛ Yerusalem, Yudea, kɛ Samaria tsuo kɛ yaa su je ɔ nyagbe he tɔɔ.”

Ni Tsumi 15:3

Asafo ɔ wo mɛ blɔ kɛ ho. Benɛ a gu Foinike kɛ Samaria kɛ yaa a, a sɛɛ ha nihi ngɛ blɔ ɔ nɔ bɔ nɛ ma je li ɔmɛ hu tsake a tsui. Enɛ ɔ ha nɛ nyɛmimɛ ɔmɛ tsuo na bua jɔmi babauu.

Ni Tsumi 8:12

Se benɛ Filipo fiɛ sane kpakpa a nɛ kɔɔ Mawu matsɛ yemi ɔ, kɛ Yesu Kristo he ɔ tsɔɔ ni ɔmɛ ɔ, a sɔle, nyumuhi kɛ yihi tsuo nɛ he ye ɔ.

Ni Tsumi 8:25

Benɛ Petro kɛ Yohane ye odase, nɛ a fiɛ Nyɔmtsɛ ɔ munyu ɔ ngɔ tsɔɔ ni ɔmɛ se ɔ, a kpale a se kɛ ho Yerusalem ya. Benɛ a kpale kɛ yaa a, a fiɛ sane kpakpa a ngɛ Samaria kɔpehi fuu a mi.

Hebribi 4:13

Nɔ́ ko nɔ́ ko be nɛ a kɛ laa Mawu. Nɔ́ tsuaa nɔ́ ngɛ je nɛ ɔ mi fɔɔ si paa ngɛ Mawu hɛ mi. Nɛ nɔ tsuaa nɔ maa bu lɛ nitsɛ e we akɔtaa ngɛ e hɛ mi.