Yohane 4:39 - BAIBLO ALOO NGMAMI KLƆUKLƆU Ɔ

³⁹ Samaria bi babauu nɛ ngɛ jamɛ a ma a mi ɔ he Yesu ye, ejakaa yo ɔ de mɛ ke, “E de mi níhi tsuo nɛ i pee.”

Somi He Ɔ

³⁹ Nɛ Samariabi ɔmɛ nɛ je jamɛ a ma a mi ɔ a ti nihi fuu he e nɔ ye ngɛ yo ɔ munyu nɛ e kɛ ye odase ke: “E de mi nihi kulaa nɛ i pee hyɛ” ɔ nyɛ.

Yohane 4:39 ပူးပေါင်းရင်းမြစ်များ

Yohane 4:29

“Nyɛɛ ba! Nyɛ ba hyɛ nyumu ko nɛ de mi níhi tsuo nɛ i pee hyɛ. Anɛ pi lɛ ji Kristo ɔ lo?”

Yohane 4:5

E ba su Samaria ma ko nɛ a tsɛɛ Sikar a. Lejɛ ɔ kɛ zugba kpɔ nɛ Yakob ngɔ ha e bi Yosef ɔ he kɛ we kulaa.

Yohane 11:45

Yuda bi ɔmɛ nɛ ba Maria ngɔ ɔ, a ti nihi babauu na nɔ nɛ Yesu pee ɔ, nɛ a he lɛ ye.

Yohane 4:42

Kɛkɛ nɛ a de yo ɔ ke, “Jehanɛ lɛɛ pi o munyu ɔ nya hu nɛ wa heɔ yeɔ kaa nɔmlɔ nɛ ɔ ji je ɔ yi wami helɔ ɔ, se mohu nɔ́ nɛ wɔ nitsɛmɛ wa nu kɛ wa tue kɛ je lɛ nitsɛ e nya a he.”

Mateo 10:5

Yesu tsɔ ni nyɔngma kɛ enyɔ nɛ ɔmɛ, nɛ e fa mɛ ke, “Nyɛ ko ya ma je li a zugba ko nɔ, nɛ nyɛ ko sɛ Samaria ma ko mi hulɔ.

Yohane 4:8

(Jamɛ a be ɔ, Yesu kaseli ɔmɛ sɛ ma a mi ya nɛ a yaa he niye ní.)

Yohane 4:30

Kɛkɛ nɛ ma a tsuo bu kɛ ba Yesu ngɔ.

Yohane 4:38

I tsɔ nyɛ ní kpami ngɛ ngmɔ nɔ he nɛ nyɛ du we nɔ́ ko ngɛ. Ni kpahi tsu ní ɔ, se nyɛ mohu lɛ nyɛ ba na he se.”

Yohane 4:40

Lɔ ɔ he ɔ, benɛ Samaria bi ɔmɛ ba Yesu ngɔ ɔ, a kpa lɛ pɛɛ ke e hi a ngɔ. Nɛ Yesu kɛ mɛ hi lejɛ ɔ ligbi enyɔ.

Yohane 1:37

Amlɔ nɔuu nɛ kaseli enyɔ ɔmɛ nu munyu nɛ ɔ, a ya nyɛɛ Yesu se kɛ yaa.