Yohane 4:26 - BAIBLO ALOO NGMAMI KLƆUKLƆU Ɔ

²⁶ Yesu he nɔ ke, “Imi nɛ i kɛ mo ngɛ munyu ɔ tue ɔ, imi ji Mesia a nɛ.”

Somi He Ɔ

²⁶ Yesu de lɛ ke: “Imi nɛ i kɛ mo ngɛ munyu tue nɛ ɔ, ami ʼi.”

Yohane 4:26 ပူးပေါင်းရင်းမြစ်များ

Mateo 16:20

Kɛkɛ nɛ Yesu ka e kaseli ɔmɛ kita ke a ko de nɔ ko nɔ ko ke lɛ ji Kristo ɔ.

Mateo 20:15

Anɛ i be he blɔ kaa i kɛ imi nitsɛ ye sika peeɔ nɔ́ nɛ i suɔ lo? Aloo ye mi mi nɛ jɔ ɔ he o hɛngmɛ tsu ngɛ nɛ ɔ?’ ”

Luka 13:30

Jamɛ a be ɔ, nihi nɛ kpɛ se amlɔ nɛ ɔ maa pee kekletsɛmɛ, nɛ ni nɛmɛ nɛ ye kekle blɔ he amlɔ nɛ ɔ maa pee sekpɛtsɛmɛ.”

Yohane 13:19

Nɔ́ nɛ maa ba a, i ngɛ nyɛ dee loko e ba mi, konɛ ke e ba mi ɔ, nyɛ he ye kaa ‘Imi ji nɔ nɛ i ji ɔ nɛ.’

Yohane 8:24

Enɛ ɔ he nɛ i de nyɛ ke nyɛ ma gbo kɛ nyɛ he yayami ɔ nɛ. Niinɛ, nyɛ ma gbo kɛ nyɛ he yayami ɔmɛ ke nyɛ he we yi kaa imi ji nɔ nɛ i ji ɔ.”

Yohane 8:28

Jehanɛ e de mɛ ke, “Ke nyɛ ná wo Nɔmlɔ Bi ɔ nɔ ɔ, nyɛ maa le kaa imi ji nɔ nɛ i ji ɔ. Kɛkɛ ɔ, nyɛ maa le kaa i to we imi nitsɛ ye yi mi kɛ tsu we nɔ́ ko gblegbleegble. Mohu nɔ́ nɛ Tsɛ ɔ tsɔɔ mi ɔ, lɔ ɔ pɛ i deɔ.