Yohane 4:24 - BAIBLO ALOO NGMAMI KLƆUKLƆU Ɔ

²⁴ Mawu ɔ, Mumi ji lɛ, nɛ nihi nɛ jaa lɛ ɔ, ja a ja lɛ ngɛ mumi kɛ anɔkuale mi.”

Somi He Ɔ

²⁴ Mawu ɔ Mumi ji lɛ, nɛ nihi nɛ jaa lɛ ɔ, ja a ja lɛ ngɛ mumi kɛ anɔkuale mi.”

Yohane 4:24 ပူးပေါင်းရင်းမြစ်များ

La 145:18

Nɔ tsuaa nɔ nɛ tsɛɔ Yawɛ ngɛ anɔkuale mi ɔ, Yawɛ hɛɛ lɛ kɛ suu e he.

La 50:23

Nɔ nɛ ba sãã bɔ kɛ naa mi si ɔ, e ngɛ ye hɛ mi nyami woe. Nɔ nɛ peeɔ nɔ nɛ da a, imi Mawu hu ma he e yi wami.”

La 51:17

Bɔ nɛ saa mo Mawu o hɛ mi ji he piami. Ke nɔ ko pia e he, nɛ e tsake e tsui ɔ, o kua we lɛ.

La 66:18

Kaa pe i suɔ yayami, nɛ i ngɔ kɛ laa ngɛ ye tsui mi ɔ, Nyɔmtsɛ ɔ ko bui mi tue.

Yesaya 57:15

“Imi ji Mawu klɔuklɔu nɛ hii hiɔwe kɛ yaa neneene ɔ nɛ. I hii he klɔuklɔu ngɛ hiɔwe lokoo; se nɔ nɛ baa e he si ngɛ e mumi mi, nɛ e tsui mi tsɔ ɔ, i kɛ lɛ hiɔ si; i woɔ e mumi kã, konɛ e ngɔ e hɛ ngɔ fɔ ye nɔ, nɛ e na wami he.

Yohane 4:23

Jehanɛ ɔ, be ɔ ma, nɛ Mawu ma ha nihi he wami, konɛ a ja Tsɛ ɔ ngɛ mumi mi kɛ anɔkuale mi kaa bɔ nɛ Tsɛ ɔ nitsɛ suɔ. Pohu be ɔ su momo.

2 Korintobi 1:12

Nɔ́ kake nɛ wa fĩaa ngɔ fɔɔ nɔ, nɛ wa he nile hu yeɔ he odase ji kaa wa baa wa je mi saminya ngɛ he tsuaa he, titli ngɛ waa kɛ nyɛ wa bɔmi mi kaa bɔ nɛ Mawu ngɛ hlae ɔ. Wa yeɔ anɔkuale nɛ mu ko mu ko be wa he. Pi wɔ nitsɛmɛ wa nile nɛ waa kɛ peeɔ enɛ ɔ, se mohu Mawu dloomi ɔ nya.

2 Korintobi 3:17

Nyɔmtsɛ ɔ ji mumi ɔ nɛ, nɛ he nɛ Nyɔmtsɛ ɔ mumi ɔ ngɛ ɔ, lejɛ ɔ he yemi ngɛ.

Filipibi 3:3

Wɔ mohu ji nihi nɛ a po mɛ anɔkuale mi. Ejakaa wɔɔ lɛɛ wa jaa Mawu kɛ guu e mumi ɔ nɔ, nɛ wa fĩaa kɛ fɔɔ Kristo Yesu nɔ. Wa ngɔɛ wa hɛ kɛ fɔɛ he lo nya ní peemi níhi a nɔ.

1 Timoteo 1:17

Mawu kake too, Neneene Matsɛ, nɔ nɛ ngɛ daa nɛ a nɛ lɛ ɔ, a je e yi, nɛ a wo e hɛ mi nyami kɛ ya neneene! Amen.

Samuel I, 16:7

Se Yawɛ de Samuel ke, “Koo hyɛ e kami, loo e he fɛu; i sume lɛ, ejakaa i hyɛ we nɔ́ kaa bɔ nɛ nɔmlɔ hyɛɛ nɔ́ ɔ. Nɔmlɔ lɛɛ nɔ hɛ mi e hyɛɛ; se imi Yawɛ lɛɛ tsui mi i hyɛɛ.”