Yohane 4:22 - BAIBLO ALOO NGMAMI KLƆUKLƆU Ɔ

²² Nyɛ Samaria bi, nyɛ li nɔ tutuutu nɛ nyɛ jaa a; se wɔ Yuda bi lɛɛ nɔ nɛ wa jaa a, wa le lɛ; ejakaa wɔ nɛ wa ngɔ yi wami hemi kɛ ba.

Somi He Ɔ

²² Nyɛɛ lɛɛ, nyɛ li nɔ́ nɛ nyɛ ngɛ jae ɔ; wɔɔ lɛɛ, wa le nɔ́ nɛ wa ngɛ jae ɔ, ejakaa yi wami hemi ɔ, Yudafo ɔmɛ a ngɔ e je.

Yohane 4:22 ပူးပေါင်းရင်းမြစ်များ

Mose I, 49:10

Yuda maa hɛɛ matsɛ tso ɔ, E nina maa ye matsɛ daa. Je ma amɛ ma tsu to ba ha lɛ, Nɛ a ma ba kpla si ngɛ e hɛ mi.

Ezra 4:2

a ba na Zerubabel, kɛ we puɔ nya dali ɔmɛ, nɛ a de mɛ ke, “Nyɛ ha nɛ waa piɛ nyɛ he kɛ ma Mawu we ɔ, ejakaa Mawu kake ɔ nɛ nyɛ jaa a, lɛ wɔ hu wa jaa. Kɛ je Asiria matsɛ, Esarhadon nɛ ngɔ wɔ kɛ ba hiɛmɛ nɛ ɔ yi nɔ ɔ, lɛ ji Mawu nɛ wa jaa nɛ wa sãã bɔ kɛ haa.”

La 147:19

E wo Israel mlaa, nɛ e tsɔɔ mɛ bɔ nɛ a ja Mawu ha.

La 68:20

Wa Mawu ɔ, Mawu nɛ heɔ nɔ yi wami ji lɛ; Nyɔmtsɛ Yawɛ ɔ, lɛ nɛ e jeɔ nɔ kɛ jeɔ gbenɔ mi.

Yesaya 12:2

Mawu ji ye yi wami helɔ; ma ngɔ ye hɛ ngɔ fɔ e nɔ, nɛ i be gbeye yee. Yawɛ Mawu ɔ ji nɔ nɛ haa mi he wami kɛ nyɛmi, lɛ nɔuu ji ye yi wami helɔ.

Yesaya 12:6

Nyɛ nihi tsuo nɛ nyɛ ngɛ Zion, nyɛ hwɔ lele nɛ nyɛ la kɛ bua jɔmi. Ejakaa Mawu kle, Mawu klɔuklɔu ji Israel Mawu ɔ nɛ kɛ nyɛ ngɛ ɔ nɛ.”

Yesaya 2:3

nɛ a ma de ke, “Nyɛ ha wa ya kuɔ Yawɛ yo ɔ kɛ ya Israel Mawu ɔ sɔlemi we ɔ. E maa tsɔɔ wɔ nɔ́ nɛ e suɔ kaa waa pee; nɛ wa maa pee bɔ nɛ e maa tsɔɔ wɔ ɔ pɛpɛɛpɛ. Ejakaa Yawɛ ní tsɔɔmi ɔ, Yerusalem e jee; e kɛ e ma a tuɔ munyu kɛ jeɔ Zion yo ɔ nɔ.”

Yesaya 46:13

I ha ye kunimi yemi ligbi ɔ na nyɛ haa; e be tsitsaa lokoo kulaa. Ye kunimi yemi ɔ be se kpɛe. Ma he Yerusalem yi wami, nɛ ma wo Israel hɛ mi nyami.”

Zakaria 9:9

Zion, nyá oo, nyá! Yerusalem, mo he ose! Hyɛ, o matsɛ ɔ ma! E ma kɛ agbo jemi kɛ kunimi yemi. E ba e he si, nɛ e hi teji okpɔngɔ nɔ; ee, e hi teji okpɔngɔ bi nɔ.

Luka 24:47

A ngma hu ke, a maa fiɛ ha je ma amɛ tsuo ngɛ e biɛ mi kaa a tsake a tsui, konɛ a ngɔ a he yayami ɔmɛ ngɔ pa mɛ. A maa je sisi kɛ je Yerusalem.

Ni Tsumi 17:23

Ejakaa benɛ i nyɛɛ nyɛ ma a mi kɛ bee ɔ, i hyɛ níhi nɛ nyɛ jaa a. I na bɔ sami la tɛ ko nɛ a ngma ngɛ nɔ ke, ‘Mawu nɛ a li lɛ ɔ nɔ́.’ Lɔ ɔ he ɔ, nɔ nɛ nyɛ li lɛ, se kɛ̃ ɔ, nyɛ jaa lɛ ɔ, lɛ nɔuu e he sane i ngɛ fiɛe kɛ ngɛ nyɛ tsɔɔe ɔ nɛ.

Ni Tsumi 17:30

Benɛ adesa li ɔ, Mawu ku e hɛ ngɔ fɔ nɔ, se jehanɛ lɛɛ e ngɛ nimli tsuo ngɛ he tsuaa he fae ke a tsake a tsui.

Ni Tsumi 3:26

Lɔ ɔ he ɔ, Mawu hla e tsɔlɔ ɔ, nɛ e maa tsɔ lɛ nyɛ ngɔ kekle, konɛ e ba gbaa nyɛ, nɛ e kpale nyɛ ti nɔ tsuaa nɔ kɛ je e blɔ yayami ɔmɛ a nɔ.”

Romabi 11:18

koo fĩa kaa o pe jamɛ a kɔni ɔmɛ nɛ a kplɔɔ ɔ. Ke o maa fĩa a, o hɛ nɛ hi o he nɔ kaa pi mo nɛ o hɛɛ sipoku ɔ, se mohu sipoku ɔ nɛ hɛɛ mo.

Hebribi 7:14

Wa Nyɔmtsɛ ɔ, wa le kaa Yuda wɛtso ɔ mi nɛ e je; nɛ Mose de we nɔ́ ko kɛ kɔ Yuda wɛtso ɔ osɔfo yemi he.