Yohane 4:20 - BAIBLO ALOO NGMAMI KLƆUKLƆU Ɔ

²⁰ Wa nɛmɛ ja Mawu ngɛ yo nɛ ɔ nɔ, se nyɛ Yuda bi lɛɛ nyɛ ke Yerusalem ji he nɛ sa kaa wa ja Mawu ngɛ.”

Somi He Ɔ

²⁰ Yoku nɛ ɔ nɔ wa tsɛmɛ sɔle ngɛ, nɛ nyɛɛ lɛɛ nyɛ ke Yerusalem ji he nɛ sa kaa a sɔle ngɛ.”

Yohane 4:20 ပူးပေါင်းရင်းမြစ်များ

Matsɛmɛ I, 9:3

Yawɛ de lɛ ke, “I nu o kue fami ɔ. I pee we nɛ o po nɛ a ja mi ngɛ mi nɛ ɔ klɔuklɔu kɛ yaa neneene. Ma hyɛ we ɔ nɔ, nɛ ma bu he daa.

Kronika I, 21:26

E ma bɔ sami la tɛ kɛ ha Yawɛ ngɛ lejɛ ɔ, nɛ e sã sami bɔhi, kɛ tue mi jɔmi bɔhi. E fa kue ha Yawɛ, nɛ Yawɛ bu e kue fami ɔ tue. Yawɛ ha nɛ la je hiɔwe ba sã ní ɔmɛ ngɛ bɔ sami la tɛ ɔ nɔ.

Kronika I, 22:1

Kɛkɛ nɛ David de ke, “Hiɛmɛ nɛ ɔ nɛ Yawɛ Mawu we ɔ, kɛ bɔ sami la tɛ ɔ nɛ Israel ma a maa sã sami bɔhi ngɛ nɔ ɔ maa hi ɔ nɛ.”

Kronika II, 6:6

Se jehanɛ lɛɛ i hla Yerusalem, konɛ a ja mi ngɛ lejɛ ɔ; i hla mo David hulɔ, nɛ o ye ye ma Israel ɔ nɔ.’ ”

Kronika II, 7:12

Kɛkɛ nɛ Yawɛ je e he kpo ngɔ tsɔɔ Salomo nyɔ mi, nɛ e de lɛ ke, “I nu o kue fami ɔ, nɛ i ngɔ we nɛ ɔ kaa he nɛ a maa sã bɔhi ngɛ kɛ ha mi.

Kronika II, 7:16

ejakaa imi lɛ i hla we nɛ ɔ, nɛ i tsukɔ he, konɛ a ja mi ngɛ hiɛ ɔ kɛ ya neneene. Ma hyɛ we ɔ nɔ, nɛ ma bu he daa.

La 132:13

Yawɛ nitsɛ lɛ suɔ nɛ e hla Zion kaa lejɛ ɔ nɛ e maa hi.

La 78:68

Mohu ɔ, e hla Yuda wɛtso ɔ, kɛ Zion yo ɔ nɛ e suɔ saminya a.

Yesaya 66:1

Bɔ nɛ Yawɛ ngɛ dee ji nɛ ɔ nɛ: “Hiɔwe ji ye matsɛ sɛ, nɛ zugba ji nɔ́ nɛ i kɛ ye nane maa nɔ. Mɛni tsu nyɛ maa ma ha mi mɔ, nɛ jije ye he jɔɔmi he ngɛ?

Luka 9:53

Se ni ɔmɛ he we lɛ, ejakaa a na kaa Yesu pee e yi mi kaa e yaa Yerusalem.

Yohane 4:12

Wa nɛ̃ Yakob nɛ ha wɔ kikɛmɛ a vu nɛ ɔ; nɛ lɛ nitsɛ, kɛ e bimɛ, kɛ e lohwehi tsuo nu e mi nyu. Anɛ o ngɛ hlae nɛ o tsɔɔ kaa moo o pe Yakob ɔ lo?”

Mose V, 11:29

Ke Yawɛ, nyɛ Mawu ɔ kɛ nyɛ ya su zugba nɛ nyɛ yaa ngɔ ɔ nɔ ɔ, nyɛ de gbaami munyu ɔmɛ kɛ je Gerizim yo ɔ nɔ, kɛ gbiɛmi munyu ɔmɛ hu kɛ je Ebal yo ɔ nɔ.

Mose V, 27:12

“Ke nyɛ po Yordan pa a, wɛtso nɛ ɔmɛ nɛ a da si ngɛ Gerizim yo ɔ nɔ benɛ a ngɛ ma a gbaae: Simeon, Levi, Yuda, Isakar, Yosef, kɛ Benyamin.