Yohane 4:18 - BAIBLO ALOO NGMAMI KLƆUKLƆU Ɔ

¹⁸ O gba nyumuhi enuɔ momo, nɛ nyumu nɛ o kɛ lɛ ngɛ piɔ hu, pi o huno nitsɛnitsɛ ji lɛ. O tu anɔkuale sisiisi.”

Somi He Ɔ

¹⁸ ejakaa o hi hunomɛ enuɔ, nɛ nɔ nɛ o kɛ ngɛ piɔ nɛ ɔ ɔ, pi o huno; enɛ ɔ lɛɛ o tu anɔkuale.”

Yohane 4:18 ပူးပေါင်းရင်းမြစ်များ

Mose I, 20:3

Ligbi ko nyɔ mi ɔ, Mawu je e he kpo ngɔ tsɔɔ Abimelek ngɛ nlami mi, nɛ e de lɛ ke, “Akɛnɛ o ya ngɔ yo nɛ ɔ he je ɔ, o ma gbo; nɔ ko yo ji lɛ.”

Mose I, 34:2

Benɛ Hamor binyumu Shekem na Dina a, e nu lɛ pani nya nɛ e kɛ lɛ hwɔ. Hamor nɛ ɔ, Hiv no ji lɛ, nɛ lɛ ji jamɛ a zugba a nɔ yelɔ.

Mose I, 34:31

Se a he nɔ ke, “Anɛ e sa kaa waa ngmɛ blɔ nɛ a pee wa nyɛmiyo ɔ kaa a peeɔ yo yaholɔ lo?”

Yeremia 3:20

Se kaa bɔ nɛ yogbayo jeɔ e huno se nɛ e kɛ nyumu kpahi ya naa bɔmi ɔ, jã kɛ̃ lɛ mo hu o yi mi anɔkuale. Imi, Yawɛ lɛ i de.”

Ezekiel 16:32

O ngɛ kaa yo gba puɛlɔ nɛ sume lɛ nitsɛ e huno, se nibwɔhi mohu e kɛ e he haa!

Ezekiel 16:35

Lɔ ɔ he ɔ, Yerusalem, mo yaholɔ! Bu nɔ́ nɛ Yawɛ ngɛ mo dee ɔ tue.

Mose IV, 5:29

“Mlaa nɛ kɔɔ hunga jemi he ji nɛ ɔ nɛ. Ke yogbayo ko je e huno se ya ble e he,

Marko 10:12

Yo nɛ kuaa e huno nɛ e ya gbaa nɔ kpa a, e puɛ gba ja nɔuu, ejakaa e pee yayami kɛ si e kekle huno ɔ.”

Yohane 4:16

Yesu de yo ɔ ke, “Yaa nɛ o ya tsɛ o huno, nɛ o kɛ lɛ nɛ ba hiɛ ɔ.”

Yohane 4:17

Yo ɔ he nɔ ke, “I be huno.” Yesu de lɛ ekohu ke, “Ke o de ke o be huno ɔ, o tu anɔkuale.

Yohane 4:19

Yo ɔ de Yesu ke, “Nyɔmtsɛ, i na kaa gbalɔ ji mo.

Romabi 7:3

Lɔ ɔ he ɔ, ke e huno ɔ ngɛ je mi kɛ mwɔɔ, nɛ e ya gba nɔ kpa a, e puɛ gba. Se ke e huno ɔ gbo ɔ, lɛɛ mlaa fi we lɛ; nɛ ke e ya gba nyumu kpa a, e puɛ we gba.

Hebribi 13:4

Nyɛ ha gba si himi he nɛ tsɔ, nɛ nyumu kɛ yo nɛ a ye a sibi anɔkuale. Ejakaa Mawu maa kojo yaholi, kɛ gba puɛli.

Rut Womi 4:10

Jehanɛ se ɔ, Rut, Moab yo ɔ, nɛ ji Malon yalɔyo ɔ, ba peeɔ ye yo. Enɛ ɔ he je ɔ, gbosi ní ɔ hu maa hi Malon weku ɔ dɛ, bɔ nɛ pee nɛ Elimelek biɛ ko laa ngɛ e nyɛmimɛ ɔmɛ a kpɛti ngɛ e ma a mi. Nɔ́ nɛ nyɛ na mwɔnɛ ɔ, nyɛ ma nyɛ maa ye he odase hwɔɔ se.”