Yohane 4:10 - BAIBLO ALOO NGMAMI KLƆUKLƆU Ɔ

¹⁰ Yesu de yo ɔ ke, “Ke o le nɔ́ kpakpa nɛ Mawu haa nɔ, kɛ nɔ nɛ ngɛ mo nyu bae nɛ ɔ, jinɛ mo mohu o maa ba lɛ eko, nɛ lɛɛ e ma ha mo nyu nɛ haa nɔ wami.”

Somi He Ɔ

¹⁰ Yesu he nɔ nɛ e de lɛ ke: “Kaa o le Mawu nɔke nɔ́ ɔ kɛ nɔ nɛ ngɛ mo dee ke: ‘Ha mi eko ma nu’ ɔ, jinɛ mo mohu o maa ba lɛ nɛ e ha mo wami nyu.”

Yohane 4:10 ပူးပေါင်းရင်းမြစ်များ

La 10:17

Yawɛ, hiami níhi nɛ nɔ́ nali kɛ ba fɔ o hɛ mi ɔ, o le. Moo pee a hiami ní ɔmɛ ha mɛ, konɛ a ná he wami he.

La 46:4

Pa ko ngɛ nɛ e kɔni ɔmɛ haa Mawu ma a bua jɔɔ a he. Hiɔwe no ɔ hi he ɔ ngɛ klɔuklɔu.

Mose II, 17:6

O nɛ, ma da o hɛ mi ngɛ tɛ sa a nɔ ngɛ Sinai yo ɔ nɔ. Ngɔɔ tso ɔ kɛ fia tɛ sa a, nɛ nyu maa je mi kɛ ba ha ma a nɛ a nu.” Nɛ Mose pee ja ngɛ Israel ma nimeli ɔmɛ a hɛ mi.

Lahi 4:15

A bɔɔ ɔ naa nyu nɛ haa nɔ wami kɛ jee vuhi, pahi nɛ ngɛ bee, kɛ pa wawi nɛ jee Lebanon yo ɔ nɔ ɔ a mi.

Yesaya 12:3

Ke Mawu he e ma a yi wami ɔ, a bua maa jɔ kaa bɔ nɛ ke nɔ nu nyu mua nɛ e tsui he jɔɔ ɔ.”

Yesaya 35:6

Glɔtsɛmɛ ma hlu kaa odabɔ, nɛ amuɛtihi ma la kɛ bua jɔmi. Pahi maa hia ngɛ nga kplanaa zugba a nɔ.

Yesaya 42:6

“Imi Yawɛ lɛ i tsɛ mo; i baa o yi, nɛ i ha mo he wami, konɛ o hyɛ nɛ a ye dami sane ngɛ je ɔ mi. Ma gu o nɔ nɛ i kɛ je ma amɛ tsuo maa so, nɛ a ma na la.

Yesaya 43:20

Nga mi lohwe nane eywiɛɛywiɛtsɛmɛ pohu maa wo ye hɛ mi nyami; nga mi gbehi, kɛ dugumahi ma je ye yi. Ejakaa ma ha pahi maa hia kɛ be ngɛ nga kplanaa a nɔ, nɛ ye ma nɛ i hla a ma na nyu maa nu.

Yesaya 44:3

“Nihi nɛ kuma ngɛ mɛ yee ɔ, ma ha mɛ nyu nɛ a nu. Ma ha zugba gbigbli ɔ nyu, nɛ pahi maa hia. Ma ngɔ ye mumi ɔ kɛ wo o bimɛ ɔmɛ a mi, nɛ ma gbaa o nina a.

Yesaya 49:10

Hwɔ be mɛ yee, nɛ kuma be mɛ yee gblegbleegble. Pu la, kɛ nga kplanaa nɔ kɔɔhiɔ nɛ mi dɔ la be mɛ awi yee; ejakaa nɔ nɛ suɔ mɛ ɔ maa piɛ a he. E maa tsɔɔ mɛ blɔ kɛ ya nyu hɛngmɛhi a he.

Yesaya 9:6

Ejakaa a fɔ bi ha wɔ! A ha wɔ binyumuyo! Lɛ nɛ e ma ba ye wa nɔ. A ma tsɛ lɛ ke, “Nyakpɛ ga wolɔ,” “Mawu he walɔ,” “Tsɛ nɛ ngɛ kɛ yaa neneene,” “Ganɔ nɛ yi nɔ jɔ.”

Yeremia 2:13

Ejakaa yayami enyɔ lɛ ye ma a pee: imi, wami nyu vu ɔ, a kua mi, nɛ a ya kpɛ́ tɛ muɔhi ngɔ ha a he; pohu tɛ muɔ nɛ ɔmɛ ywia, nɛ nyu be a mi dae.

Ezekiel 16:35

Lɔ ɔ he ɔ, Yerusalem, mo yaholɔ! Bu nɔ́ nɛ Yawɛ ngɛ mo dee ɔ tue.

Zakaria 13:1

Yawɛ Tabohiatsɛ ɔ ya nɔ nɛ e de ke, “Ke jamɛ a be ɔ su ɔ, a ma bli nyu vu ko nya, nɛ a maa ngɔ e mi nyu ɔ kɛ tsu David nina, kɛ Yerusalem bi ɔmɛ a he kɛ jé a he yayami ɔ, kɛ a he mu ɔ.

Zakaria 14:8

Jamɛ a be ɔ, nyu nɛ haa wami maa je Yerusalem kɛ be; fa ma ya sɛ Ngo wo ɔ mi, nɛ fa hu ma ya sɛ Mediterenia wo ɔ mi. Nyu ɔ maa hi bee daa, sapu, kɛ hiɔmi nɛmi be mi tsuo.

Luka 11:13

Ke nyɛ nimli yayamihi po nyɛ le bɔ nɛ nyɛ haa nyɛ bimɛ ní kpakpahi ɔ, nyɛ Tsɛ nɛ ngɛ hiɔwe ɔ lɛɛ e maa ngɔ Mumi Klɔuklɔu ɔ kɛ ha nihi nɛ biɔ lɛ ɔ kulaa pe kikɛ nɛ ɔ po!”

Yohane 16:3

Nihi maa pee nyɛ ní nɛ ɔmɛ, ejakaa a li Tsɛ ɔ; nɛ a li imi hulɔ.

Yohane 17:3

Ke a na le kaa mo ji anɔkuale Mawu ɔ, nɛ a le Yesu Kristo, nɔ nɛ o tsɔ ɔ, a ma na neneene wami.

Yohane 3:16

Ejakaa Mawu suɔ je ɔ saminya, nɛ e ngɔ e Bi kake ɔ ngɔ ha, konɛ nɔ tsuaa nɔ nɛ heɔ lɛ yeɔ ɔ, e hɛ mi ko kpata, se mohu e na neneene wami.

Yohane 4:14

se nɔ nɛ maa nu nyu nɛ imi ma ha lɛ ɔ, kuma be lɛ yee hu gblegbleegble. Ejakaa nyu nɛ ma ha lɛ ɔ ma plɛ nyu hɛngmɛ nɛ baa nyu nɛ haa nɔ wami kɛ yaa neneene ngɛ e mi.”

Yohane 6:35

Yesu de mɛ ke, “Imi ji abolo nɛ haa nɔ wami ɔ nɛ. Ke nɔ ko ba ye ngɔ ɔ, hwɔ be lɛ yee gblegbleegble; nɛ nɔ nɛ he mi ye ɔ, kuma be lɛ yee gblegbleegble.

Yohane 6:51

Imi ji abolo nɛ je hiɔwe nɛ haa nɔ wami. Nɔ nɛ maa ye kikɛmɛ a abolo nɛ ɔ eko ɔ maa hi si kɛ maa ya neneene. Abolo nɛ ma ha lɛ ɔ ji imi nitsɛ ye he lo nɛ i ngɔ kɛ ha, bɔ nɛ pee nɛ je ɔ tsuo yi nɛ na wami.”

Ni Tsumi 9:11

Nyɔmtsɛ ɔ de lɛ ke, “Dla o he nɛ o ya Yuda we ɔ mi ngɛ he nɛ gbɛjegbɛ nɛ a tsɛɛ Tlɔmɔɔ ɔ ngɛ ɔ. Ke o su lejɛ ɔ, bi nyumu ko nɛ a tsɛɛ Saulo nɛ je Tarso ɔ si. E ngɛ sɔlee,

Romabi 8:32

Mawu nɛ klɔɛ e Bi ɔ he, se mohu e ngɔ lɛ kɛ sã bɔ ngɛ wɔ nimli adesahi tsuo wa he ɔ, anɛ e be níhi tsuo ngɔe kɛ piɛ he ha wɔ lo?

1 Korintobi 1:30

Se Mawu ngɔ nyɛ kɛ ba, konɛ nyɛɛ kɛ Kristo Yesu ba bɔ. E ha nɛ Kristo ba pee wa nile. Kɛ gu Kristo nɔ ɔ, Mawu pee wɔ nihi nɛ da. Wa ba plɛ pee e ma klɔuklɔu, nɛ a he wa yi wami.

1 Korintobi 10:4

nɛ mɛ tsuo a nu mumi mi nyu kake ɔ nɛ je mumi mi tɛ sa nɛ nyɛɛ a se ɔ mi. Jamɛ a tɛ sa a ji Kristo.

2 Korintobi 9:15

Nyɛ ha waa na Mawu si ngɛ e nike ní nɛ nɔ ko be nyɛe maa kale ɔ he.

Efesobi 2:8

Mawu dloomi nya nɛ a he nyɛ yi wami akɛnɛ nyɛ he ye ɔ. Pi dengme ko nɛ nyɛ nitsɛmɛ nyɛ gbo he je; e ji nɔ́ nɛ Mawu ke nyɛ, bɔ nɛ pee nɛ nɔ ko nɔ ko ko fĩa.

Hebribi 6:4

Nihi nɛ he we Kristo yi hu ɔ, kɛ nɔ ko maa pee kɛ tsake mɛ ekohu kɛɛ? Be ko ɔ, a na Mawu la a, Mawu nike ní ɔ hu a tso hyɛ, nɛ Mumi Klɔuklɔu ɔ hu ba a nɔ.

1 Yohane 5:20

Wa le kaa Mawu Bi ɔ ba, nɛ e ba bli wa juɛmi nya, konɛ waa le anɔkuale Mawu ɔ. Amlɔ nɛ ɔ, waa kɛ anɔkuale Mawu ɔ ngɛ, ejakaa wa ngɛ e Bi Yesu Kristo ɔ mi. Lɛ ji anɔkuale Mawu ɔ nɛ, nɛ enɛ ɔ ji neneene wami.

Kpojemi 21:6

E ya nɔ nɛ e de mi ke, “A gbe nya! Imi ji kekleekle no kɛ nyagbe no, sisije kɛ nyagbe! Nɔ tsuaa nɔ nɛ kuma ngɛ lɛ yee ɔ, ma ha lɛ nyu nɛ je vu nɛ baa nyu nɛ haa nɔ wami ɔ mi nɛ e nu nɛ e be he hiɔ woe.

Kpojemi 22:17

Mumi ɔ, kɛ ayɛflo ɔ ke, “Ba!” Nɔ tsuaa nɔ nɛ maa nu enɛ ɔ, lɛ hu e de ke, “Ba!” Nɔ tsuaa nɔ nɛ kuma ngɛ lɛ yee ɔ, e ba; nɔ tsuaa nɔ nɛ suɔ ɔ, e ba ngɔ nyu nɛ haa nɔ wami ɔ kaa nike ní.

Kpojemi 7:17

ejakaa To bi ɔ nɛ ngɛ matsɛ sɛ ɔ kpɛti ɔ maa lɛ mɛ; nɛ e ma tsɔ̃ mɛ kɛ maa ya nyu vuhi nɛ haa nɔ wami a he. Nɛ Mawu ma tsu a hɛ mi vo nyu tsuo.”