Yohane 3:6 - BAIBLO ALOO NGMAMI KLƆUKLƆU Ɔ

⁶ Adesa lɛɛ adesa kɛkɛ e fɔɔ, se Mumi Klɔuklɔu lɛɛ e fɔɔ nɔ ehe.

Somi He Ɔ

⁶ Nɔ́ nɛ a je he lo mi fɔ ɔ, he lo ʼi; nɛ nɔ́ nɛ a je Mumi mi fɔ ɔ, Mumi ʼi.

Yohane 3:6 ပူးပေါင်းရင်းမြစ်များ

Mose I, 5:3

Benɛ Adam ye jeha 130 ɔ, e fɔ binyumu ko nɛ je lɛ saminya, nɛ e wo lɛ biɛ ke Set.

Mose I, 6:12

Kɛkɛ nɛ Mawu na kaa je ɔ puɛ, ejakaa nimli ɔmɛ tsuo ngɛ yayami pee.

Mose I, 6:5

Benɛ Yawɛ na kaa nimlihi a yi mi wa, nɛ nɔ́ yaya pɛ a susuɔ daa nɛ ɔ,

Hiob 14:4

Anɛ nɔmlɔ adesa ko ngɛ nɛ he tsɔ kɛ pi si lo? Dɛbi! Nɔ ko be.

Hiob 25:4

Lɛɛ kɛ a maa pee kɛ bu nɔmlɔ dalɔ ngɛ Mawu hɛ mi kɛɛ? Nɔmlɔ nɛ yo fɔ lɛ ɔ, kɛ e maa pee kɛɛ nɛ e he ma tsɔ?

La 51:10

Mawu, bɔɔ tsui nɛ he tsɔ ha mi; ngɔɔ mumi nɛ yeɔ mo anɔkuale kɛ wo ye mi.

Yohane 1:13

A pee mɛ Mawu bimɛ, pi ngɛ he lo nya kaa nyumu fɔɔ bi aloo nɔmlɔ adesa suɔmi nya; Mawu mi a je kɛ fɔ mɛ.

Yohane 3:7

O hɛ mi ko pee mo yaa kaa i de mo ke e hia nɛ a dla fɔ mo ehe.

Romabi 7:18

I le kaa nɔ́ kpakpa ko be ye he lo su ɔ mi. Ejakaa nɔ́ kpakpa jloɔ mi nɛ ma pee, se i nyɛ we.

Romabi 7:25

Sina ha Mawu kaa e he wa yi wami kɛ gu wa Nyɔmtsɛ Yesu Kristo nɔ! Ke ma po lɛ kpiti ɔ, bɔ nɛ i ngɛ ji nɛ ɔ nɛ: i kɛ ye juɛmi pɛ lɛ sɔmɔɔ ngɛ Mawu mlaa a nya, se ye he lo ɔ lɛɛ mlaa a nɛ haa nɔ peeɔ yayami ɔ lɛ yeɔ e nɔ.

Romabi 7:5

Ejakaa be nɛ wa hi si ngɛ he lo nya a, waa kɛ wa nɔmlɔ tso ɔ tsu akɔnɔ ní yayamihi nɛ mlaa a tleɔ si ngɛ wa mi ɔ, nɛ waa kɛ wo yiblii ha gbenɔ.

Romabi 8:13

Ejakaa ke nyɛ peeɔ he lo nya níhi ɔ, nyɛ ma gbo; se ke Mawu mumi ɔ ha nyɛ kpa níhi nɛ nɔmlɔ tso ɔ suɔ ɔ tsumi ɔ, nyɛ yi ma na wami.

1 Korintobi 6:17

Ke nɔ ko ngɔ e he ngɔ ha Nyɔmtsɛ ɔ, lɔ ɔ lɛɛ e kɛ lɛ pee kake ngɛ mumi mi.

2 Korintobi 5:17

Ke nɔ ko ba pee Kristo nɔ́ kɛkɛ e plɛ bɔ nɔ́ he; blema ní ɔmɛ tsuo be kɛ ho. Hyɛ, níhi tsuo pee e he.

Galatabi 5:24

Nihi nɛ ji Kristo Yesu we bi ɔ, akɔnɔ, kɛ he lo nya níhi nɛ a suɔ ɔ, a ngmɛɛ he kulaa kaa nɔ́ nɛ pe a sɛu ní ɔmɛ tsuo ngɛ sɛumi tso nɔ.

Efesobi 2:3

Niinɛ, sa a, wɔ tsuo pɛpɛɛpɛ wa ngɛ kaa mɛ; nɛ akɔnɔ yaya nɛ ngɛ wa mi ɔ jeɔ kpo ngɛ wa ní peemi níhi a mi. Níhi nɛ wa nɔmlɔ tso ɔ, kɛ wa juɛmi suɔ ɔ, lɔ ɔmɛ wa peeɔ. Akɛnɛ adesa kɛkɛ ji wɔ kaa bɔ nɛ nihi tsuo ngɛ ɔ, e fɔɔ si paa kaa Mawu maa gbla wa tue. Mawu mi mi fu wɔ kaa bɔ nɛ e mi mi fu adesahi tsuo ɔ, ejakaa wa pee yayami kɛ si lɛ.

Kolosebi 2:11

Nɛ nyɛɛ kɛ Kristo pee kake ɔ, e tsɔɔ kaa a po nyɛ; pi he lo mi nɔ pomi. Mohu Kristo ha he lo nɛ ɔ we akɔnɔ nɛ nya wa a be nyɛ nɔ he wami hu.

1 Yohane 3:9

Nɔ tsuaa nɔ nɛ ji Mawu bi ɔ, e yɛ nɔ nɛ e hii yayami pee, ejakaa e hɛɛ Mawu su nitsɛnitsɛ. Nɛ akɛnɛ Mawu bi ji lɛ he je ɔ, e be nyɛe maa pee yayami.