Yohane 3:34 - BAIBLO ALOO NGMAMI KLƆUKLƆU Ɔ

³⁴ Nɔ nɛ Mawu tsɔ ɔ, Mawu munyu e tuɔ, ejakaa Mawu Mumi hyi lɛ tɔ.

Somi He Ɔ

³⁴ Ejakaa nɔ nɛ Mawu tsɔ ɔ, Mawu munyu e tuɔ; ejakaa Mawu haa lɛ e Mumi ɔ faa.

Yohane 3:34 ပူးပေါင်းရင်းမြစ်များ

Matsɛmɛ II, 2:9

Benɛ a po pa a, Eliya bi Elisha ke, “Mɛni o suɔ nɛ ma pee ha mo loko a ba ngɔ mi kɛ je o he?” Elisha he nɔ ke, “I kpa mo pɛɛ, ha mi o mumi he wami ɔ totoe enyɔ.”

La 45:7

O suɔ nɔ́ nɛ da, se yayami lɛɛ o hĩɔ; enɛ ɔ he je ɔ, o Mawu ɔ wo mo matsɛ, nɛ e ha mo bua jɔmi pe matsɛmɛ ɔmɛ tsuo.

Yesaya 59:21

I kɛ nyɛ maa so somi. I ngɔ ye he wami ɔ ngɔ ha nyɛ, nɛ ye mlaa amɛ hu maa pee nyɛ nɔ́ kɛ maa ya neneene. Kɛ je mwɔnɛ ɔ kɛ yaa a, nyɛ maa bu mi tue, nɛ nyɛ maa tsɔɔ nyɛ bimɛ, kɛ nyɛ nina tsuo, konɛ a bu mi tue kɛ ya neneene.”

Mose III, 7:35

Bɔhi nɛ a kɛ la sãã ha Yawɛ ɔ, Aaron kɛ e bimɛ ɔmɛ a blɔ fa mi nɔ́ nɛ a gbaa nɔ kɛ ha mɛ kɛ je be nɛ a wo mɛ osɔfo ji nɛ ɔ nɛ.

Mose IV, 11:25

Kɛkɛ nɛ Yawɛ kple si kɛ je bɔku mi kɛ ba, nɛ e kɛ Mose ba tu munyu. E je mumi nɛ ngɛ Mose mi ɔ eko kɛ ha ma nimeli nyingmi kpaago ɔmɛ. Benɛ mumi ɔ ba a nɔ ɔ, a bɔni ngmlaa kpami kaa gbali; se nɔ́ nɛ ɔ se kɛ we.

Mateo 12:18

“Hyɛ, ye tsɔlɔ nɛ i hla a ji nɛ ɔ nɛ; i suɔ lɛ, nɛ i naa e he tsui. Ma ngɔ ye mumi ɔ kɛ wo e mi, nɛ tue gblami nɛ i to ha ma je li ɔmɛ ɔ, e maa fiɛ kɛ tsɔɔ mɛ.

Luka 4:18

“Nyɔmtsɛ ɔ Mumi ɔ ngɛ ye nɔ; Nyɔmtsɛ ɔ hla mi ke ma ngɔ sane kpakpa a ba ha nihi nɛ a ni ngɛ mɔbɔ. E tsɔ mi ke ma ba fiɛ ke, ‘Nyɛ nyɔguɛhi, nyɛ ye nyɛ he oo nyɛ ye nyɛ he! Hɛ yuyuili, nyɛ maa hyɛ nɔ́ oo nyɛ maa hyɛ nɔ!’ E tsɔ mi ke ma ba kpɔ nihi nɛ a ngɛ mɛ yi mi wae ɔ,

Yohane 1:16

E mi mi hi kɛ be nɔ, lɔ ɔ he ɔ, e ha wa ti nɔ tsuaa nɔ dloomi nɔtonɔto.

Yohane 15:26

“Se Hepiɛlɔ ɔ maa ba. Lɛ ji Mumi ɔ nɛ haa a leɔ anɔkuale nɛ kɔɔ Mawu he ɔ nɛ. Ma tsɔ lɛ kɛ je Tsɛ ɔ ngɔ kɛ ba nyɛ ngɔ, nɛ e ma ba ye ye he odase.

Yohane 16:7

I ngɛ nyɛ dee anɔkuale mi ke e hi kɛ ha nyɛ mohu kaa ma je, ejakaa ke i ji ɔ, Hepiɛlɔ ɔ be nyɛ ngɔ bae. Ke i je ɔ lɛɛ ma wo lɛ blɔ kɛ ba nyɛ ngɔ.

Yohane 3:17

Mawu tsɔ we e Bi ɔ kɛ bɛ je ɔ mi nɛ e ba kojo; se mohu e ba, konɛ e ba he nihi a yi wami.

Yohane 5:26

Lɔ ɔ he ɔ, kaa bɔ nɛ Tsɛ ɔ ngɛ wami ngɛ e mi ɔ, ja nɔuu e ha e Bi ɔ hu wami.

Yohane 7:16

Yesu he nɔ ke, “Nɔ́ nɛ i ngɛ nyɛ tsɔɔe ɔ ji imi nitsɛ ye yi mi; nɔ nɛ tsɔ mi ɔ nɛ ngɔ ha mi.

Yohane 8:40

Imi lɛɛ anɔkuale ɔ nɛ i nu kɛ je Tsaatsɛ Mawu nya a, lɔ ɔ i deɔ nyɛ; se nyɛ ngɛ mi hlae nɛ nyɛɛ gbe. Abraham pee we nɔ́ ko kaa kikɛ nɛ ɔ.

Yohane 8:47

Nɔ nɛ je Mawu ngɔ ɔ, e nuɔ Mawu munyu. Se nyɛɛ lɛɛ nyɛ nui, ejakaa pi Mawu ngɔ nɛ nyɛ je.”

Ni Tsumi 1:2

kɛ ya su ligbi nɛ a ngɔ lɛ kɛ ho hiɔwe ya. Loko a ngɔ lɛ kɛ ho hiɔwe ya a, e gu Mumi Klɔuklɔu ɔ nɔ nɛ e tsɔɔ bɔfohi nɛ e hla a mlaa nɛ a ye nɔ.

Ni Tsumi 10:38

Nyɛ le Yesu nɛ je Nazaret ɔ he sane, bɔ nɛ Mawu hla lɛ, nɛ e ha nɛ Mumi Klɔuklɔu ɔ he wami ɔ ba e nɔ. Nyɛ le bɔ nɛ e kpa si kɛ ya he tsuaa he kɛ kpakpa peemi. E tsa hiɔtsɛmɛ, nɛ e hia mumi yayamihi hulɔ; ejakaa Mawu kɛ lɛ ngɛ.

Romabi 8:2

Ejakaa wa ngɛ Kristo mi, lɔ ɔ he ɔ, Mawu mumi ɔ nɛ haa nɔ wami ɔ, haa wa yeɔ wa he; nɛ yayami, kɛ gbenɔ be wa nɔ he wami hu.

Efesobi 3:8

Jinɛ i pi nɔ ko kulaa ngɛ ni klɔuklɔu ɔmɛ a kpɛti. Se Mawu ha mi dloomi nɛ ɔ kaa ma ya fiɛ sane kpakpa a ha ma je li ɔmɛ, nɛ ma tsɔɔ mɛ ní kpakpahi nɛ a ma na ke a ba nyɛɛ Kristo se.

Kolosebi 1:19

Ejakaa Mawu nitsɛ lɛ suɔ kaa lɛ Mawu ɔ su pɛpɛɛpɛ nɛ hi Bi ɔ mi.

Kolosebi 2:9

Ejakaa bɔ nɛ Mawu su ngɛ tutuutu ɔ, lɔ ɔ wa naa ngɛ Kristo mi benɛ e ba ngɛ he lo mi ɔ nɛ.

Kpojemi 21:6

E ya nɔ nɛ e de mi ke, “A gbe nya! Imi ji kekleekle no kɛ nyagbe no, sisije kɛ nyagbe! Nɔ tsuaa nɔ nɛ kuma ngɛ lɛ yee ɔ, ma ha lɛ nyu nɛ je vu nɛ baa nyu nɛ haa nɔ wami ɔ mi nɛ e nu nɛ e be he hiɔ woe.

Kpojemi 22:1

Jehanɛ ɔ, bɔfo ɔ tsɔɔ mi pa kɛ e mi nyu nɛ haa nɔ wami ɔ; e mi tsɔ keikei kaa ahuhuɛ. Pa a hia kɛ je Mawu, kɛ To bi ɔ matsɛ sɛ ɔ he