Yohane 3:31 - BAIBLO ALOO NGMAMI KLƆUKLƆU Ɔ

³¹ Nɔ nɛ je hiɔwe kɛ ba a pe nihi tsuo. Nɔ nɛ ngɛ je ɔ mi ɔ, je mi no ji lɛ, nɛ je mi níhi a he munyu e tuɔ. Se nɔ nɛ je hiɔwe ɔ pe nɔ tsuaa nɔ.

Somi He Ɔ

³¹ Nɔ nɛ je hiɔwe ba a pe nihi kulaa. Nɔ nɛ je zugba a nɔ ɔ, zugba a nɔ e je, nɛ zugba a he munyu e tuɔ. Nɔ nɛ je hiɔwe ba a pe nihi kulaa,

Yohane 3:31 ပူးပေါင်းရင်းမြစ်များ

Mateo 28:18

Yesu hɛ lɛ kɛ su a he, nɛ e de mɛ ke, “A ha mi he blɔ ngɛ níhi tsuo nɛ ngɛ hiɔwe kɛ zugba a nɔ.

Yohane 1:15

Yohane ye e he odase. E kɛ ngmlaa de ke, “Nɔmlɔ nɛ ɔ he munyu nɛ i tu ke, ‘Nɔ ko ma ngɛ ye se; se e pã mi, ejakaa e ngɛ loko i ngɛ’ ɔ nɛ.”

Yohane 1:27

I sɛ e hlami kɛ ba mohu, se i sɛ nɔ nɛ pɛneɔ e tokota nya kpa tete po.”

Yohane 1:30

Nɔmlɔ nɛ ɔ he nɛ i de ngɛ ke, ‘Nɔ ko ma ngɛ ye se, se e pe mi, ejakaa e ngɛ loko i ngɛ’ ɔ nɛ.

Yohane 3:30

E sa kaa e ya nɔ, konɛ imi lɛɛ ma ba si.”

Yohane 6:33

Mawu we abolo ɔ ji nɔ nɛ je hiɔwe kɛ ba a, nɛ lɛɛ e ma ha je ɔ wami.”

Yohane 6:51

Imi ji abolo nɛ je hiɔwe nɛ haa nɔ wami. Nɔ nɛ maa ye kikɛmɛ a abolo nɛ ɔ eko ɔ maa hi si kɛ maa ya neneene. Abolo nɛ ma ha lɛ ɔ ji imi nitsɛ ye he lo nɛ i ngɔ kɛ ha, bɔ nɛ pee nɛ je ɔ tsuo yi nɛ na wami.”

Yohane 8:23

Yesu he nɔ ke, “Nyɛɛ lɛɛ je nɛ ɔ mi bi ji nyɛ; se imi lɛɛ hiɔwe i je. Je nɛ ɔ mi bi ji nyɛ, se imi lɛɛ i ji je nɛ ɔ mi.

Ni Tsumi 10:36

Mawu tsɔ nɛ a kɛ munyu ɔ ya ha Israel bi ɔmɛ, nɛ a gu Yesu Kristo nɔ kɛ jaje sane kpakpa a nɛ kɛ tue mi jɔmi baa a ngɔ tsɔɔ mɛ. Lɛ, Yesu Kristo ɔ ji nimli adesahi tsuo a Nyɔmtsɛ.

Romabi 9:5

A mi nɛ wa nɛmɛ ɔmɛ je, nɛ Kristo ɔ tete a nina ji lɛ ngɛ he lo nya. Kristo ɔ ji Mawu Ope ɔ nɛ yeɔ nihi tsuo a nɔ ɔ nɛ. A je e yi kɛ ya neneene! Amen.

Hebribi 9:1

Kekleekle somi ɔ hɛɛ blɔ nya tomi nɛ a kɛ ma ja Mawu, kɛ he ko hulɔ nɛ adesa pee nɛ ngɛ klɔuklɔu nɛ a ma ja Mawu ngɛ.

1 Petro 3:22

Yesu Kristo ho hiɔwe ya; e ya hii si ngɛ Mawu hiɔ nɔ, nɛ e ngɛ bɔfohi, kɛ mumi mi níhi tsuo nɛ ngɛ he wami a nɔ yee.

1 Yohane 4:5

Jamɛ a lakpa gbali ɔmɛ ɔ, munyu nɛ kɔɔ je nɛ ɔ mi níhi a he nɛ a tuɔ. Nɛ je ɔ buɔ mɛ tue, ejakaa je ɔ mi nɛ a je.

Kpojemi 19:16

Nɛ a ngma biɛ ko ngɛ e tade klɔii ɔ, kɛ e fiɔ he ke, “Matsɛmɛ a matsɛ, kɛ nyɔmtsɛmɛ a nyɔmtsɛ.”