Yohane 3:30 - BAIBLO ALOO NGMAMI KLƆUKLƆU Ɔ

³⁰ E sa kaa e ya nɔ, konɛ imi lɛɛ ma ba si.”

Somi He Ɔ

³⁰ Ja lɛɛ e ya nɔ, nɛ imi lɛɛ i ba si.”

Yohane 3:30 ပူးပေါင်းရင်းမြစ်များ

Yesaya 53:12

Enɛ ɔ he je ɔ, ma ha lɛ blɔ nya nguaa ko ngɛ ni nguanguahi a kpɛti. E kɛ mɛ maa dla ta yibu ní ɔ. Ejakaa e ngɔ e wami ngɔ ha ngɛ yayami peeli babauu a nane mi; nɛ e kpa pɛɛ nɛ a ngɔ a he yayami kɛ pa mɛ.”

Yesaya 9:7

E nɔ yemi ɔ ma he si, nɛ e maa bɔ; ma a ma na tue mi jɔmi daa, ejakaa e maa ye tsɛ kaa Matsɛ David nitsɛ se yelɔ. E maa pee kpakpa, nɛ e maa ye dami sane, kɛ maa je be nɛ ɔ mi kɛ yaa su je mi nyagbe. Yawɛ Tabohiatsɛ ɔ kɛ hɛdɔ ma tsu ní nɛ ɔmɛ tsuo.

Yohane 3:29

Ayɛflo huno ɔ, e nɔ ji ayɛflo ɔ. Se kɛ̃ ɔ, ayɛflo huno ɔ huɛ nɛ daa si ngɛ e kasa nya a, ke e nu ayɛflo huno ɔ gbi kɛkɛ e bua jɔ. Enɛ ɔ nɛ haa imi hu i naa bua jɔmi babauu.

Yohane 3:31

Nɔ nɛ je hiɔwe kɛ ba a pe nihi tsuo. Nɔ nɛ ngɛ je ɔ mi ɔ, je mi no ji lɛ, nɛ je mi níhi a he munyu e tuɔ. Se nɔ nɛ je hiɔwe ɔ pe nɔ tsuaa nɔ.

1 Korintobi 3:5

Mɛnɔ ji Apolo ɔ? Imi Paulo hu, mɛnɔ ji mi? Mawu tsɔli kɛkɛ ji wɔ, nɛ wa nɔ lɛ nyɛ gu kɛ he Kristo ye. Nyɔmtsɛ ɔ ha wa ti nɔ tsuaa nɔ ní tsumi pɔtɛɛ nɛ wa tsu.

Kolosebi 1:18

Lɛ ji yi kɛ ha asafo ɔ nɛ ji lɛ nitsɛ e nɔmlɔ tso ɔ. E mi asafo ɔ puɛ kɛ je. Lɛ ji kekleekle nɔ nɛ a tle si kɛ je gbeje, konɛ e ye kekleekle blɔ he ngɛ níhi tsuo a mi.

Kpojemi 11:15

Jehanɛ ɔ, bɔfo kpaagone ɔ kpa e titimati ɔ, nɛ i nu gbihi nɛ ngɛ pɛe wawɛɛ ngɛ hiɔwe ke, “Amlɔ nɛ ɔ, wa Nyɔmtsɛ ɔ kɛ e Kristo ɔ nɛ a ngɛ je ɔ nɔ yee. Nɛ a maa ye matsɛ kɛ maa ya neneene!”