Yohane 3:3 - BAIBLO ALOO NGMAMI KLƆUKLƆU Ɔ

³ Yesu he nɔ ke, “I ngɛ mo dee anɔkuale mi ke, ke a ji hiɔwe fɔ we nɔ ko ɔ e be Mawu matsɛ yemi ɔ mi sɛe.”

Somi He Ɔ

³ Yesu he nɔ nɛ e de lɛ ke: “I ngɛ mo dee anɔkuale mi ke: Ke a ji hiɔwe fɔ we nɔ ko ɔ, e be Mawu matsɛ yemi ɔ nae.”

Yohane 3:3 ပူးပေါင်းရင်းမြစ်များ

Yeremia 5:21

Nyɛ kuasiahi, kɛ nihi nɛ nyɛ be juɛmi! Nyɛ ngɛ hɛngmɛ, se nyɛ hyɛ we nɔ́; nyɛ ngɛ tue, se nyɛ nui nɔ́. Nyɛɛ bu tue!

Ezekiel 36:26

Ma ha nyɛ tsui he, kɛ juɛmi he. Nyɛ tsui nɛ wlua kaa tɛ ɔ, ma je kɛ je nyɛ mi, nɛ ma ha nyɛ tsui nɛ he jɔ.

Mateo 16:17

Yesu de lɛ ke, “Simon, Yona bi, a gbaa mo! Ejakaa pi nɔmlɔ adesa nɛ je enɛ ɔ tsɔɔ mo; se Tsaatsɛ nɛ ngɛ hiɔwe ɔ.

Mateo 19:24

I ngɛ nyɛ dee ekohu ke e wa ha niatsɛ kaa e maa sɛ Mawu matsɛ yemi ɔ mi pe kaa afukpɔngɔ maa gu abui hɛngmɛ mi.”

Mateo 21:31

Lɔ ɔ he ɔ, ni enyɔ nɛ ɔmɛ a kpɛti mɛnɔ lɛ pee nɔ́ nɛ a tsɛ ɔ suɔ?” A he nɔ ke, “Nɔkɔtɔma a.” Yesu de mɛ ke, “Niinɛ, i ngɛ nyɛ dee ke, tó tsuli ɔmɛ, kɛ ajuama amɛ sɛ nyɛ hlami kɛ yaa Mawu matsɛ yemi ɔ mi.

Mateo 5:18

Niinɛ, i ngɛ nyɛ dee ke, be abɔ nɛ hiɔwe kɛ zugba ngɛ nɛ ɔ, a be nɔ́ nyafii tslɛ po jee kɛ je mlaa a mi kɛ yaa si a maa gbe nɔ́ tsuaa nɔ́ nya.

Marko 10:14

Benɛ Yesu na a, e tsui fia, nɛ e de e kaseli ɔmɛ ke, “Nyɛ ha jokuɛwi ɔmɛ nɛ a ba ye ngɔ; nyɛ ko tsi mɛ blɔ, ejakaa nihi nɛ ngɛ kaa ni nɛ ɔmɛ a nɔ ji Mawu matsɛ yemi ɔ nɛ.

Marko 9:47

Ke o hɛngmɛ kake haa nɛ o peeɔ yayami ɔ, hiaa nɛ o sake ngɔ fɔ he; afani nɛ o kɛ hɛngmɛ kake sɛ Mawu matsɛ yemi ɔ mi pe nɛ o hɛɛ hɛngmɛ enyɔ nɛ a ma sake mo ngɔ fɔ Abosiami a je la a mi.

Yohane 1:13

A pee mɛ Mawu bimɛ, pi ngɛ he lo nya kaa nyumu fɔɔ bi aloo nɔmlɔ adesa suɔmi nya; Mawu mi a je kɛ fɔ mɛ.

Yohane 1:5

La a ngɛ tsoe ngɛ diblii mi, se diblii ɔ nyɛ we lɛ nɛ e gbe gblegbleegble.

Yohane 1:51

Nyagbe ɔ, e de mɛ ke, “I ngɛ nyɛ dee anɔkuale mi ke hiɔwe nya ma bli, nɛ nyɛ maa na Mawu bɔfo ɔmɛ nɛ a ngɛ kuɔe kɛ ngɛ imi Nɔmlɔ Bi ɔ ye ngɔ bae, nɛ a ngɛ kpalee kɛ ngɛ yae.”

Yohane 12:40

“Mawu ma a hɛngmɛ, nɛ e tsi a juɛmi nya hulɔ, konɛ a hɛngmɛ ko hyɛ nɔ́, nɛ a ko nu nɔ́ sisi. Mawu pee mɛ kikɛ nɛ ɔ, konɛ a ko kpale kɛ ba e ngɔ nɛ a tsa mɛ.”

Yohane 3:4

Nikodemo bi Yesu ke, “Nɔmlɔ nɛ wa a, kɛ maa pee kɛɛ nɛ a ma fɔ lɛ ekohu? Anɛ e ma nyɛ kpale sɛ e nyɛ mi mi nɛ a dla fɔ lɛ nɔ nɛ ji si enyɔ lo?”

2 Korintobi 4:4

A he we sane kpakpa a yi, ejakaa je nɛ ɔ mi mawu ɔ yu a mumi mi hɛngmɛ; nɛ la nɛ ngɛ kpɛe ngɛ a nɔ ɔ, a nɛ. Sane kpakpa a nɛ woɔ Kristo hɛ mi nyami ɔ, la nɛ ɔ nɛ ngɛ lɛ gbɛe kɛ ngɛ fĩae. Kristo ɔ, e kɛ Mawu hɛɛ su kake.

2 Korintobi 5:17

Ke nɔ ko ba pee Kristo nɔ́ kɛkɛ e plɛ bɔ nɔ́ he; blema ní ɔmɛ tsuo be kɛ ho. Hyɛ, níhi tsuo pee e he.

Galatabi 6:15

A po nɔ ko jio, a pui nɔ ko jio, e he hia we kulaa. Nɔ́ nɛ he hia kɛkɛ ji kaa nɔ ko ma tsake kɛ pee bɔ nɔ he.

Efesobi 2:1

Sa a, nyɛ ngɛ kaa nihi nɛ gbo, ejakaa nyɛ gbo Mawu tue, nɛ nyɛ pee yayami kɛ si lɛ.

Mose V, 29:4

Se kɛ ba si mwɔnɛ ligbi nɛ ɔ, e ha we nɛ nyɛɛ nu níhi nɛ nyɛɛ kɛ kpe ɔ a sisi lolo.

Tito 3:5

e he wa yi wami. Pi nɔ́ nɛ da nɛ wa pee he nɛ e he wa yi wami ngɛ; mɔbɔ kɛkɛ lɛ e na wɔ kɛ gu Mumi Klɔuklɔu ɔ nɔ. Mumi Klɔuklɔu ɔ du wa he, nɛ wa pee kaa nihi nɛ a fɔ mɛ ehe, nɛ́ a na wami he.

Yakobo 3:17

Se nɔ nɛ ngɛ nile nɛ je hiɔwe ɔ, kekleekle nɔ́ nɛ a naa ngɛ e he ji kaa e he tsɔ. Lɔ ɔ se ɔ, a naa kaa e he jɔ; e hɛ ka si, nɛ e nuɔ nɔ́ he ha nɔ. E naa nɔ mɔbɔ saminya, nɛ ní kpakpahi sɔuu e tsuɔ. E hyɛ we nihi a hɛ mi, nɛ e pee we osato.

1 Petro 1:3

Nyɛ ha wa je Mawu, wa Nyɔmtsɛ Yesu Kristo Tsɛ ɔ yi. E na wɔ mɔbɔ babauu kaa e tle Yesu Kristo si kɛ je gbeje, nɛ e kɛ ha wɔ wami he; ejakaa suɔmi nɛ e kɛ suɔ wɔ ɔ be nyagbe. Nɔ́ nɛ ɔ haa wɔ hɛ kɛ nɔ fɔmi nɛ mi wa.

1 Yohane 2:29

Tse nyɛ le kaa Kristo ɔ, nɔ́ nɛ da e peeɔ. Lɛɛ e hia kaa nyɛɛ le kaa nɔ tsuaa nɔ nɛ peeɔ nɔ́ nɛ da a, Mawu bi ji lɛ.

1 Yohane 3:9

Nɔ tsuaa nɔ nɛ ji Mawu bi ɔ, e yɛ nɔ nɛ e hii yayami pee, ejakaa e hɛɛ Mawu su nitsɛnitsɛ. Nɛ akɛnɛ Mawu bi ji lɛ he je ɔ, e be nyɛe maa pee yayami.

1 Yohane 5:1

Nɔ tsuaa nɔ nɛ heɔ yeɔ kaa Yesu ji Kristo ɔ, Mawu bi ji lɛ; nɛ nɔ tsuaa nɔ nɛ suɔ nɔ ko tsɛ ɔ, e suɔ nɔ ɔ bi hulɔ.

1 Yohane 5:18

Wa le kaa nɔ tsuaa nɔ nɛ ji Mawu bi ɔ, e bua jɔɛ yayami peemi he. Ejakaa Mawu Bi ɔ baa e yi, nɛ Abosiami na we e he blɔ.

1 Yohane 5:4

ejakaa Mawu bimɛ tsuo ma nyɛ maa ye je ɔ nɔ kunimi; ee, wa hemi kɛ yemi waa kɛ yeɔ je ɔ nɔ kunimi.

Kpojemi 3:14

Bɔfo ɔ nɛ ngɛ asafo ɔ nya ngɛ Laodikea a, ngmaa womi nɛ ɔ ya ha lɛ ke, “Sɛ gbi nɛ je Amen, odase ɔ nɛ yeɔ anɔkuale ɔ ngɔ ji nɛ ɔ nɛ. Lɛ ji níhi tsuo nɛ Mawu bɔ ɔ sisije.