Yohane 3:26 - BAIBLO ALOO NGMAMI KLƆUKLƆU Ɔ

²⁶ Lɔ ɔ he ɔ, kaseli ɔmɛ ba Yohane ngɔ, nɛ a ba bi lɛ ke, “Tsɔɔlɔ, nyumu ɔ nɛ e kɛ mo hi Yordan pa a beleku je nɛ o tu e he munyu ɔ, o kai lɛ lo? Hyɛ, amlɔ nɛ ɔ, nihi babauu ngɛ e ngɔ yae, nɛ e ngɛ mɛ sɔlee.”

Somi He Ɔ

²⁶ Nɛ a ba Yohane ngɔ nɛ a ba de lɛ ke: “Rabi, nɔ nɛ kɛ mo hi Yordan se nɛ o ye e he odase ɔ, oʼɛ, lɛ nitse e ngɛ baptisie, nɛ nihi tsuo ngɛ e ngɔ yae.”

Yohane 3:26 ပူးပေါင်းရင်းမြစ်များ

La 65:2

Ee, mo pɛ lɛ o buɔ kue fami tue. O ngɔ adesahi tsuo maa ba,

Fiɛlɔ 4:4

Jehanɛ, i na kaa nɔ́ nɛ he je nɛ nihi gboɔ dengme wawɛɛ konɛ a ya nɔ ɔ ji kaa a hɛ kɔɔ a nyɛmimɛ a nɔ. Enɛ ɔ hu ji yaka nɔ́ ko; e ngɛ kaa nɔ́ nɛ nɔ ko ngɛ fo tue kɛ ngɛ kɔɔhiɔ se nyɛɛe kɛkɛ.

Yesaya 45:23

I ngɛ kita kae, nɛ i be ye nya se kpalee. I ngɛ imi nitsɛ ye he kita kae ke je ma amɛ tsuo maa ba; a ma ba kpla si ha mi, nɛ a ma ka mi kita.

Mateo 23:7

a suɔ nɛ a kɛ bumi nɛ nga mɛ ngɛ jua nɔ, nɛ a tsɛ mɛ ke, ‘Tsɔɔlɔ!’

Mateo 23:8

Nyɛɛ lɛɛ, a ko tsɛ nyɛ ‘Tsɔɔlɔ’, ejakaa nyɛ tsuo pɛpɛɛpɛ nyɛmimɛ ji nyɛ, nɛ tsɔɔlɔ kake pɛ nyɛ ngɛ.

Yohane 1:15

Yohane ye e he odase. E kɛ ngmlaa de ke, “Nɔmlɔ nɛ ɔ he munyu nɛ i tu ke, ‘Nɔ ko ma ngɛ ye se; se e pã mi, ejakaa e ngɛ loko i ngɛ’ ɔ nɛ.”

Yohane 1:7

E ba nɛ e ba ye la a he odase ha nimli adesahi, konɛ mɛ tsuo a he ye.

Yohane 1:9

La nɛ ɔ ji la nɛ tsoɔ haa nimli adesahi tsuo.

Yohane 11:48

Ke wa ngmɛ lɛ blɔ nɛ e ya nɔ ngɛ ní nɛ ɔmɛ pee ɔ, ma a tsuo ma he lɛ maa ye. Kɛkɛ ɔ, Roma bi ɔmɛ maa ba ba kpata wa sɔlemi we ɔ, kɛ wa ma a tsuo hɛ mi.”

Yohane 12:19

Lɔ ɔ he ɔ, Farisi bi ɔmɛ de a he ke, “Tse nyɛ na kaa nyɛ nyɛ we nɔ́ ko nɛ nyɛɛ pee. Hyɛ, je ɔ tsuo nɛ hia kɛ nyɛɛ e se ɔ nɛ.”

Yohane 3:2

Nyumu nɛ ɔ ba Yesu ngɔ nyɔ mi, nɛ e ba de lɛ ke, “Tsɔɔlɔ, wa le kaa tsɔɔlɔ nɛ Mawu tsɔ kɛ ba ji mo. Níhi tsuo nɛ o peeɔ ɔ kɛ toɔ okadi ɔ, nɔ ko nɔ ko be nyɛe maa pee, ja Mawu piɛ e he.”

Yohane 4:1

Farisi bi ɔmɛ nu kaa Yesu ngɛ kaseli babauu nae, nɛ e ngɛ nihi babauu sɔlee hu pe Yohane.

Yohane 4:2

(Anɔkuale mi ɔ, Yesu nitsɛ sɔle we nɔ ko, se e kaseli ɔmɛ mohu lɛ a sɔle nihi.)

Yohane 4:31

Jamɛ a be ɔ, kaseli ɔmɛ bɔni Yesu pɛɛ kpami ke e ba wo e nya mi nɔ́ ko.

Yohane 5:33

Nyɛɛ lɛɛ nyɛ tsɔ kɛ ya Yohane ngɔ, nɛ e ye anɔkuale ɔ he odase.