Yohane 3:25 - BAIBLO ALOO NGMAMI KLƆUKLƆU Ɔ

²⁵ Pee se ɔ, kusumi nɛ a peeɔ kɛ tsuɔ nɔ he ɔ, Yohane kaseli ɔmɛ ekomɛ, kɛ Yuda bi komɛ sã nya ngɛ he.

Somi He Ɔ

²⁵ Jeha nɛ ɔ nya sami ba te si ngɛ Yohane kaseli ɔmɛ kɛ Yudafono ko kpɛti ngɛ he tsukɔmi he.

Yohane 3:25 ပူးပေါင်းရင်းမြစ်များ

Mateo 3:11

Imi lɛɛ nyu i kɛ ngɛ nyɛ sɔlee kɛ tsɔɔ kaa nyɛ tsake nyɛ tsui. Se nɔ nɛ ma ngɛ ye se ɔ, Mumi Klɔuklɔu ɔ, kɛ la e kɛ ma tsu nɔ nɛ ɔ. Lɛɛ e pe mi; e tokota tete po, i sɛ nɔ nɛ hɛɛɔ.

Marko 7:8

“Nyɛ ngmɛɛ Mawu mlaa a he nɛ nyɛ pɛtɛ adesa mlaa mohu he.”

Yohane 2:6

Yuda bi a kusumi ji a fɔ a he nɛ a kɛ tsú a he. Enɛ ɔ he ɔ, didɔ ekpa maa si ngɛ lejɛ ɔ. Didɔ nɛ ɔmɛ ɔ, eko tsuaa eko yeɔ nyu lita lafa.

Hebribi 6:2

Níhi nɛ wa tsɔɔ nyɛ nɛ kɔɔ nɔ sɔlemi, nine nɛ a kɛ pueɔ nɔ nɔ, gbogboehi a si temi, kɛ nyagbe kojomi he ɔ, e hia we kaa waa hi lɔ ɔmɛ tsɔɔe kpamisa.

Hebribi 9:10

ejakaa niye ní, kɛ dã, kɛ he tsumi kusumihi pɛ a he nɛ e kɔɔ. Enɛ ɔmɛ tsuo ɔ, he lo blɔ fa mi níhi nɛ maa hi si kɛ yaa si be nɛ Mawu maa pee níhi tsuo ehe kɛkɛ.

Hebribi 9:23

Lɔ ɔ he ɔ, je nɛ ɔ mi níhi nɛ ji hiɔwe ní ɔmɛ a henɔ ɔ lɛ e sa kaa a peeɔ kusumi kaa jã kɛ tsuɔ a he. Se hiɔwe ní nitsɛnitsɛ ɔmɛ lɛɛ e hia kaa a pee kusumi nɛ hi pe ja kulaa nɛ a kɛ tsu a he.

1 Petro 3:21

Enɛ ɔ ji nɔ sɔlemi okadi ɔ nɛ. Ke a sɔle wɔ ɔ, lɔ ɔ tsɔɔ we kaa a fɔ wa nɔmlɔ tso ɔ he, nɛ wa he tsɔ. Mohu ɔ, e tsɔɔ kaa waa kɛ Mawu so kaa wa maa hi si saminya nɛ wa he nile ko bu wɔ fɔ, nɛ kɛ gu si nɛ Yesu Kristo te ɔ nɔ ɔ, e ma he wa yi wami.