Yohane 3:17 - BAIBLO ALOO NGMAMI KLƆUKLƆU Ɔ

¹⁷ Mawu tsɔ we e Bi ɔ kɛ bɛ je ɔ mi nɛ e ba kojo; se mohu e ba, konɛ e ba he nihi a yi wami.

Somi He Ɔ

¹⁷ Ejakaa Mawu tsɔɛ e bi ɔ kɛ bɛ je ɔ mi konɛ e ba kojo je ɔ, se mohu konɛ a gu e nɔ kɛ he je ɔ yi wami.

Yohane 3:17 ပူးပေါင်းရင်းမြစ်များ

Zakaria 9:9

Zion, nyá oo, nyá! Yerusalem, mo he ose! Hyɛ, o matsɛ ɔ ma! E ma kɛ agbo jemi kɛ kunimi yemi. E ba e he si, nɛ e hi teji okpɔngɔ nɔ; ee, e hi teji okpɔngɔ bi nɔ.

Mateo 1:23

“Hyɛ, yiheyo ko ma na muklii, nɛ e ma fɔ binyumu; a ma tsɛ lɛ ke Yimanuel” nɛ sisi ji, “Mawu kɛ wɔ ngɛ.”

Mateo 18:10

“Nyɛɛ hyɛ saminya nɛ nyɛ ko hie bimɛ tsɔwi nɛ ɔmɛ a ti nɔ ko. I ngɛ nyɛ dee ke a bɔfohi nɛ ngɛ hiɔwe ɔ daa si ngɛ Tsaatsɛ nɛ ngɛ hiɔwe ɔ hɛ mi daa. [

Mateo 18:11

Se Nɔmlɔ Bi ɔ ba nɛ e ba he nihi nɛ laa a a yi wami.]

Luka 19:10

Nɔmlɔ Bi ɔ ba, konɛ e ba hla nihi nɛ laa a, nɛ e he a yi wami.”

Luka 9:56

Kɛkɛ nɛ e kɛ e kaseli ɔmɛ tsuo pue nɔ kɛ ho kɔpe kpa mi ya.

Yohane 1:29

E nɔ jena a, Yohane na Yesu nɛ ma e ngɔ. Kɛkɛ nɛ e de ke, “Hyɛ, Mawu To Bi ɔ nɛ woɔ je ɔ he yayami kɛ yaa a, lɛ ji nɛ ɔ nɛ.

Yohane 10:36

Lɛɛ imi nɛ Tsɛ ɔ hla mi, nɛ e tsɔ mi je ɔ mi ɔ, kɛ peeɔ kɛɛ nɛ ke i de ke Mawu Bi ji mi nɛ́ nyɛ deɔ ke i bɔ musu ɔ?

Yohane 11:42

I le kaa o buɔ mi tue be tsuaa be; se i ngɛ enɛ ɔ dee ngɛ nihi nɛ pueɔ si nɛ ɔ a he, bɔ nɛ pee nɛ a he ye kaa mo nɛ o tsɔ mi.”

Yohane 17:18

Bɔ nɛ o tsɔ mi je ɔ mi ɔ, ja nɔuu imi hu i ngɛ mɛ tsɔe.

Yohane 17:21

I ngɛ pɛɛ kpae nɛ mɛ tsuo a pee kake. Tsaatsɛ! Bɔ nɛ o ngɛ ye mi, nɛ i ngɛ o mi ɔ, mɛ hu a hi wa mi jã nɔuu. Pee mɛ kake, konɛ je ɔ nɛ he ye kaa mo nɛ o tsɔ mi.

Yohane 17:23

I ngɛ a mi, nɛ mo hu o ngɛ ye mi, konɛ a pee kake kɛ pi si; kɛkɛ ɔ, je ɔ maa na kaa mo nɛ o tsɔ mi; nɛ bɔ nɛ o suɔ mi ɔ, o suɔ mɛ hu ja nɔuu.

Yohane 17:25

Tsaatsɛ nɛ peeɔ nɔ́ nɛ da! Je ɔ li mo, se imi lɛɛ i le mo; nɛ ye nyɛmimɛ nɛ ɔmɛ le kaa mo nɛ o tsɔ mi.

Yohane 17:3

Ke a na le kaa mo ji anɔkuale Mawu ɔ, nɛ a le Yesu Kristo, nɔ nɛ o tsɔ ɔ, a ma na neneene wami.

Yohane 17:8

Sɛ gbi nɛ o ha mi ɔ, i kɛ ha mɛ nɛ a ngɔ, nɛ a le kaa niinɛ i je o ngɔ, nɛ mo nɛ o tsɔ mi.

Yohane 20:21

Jehanɛ ɔ, Yesu kpale de mɛ ekohu ke, “Nyɛ he manye! Bɔ nɛ Tsɛ ɔ tsɔ mi ɔ, ja nɔuu imi hu i ngɛ nyɛ tsɔe.”

Yohane 3:34

Nɔ nɛ Mawu tsɔ ɔ, Mawu munyu e tuɔ, ejakaa Mawu Mumi hyi lɛ tɔ.

Yohane 5:36

Imi lɛɛ i ngɛ odase nɛ pe Yohane nɔ́ ɔ, ejakaa ní tsumihi nɛ Tsaatsɛ ngɔ ha mi kaa ma tsu ɔ, jamɛ a ní tsumi ɔmɛ nɛ́ i tsuɔ ɔ nɔuu yeɔ ye he odase kaa Tsɛ ɔ lɛ tsɔ mi.

Yohane 5:38

Nyɛ bui e munyu ɔ, ejakaa imi nɔmlɔ nɛ e tsɔ ɔ, nyɛ he we mi yi.

Yohane 5:45

Nyɛ ko susu kaa imi lɛ ma po nyɛ nya ngɔ ha Tsaatsɛ. Mose nɛ nyɛ ngɔ nyɛ hɛ kɛ fɔ e nɔ ɔ, lɛ tutuutu ji nɔ nɛ maa po nyɛ nya.

Yohane 6:29

Yesu he nɔ́ ke, “Mawu suɔ kaa nyɛ he nɔ nɛ e tsɔ ɔ nyɛɛ ye.”

Yohane 6:38

Ejakaa i je hiɔwe kɛ ba nɛ ma ba pee nɔ nɛ tsɔ mi ɔ suɔmi nya ní, se pi imi nitsɛ ye suɔmi nya ní.

Yohane 6:40

Ejakaa Tsaatsɛ suɔ kaa nɔ tsuaa nɔ nɛ na Bi ɔ, nɛ e heɔ lɛ yeɔ ɔ, e na neneene wami. Nɛ nyagbe ligbi ɔ, ma tle mɛ si kɛ ba wami mi.”

Yohane 6:57

Tsɛ ɔ nɛ tsɔ mi ɔ hɛ ngɛ; nɛ e ha nɛ imi hu ye hɛ ngɛ. Jã kɛ̃, nɔ tsuaa nɔ nɛ yeɔ ye he lo ɔ, ma ha lɛ wami.

Yohane 7:29

Imi lɛɛ i le lɛ, ejakaa e ngɔ nɛ i je, nɛ lɛ ji nɔ nɛ tsɔ mi.”

Yohane 8:11

Yo ɔ he nɔ ke, “Nyɔmtsɛ, nɔ ko nɔ ko bui mi fɔ.” Yesu de lɛ ke, “Saminya, imi hu i bui mo fɔ. Yaa, se mohu kpa yayami peemi.”]

Yohane 8:42

Yesu de mɛ ke, “Mawu ji nyɛ Tsɛ niinɛ jinɛ nyɛ maa suɔ mi, ejakaa Mawu nɛ tsɔ mi; se pi imi nitsɛ ye yi mi nɛ i to kɛ ba. Mawu ngɔ nɛ i je kɛ ba nyɛ ngɔ.

1 Yohane 2:2

Nɛ Kristo ɔ ji nɔ nɛ a kɛ pee kpatami kɛ je wa he yayami ɔmɛ; pi wɔ kɛkɛ, se je ɔ tsuo he yayami.

1 Yohane 4:14

Wa na enɛ ɔ, nɛ wa ngɛ odase yee kaa Tsɛ ɔ tsɔ e Bi ɔ kɛ ba kaa je ɔ yi wami helɔ.