Yohane 3:15 - BAIBLO ALOO NGMAMI KLƆUKLƆU Ɔ

¹⁵ konɛ nɔ tsuaa nɔ nɛ heɔ lɛ yeɔ ɔ, e na neneene wami.

Somi He Ɔ

¹⁵ Konɛ nɔ tsuaa nɔ nɛ heɔ e nɔ yeɔ ɔ hɛ mi ko kpata, se mohu e na neneene wami.

Yohane 3:15 ပူးပေါင်းရင်းမြစ်များ

Yesaya 11:10

Jamɛ a ligbi ɔ, matsɛ he nɛ je Ishai powu ɔ mi ɔ maa da si kaa okadi ko ha je ma amɛ. A ma bua a he nya kɛ maa ba e matsɛ ma a mi, nɛ a ma ba wo e hɛ mi nyami.

Yesaya 45:22

“Nyɛ nimli tsuo ngɛ je ɔ mi, nyɛɛ kpale kɛ ba ye ngɔ jehanɛ, konɛ a he nyɛ yi wami! Ejakaa imi nɔ kake too ji Mawu; Mawu kpa ko be.

Mose IV, 21:9

Mose pee akɔblee sinɔ, nɛ e kɛ kpla tso he; nɛ nɔ tsuaa nɔ nɛ sinɔ kɔ lɛ, nɛ e hyɛ akɔblee sinɔ ɔ, e yi na wami niinɛ.

Mateo 18:10

“Nyɛɛ hyɛ saminya nɛ nyɛ ko hie bimɛ tsɔwi nɛ ɔmɛ a ti nɔ ko. I ngɛ nyɛ dee ke a bɔfohi nɛ ngɛ hiɔwe ɔ daa si ngɛ Tsaatsɛ nɛ ngɛ hiɔwe ɔ hɛ mi daa. [

Mateo 25:46

Lɔ ɔ he ɔ, nimli nɛ ɔmɛ maa ya neneene he hiami mi; se dali ɔmɛ lɛɛ a maa ya neneene wami mi.”

Marko 16:16

Nɔ tsuaa nɔ nɛ ma he ye, nɛ a maa sɔle lɛ ɔ, a ma he e yi wami; se nɔ nɛ he we yi ɔ, a maa bu lɛ fɔ.

Luka 19:10

Nɔmlɔ Bi ɔ ba, konɛ e ba hla nihi nɛ laa a, nɛ e he a yi wami.”

Yohane 1:12

Se nihi tsuo nɛ he lɛ atuu, nɛ a he lɛ ye ɔ, e ha mɛ blɔ nya kaa a ba pee Mawu bimɛ.

Yohane 16:33

I de nyɛ ní nɛ ɔmɛ, konɛ nyɛɛ kɛ mi nɛ hi si, konɛ nyɛ na he jɔmi. Benɛ nyɛ ngɛ je ɔ mi ɔ, haomi maa ba nyɛ nɔ; se nyɛ tsui nɛ nɔ nyɛ mi, ejakaa i ye je ɔ nɔ kunimi.”

Yohane 20:31

Se enɛ ɔmɛ lɛɛ a ngma, konɛ nyɛ he ye kaa Yesu ji Kristo, Mawu Bi ɔ. Nɛ ke nyɛ he lɛ ye ɔ, nyɛ yi ma na wami.

Yohane 3:16

Ejakaa Mawu suɔ je ɔ saminya, nɛ e ngɔ e Bi kake ɔ ngɔ ha, konɛ nɔ tsuaa nɔ nɛ heɔ lɛ yeɔ ɔ, e hɛ mi ko kpata, se mohu e na neneene wami.

Yohane 3:36

Nɔ nɛ heɔ Bi ɔ yeɔ ɔ, e nine su neneene wami ɔ nɔ; se nɔ tsuaa nɔ nɛ bui Bi ɔ tue ɔ, e be neneene wami nae. Mawu maa gbla e tue mohu.

Yohane 5:24

“I ngɛ nyɛ dee anɔkuale mi ke, nɔ tsuaa nɔ nɛ buɔ ye munyu tue, nɛ e heɔ nɔ nɛ tsɔ mi ɔ yeɔ ɔ, e nine su neneene wami nɔ. A be lɛ fɔ bue, ejakaa e po mi ngɛ gbenɔ mi kɛ ho wami mi ya.

Yohane 6:27

Nyɛ ko gbo ngma nɛ puɛɔ ɔ he dengme. Mohu ɔ, nyɛ hla ngma nɛ hii si kɛ yaa neneene. Enɛ ɔ ji nɔ́ nɛ Nɔmlɔ Bi ɔ ma ha nyɛ ɔ nɛ, ejakaa Tsɛ Mawu ɔ nɛ hla lɛ.”

Yohane 6:40

Ejakaa Tsaatsɛ suɔ kaa nɔ tsuaa nɔ nɛ na Bi ɔ, nɛ e heɔ lɛ yeɔ ɔ, e na neneene wami. Nɛ nyagbe ligbi ɔ, ma tle mɛ si kɛ ba wami mi.”

Yohane 6:47

I ngɛ nyɛ dee anɔkuale mi ke nɔ tsuaa nɔ nɛ heɔ yeɔ ɔ, e nine su neneene wami nɔ.

Ni Tsumi 13:41

‘Nyɛ Mawu munyu he guɛ gbeli, nyɛɛ bu tue. Nyɛ ha nɛ e pee nyɛ nyakpɛ, nɛ nyɛ hɛ mi nɛ kpata! Ejakaa nɔ́ nɛ i ngɛ pee ngɛ nyɛ yi nɔ nɛ ɔ, ke nɔ ko tsɔɔ nyɛ sisi po nyɛ be hee maa ye kɔkɔɔkɔ.’ ”

Ni Tsumi 8:36

Benɛ a ngɛ blɔ ɔ nɔ kɛ yaa a, a ya su he ko nɛ nyu ngɛ; kɛkɛ nɛ sɔmɔlɔ nɔkɔtɔma a de ke, “O nɛ nyu; mɛni maa tsi ye sɔlemi nya?” [

Romabi 5:21

Lɔ ɔ he ɔ, bɔ nɛ yayami ye tsɛ kɛ gu gbenɔ nɔ ɔ, ja nɔuu Mawu dloomi ɔ ngɛ tsɛ yee kɛ gu dami nɔ; nɛ kɛ gu wa Nyɔmtsɛ Yesu Kristo nɔ ɔ, wa ma na neneene wami.

1 Korintobi 1:18

Ejakaa nihi nɛ a hɛ mi miɔ nɛ e ma kpata a, buɔ sɛ gbi ɔ nɛ kɔɔ sɛumi tso ɔ he ɔ kaa kuasiahi a sane ko kɛkɛ. Se wɔ nɛ a ngɛ wa yi wami hee ɔ, wɔɔ lɛɛ e ji Mawu he wami ha wɔ.

2 Korintobi 4:3

Niinɛ, sane kpakpa a nɛ wa ngɛ fiɛe ɔ, ni komɛ nui sisi; mɛ ji nihi nɛ a hɛ mi ngɛ kpatae ɔ nɛ.

Galatabi 2:16

Se kɛ̃ ɔ, wa le kaa loko a ma dla nɔ ko kɛ Mawu a kpɛti ɔ, ja nɔ ɔ he Yesu Kristo ye, se pi mlaa a nɔ yemi. Wɔ nitsɛmɛ po wa heɔ Kristo Yesu yeɔ, konɛ a dla waa kɛ Mawu wa kpɛti kɛ gu wa hemi kɛ yemi nɔ, se pi mlaa a nɔ yemi. Ejakaa pi mlaa a nɔ yemi nɔ nɛ a guu kɛ dlaa nɔ ko kɛ Mawu a kpɛti.

Galatabi 2:20

Lɔ ɔ he ɔ, jehanɛ lɛɛ, pi imi nitsɛ nɛ i ngɛ wami mi hu; se Kristo lɛ e hɛ ngɛ ngɛ ye mi. Mawu Bi ɔ suɔ mi, nɛ e ngɔ e wami ngɔ ha ngɛ ye he; nɛ imi hu i he lɛ ye. Lɔ ɔ lɛ ha nɛ i ngɛ wami mi amlɔ nɛ ɔ nɛ.

Hebribi 10:39

Nihi nɛ kpaleɔ ngɛ Mawu se, nɛ a hɛ mi kpataa a, pi mɛ ji wɔ. Wɔɔ lɛɛ wa piɛɔ ni nɛmɛ nɛ hɛɛ hemi kɛ yemi ɔ mi ɔ a he, nɛ a he wa yi wami.

Hebribi 7:25

Lɔ ɔ he ɔ, nihi tsuo nɛ maa gu e nɔ kɛ ba Mawu ngɔ, amlɔ nɛ ɔ jio, hwɔɔ se jio, e ma he a yi wami. Ejakaa e ngɛ kɛ yaa neneene, nɛ e ngɛ Mawu pɛɛ kpae ha mɛ.

1 Yohane 2:25

Nɛ nɔ́ nɛ Kristo nitsɛ wo wɔ he si ɔ ji neneene wami.

1 Yohane 5:1

Nɔ tsuaa nɔ nɛ heɔ yeɔ kaa Yesu ji Kristo ɔ, Mawu bi ji lɛ; nɛ nɔ tsuaa nɔ nɛ suɔ nɔ ko tsɛ ɔ, e suɔ nɔ ɔ bi hulɔ.

1 Yohane 5:20

Wa le kaa Mawu Bi ɔ ba, nɛ e ba bli wa juɛmi nya, konɛ waa le anɔkuale Mawu ɔ. Amlɔ nɛ ɔ, waa kɛ anɔkuale Mawu ɔ ngɛ, ejakaa wa ngɛ e Bi Yesu Kristo ɔ mi. Lɛ ji anɔkuale Mawu ɔ nɛ, nɛ enɛ ɔ ji neneene wami.