Yohane 3:14 - BAIBLO ALOO NGMAMI KLƆUKLƆU Ɔ

¹⁴ Bɔ nɛ Mose wo sinɔ ɔ nɔ ngɛ nga a nɔ ɔ, jã nɔuu nɛ e sa kaa a wo Nɔmlɔ Bi ɔ nɔ,

Somi He Ɔ

¹⁴ Nɛ bɔ nɛ Mose wo sinɔ ɔ nɔ ngɛ nga a nɔ ɔ, ja nɔuu sa kaa a wo Nɔmlɔ Bi ɔ nɔ.

Yohane 3:14 ပူးပေါင်းရင်းမြစ်များ

Matsɛmɛ II, 18:4

E gbɛ jami he ɔmɛ, nɛ e ywia amaga a nɛ a puɛ kɛ ha yo mawu ɔ nɛ a tsɛɛ Ashera a, kɛ amaga kpa amɛ tsuo. Akɔblee sinɔ ɔ nɛ Mose pee, nɛ a tsɛɛ lɛ Nehushtan ɔ, lɔ ɔ hu e ywia lɛ tsɔkɔtsɔkɔ; ejakaa kɛ ba si jamɛ a be ɔ mi ɔ, Israel bi ɔmɛ jɔɔ we tsopa kɛ e he via sami kɛ ha akɔblee sinɔ ɔ.

La 22:16

Nimli yayamihi ba bɔle mi kɛ kpe kaa gbehi, nɛ a ngɛ ye nine kɛ ye nane tsɔtslɔɔe.

Yesaya 11:10

Jamɛ a ligbi ɔ, matsɛ he nɛ je Ishai powu ɔ mi ɔ maa da si kaa okadi ko ha je ma amɛ. A ma bua a he nya kɛ maa ba e matsɛ ma a mi, nɛ a ma ba wo e hɛ mi nyami.

Mateo 26:54

Ke e ba jã a, lɛɛ ngmami ɔmɛ nɛ deɔ ke kikɛ nɛ ɔ e sa kaa níhi nɛ ba a, kɛ jamɛ a ngmami ɔmɛ maa pee kɛ ba mi kɛɛ?”

Mateo 8:20

Yesu de lɛ ke, “Kɔkɔbohi ngɛ muɔ, nɛ lohwe pɛlitsɛmɛ ngɛ tsu, se Nɔmlɔ Bi ɔ lɛɛ e be he ko nɛ e kɛ e yi fɔɔ.”

Luka 24:20

Wa osɔfo nikɔtɔma amɛ, kɛ ma nimeli ɔmɛ ngɔ lɛ ha nɛ a bu lɛ gbenɔ fɔ, nɛ a sɛu lɛ.

Yohane 18:32

A de enɛ ɔ, konɛ Yesu munyu nɛ e tu kɛ tsɔɔ gbenɔ nɛ e ma gbo ɔ nɛ ba mi.

Yohane 6:51

Imi ji abolo nɛ je hiɔwe nɛ haa nɔ wami. Nɔ nɛ maa ye kikɛmɛ a abolo nɛ ɔ eko ɔ maa hi si kɛ maa ya neneene. Abolo nɛ ma ha lɛ ɔ ji imi nitsɛ ye he lo nɛ i ngɔ kɛ ha, bɔ nɛ pee nɛ je ɔ tsuo yi nɛ na wami.”

Yohane 8:28

Jehanɛ e de mɛ ke, “Ke nyɛ ná wo Nɔmlɔ Bi ɔ nɔ ɔ, nyɛ maa le kaa imi ji nɔ nɛ i ji ɔ. Kɛkɛ ɔ, nyɛ maa le kaa i to we imi nitsɛ ye yi mi kɛ tsu we nɔ́ ko gblegbleegble. Mohu nɔ́ nɛ Tsɛ ɔ tsɔɔ mi ɔ, lɔ ɔ pɛ i deɔ.

Ni Tsumi 2:23

Mawu nitsɛ to e yi mi momo kaa e maa ngɔ Yesu ɔ ngɔ ha nyɛ. Nyɛ ngɔ lɛ ngɔ ha yayami peeli nɛ a sɛu lɛ ngɛ sɛumi tso nɔ, nɛ e gbo.