Yohane 3:11 - BAIBLO ALOO NGMAMI KLƆUKLƆU Ɔ

¹¹ I ngɛ mo dee anɔkuale mi ke wɔɔ lɛɛ nɔ́ nɛ wa le ɔ, lɔ ɔ wa deɔ, nɛ wa yeɔ nɔ́ nɛ wa na a he odase. Se nyɛ sume nɛ nyɛɛ ngɔ munyu nɛ wa fiɛ ha nyɛ ɔ.

Somi He Ɔ

¹¹ I ngɛ mo dee anɔkuale mi ke: Nɔ́ nɛ wa le ɔ, kɔlɔ ɔ wa deɔ; nɛ nɔ́ nɛ wa na a, kɔlɔ ɔ he odase wa yeɔ, se nyɛ ngɔɛ wa odase ɔ.

Yohane 3:11 ပူးပေါင်းရင်းမြစ်များ

Yesaya 50:2

“Mɛni he je lɛ benɛ i ba a, nɔ ko be lejɛ ɔ? Benɛ i tsɛ nyɛ ɔ, mɛni he je nɔ ko pui mi ɔ? Anɛ nyɛ susuɔ kaa ye nine ngɛ kuku nɛ i be nyɛe ma kpɔ nyɛ kɛ je he nyɛlɔ ɔ dɛ mi lo? Ke i wo gbi ɔ, wo miiɔ, nɛ pahi plɛɔ peeɔ nga kplanaa. Ke nyu ɔ mii ta a, lo gboɔ nɛ e saa.

Yesaya 53:1

Ni ɔmɛ he nɔ ke, “Mɛnɔ ma he wa munyu nɛ ɔ maa ye? Mɛnɔ maa le kaa Yawɛ he ngɛ sane nɛ ɔ mi?

Yesaya 55:4

I wo lɛ je ma amɛ a nyatsɛ, kɛ asafoatsɛngua, nɛ e nɔ i gu kɛ je ye he wami kpo.

Yesaya 65:2

Se ma a tsɛ we mi. Daa nɛ ɔ, i pee klaalo nɛ ma he ye ma a atuu; ma nɛ kplii a tsui, nɛ a peeɔ nɔ́ nɛ dɛ, kɛ mɛ nitsɛmɛ a suɔmi nya ní ji mɛ.

Mateo 11:27

“Tsaatsɛ tu níhi tsuo ngɔ wo ye dɛ mi. Nɔ ko nɔ ko li Bi ɔ, ja Tsɛ ɔ pɛ; nɔ ko nɔ ko li Tsɛ ɔ, ja Bi ɔ kɛkɛ, kɛ nihi nɛ Bi ɔ suɔ kaa e maa tsɔɔ mɛ Tsɛ ɔ.

Mateo 23:37

“Yerusalem! Yerusalem! Mo nɛ o gbee gbali ɔmɛ, nɛ nihi nɛ Mawu tsɔ mɛ o ngɔ ɔ, o fiaa mɛ tɛ! Hyɛ kaa jinɛ i hla si abɔ kaa ma bua o bimɛ ɔmɛ tsuo a nya kaa bɔ nɛ kungwɔ buaa e bimɛ a nya kɛ woɔ e pɛli sisi ɔ. Se o kplɛɛ we!

Luka 10:22

“Tsaatsɛ ngɔ níhi tsuo ngɔ wo ye dɛ mi. Nɔ ko nɔ ko li Bi ɔ, ja Tsɛ ɔ, nɛ nɔ ko nɔ ko li Tsɛ ɔ, ja Bi ɔ, kɛ ni nɛmɛ nɛ Bi ɔ suɔ kaa e maa tsɔɔ mɛ Tsɛ ɔ.”

Yohane 1:11

E ba lɛ nitsɛ e ma mi, se e ma mi bi ɔmɛ he we lɛ.

Yohane 1:18

Mawu ɔ, nɔ ko nɛ lɛ hyɛ. E bi kake too ɔ nɛ hii si ngɛ Tsɛ ɔ hiɔ nɔ ɔ, lɛ nɛ e tsɔɔ wɔ bɔ nɛ Tsɛ ɔ ngɛ ha.

Yohane 12:49

Anɔkuale munyu ji nɛ ɔ nɛ, ejakaa níhi tsuo nɛ i de ɔ, pi imi nitsɛ ye yi mi nɛ i to kɛ de ekoeko. Tsɛ ɔ nɛ tsɔ mi ɔ lɛ fa ke ma de.

Yohane 14:24

Nɔ nɛ sume mi ɔ, e yi ye munyu ɔmɛ a nɔ. Munyuhi nɛ nyɛ nu ngɛ ye nya a, pi imi nitsɛ ye yi mi tomi, se mohu Tsɛ ɔ nɛ tsɔ mi ɔ lɛ ha mi sɛ gbi ɔ.

Yohane 3:12

Ke i de nyɛ zugba nɛ ɔ nɔ níhi nɛ nyɛ he we yi ɔ, lɛɛ ke i de nyɛ hiɔwe níhi ɔ, kɛ nyɛ maa pee kɛ he ye kɛɛ?

Yohane 3:13

Nɔ ko yɛ hiɔwe gblee kaa ja Nɔmlɔ Bi ɔ, nɔ nɛ je hiɔwe kple si kɛ ba a.”

Yohane 3:3

Yesu he nɔ ke, “I ngɛ mo dee anɔkuale mi ke, ke a ji hiɔwe fɔ we nɔ ko ɔ e be Mawu matsɛ yemi ɔ mi sɛe.”

Yohane 3:5

Yesu he nɔ ke, “I ngɛ mo dee anɔkuale mi ke, ke a ji nyu kɛ mumi mi fɔ we nɔ ko ɔ, e be nyɛe maa sɛ matsɛ yemi ɔ mi.

Yohane 5:43

I ba ngɛ Tsaatsɛ biɛ mi po nyɛ he we mi; se nɔ ko nɛ maa ba ngɛ lɛ nitsɛ e suɔmi nya a lɛɛ nyɛ ma he lɛ.

Yohane 7:16

Yesu he nɔ ke, “Nɔ́ nɛ i ngɛ nyɛ tsɔɔe ɔ ji imi nitsɛ ye yi mi; nɔ nɛ tsɔ mi ɔ nɛ ngɔ ha mi.

Yohane 8:14

Yesu he nɔ ke, “E ngɛ mi mohu kaa imi nitsɛ i ngɛ ye he odase yee lɛɛ, se ye odase ɔ ngɛ mi, ejakaa i le he nɛ i je, kɛ he nɛ i yaa. Nyɛɛ lɛɛ nyɛ li he nɛ i je kɛ ba; nɛ he nɛ i yaa hu nyɛ li.

Yohane 8:26

I le nyɛ he sanehi babauu nɛ ma kɛ kojo nyɛ. Se nɔ nɛ tsɔ mi ɔ, anɔkualetsɛ ji lɛ, lɔ ɔ he ɔ, nɔ nɛ i nu kɛ je e nya a, lɔ ɔ i deɔ je ɔ.”

Yohane 8:38

Imi lɛɛ níhi nɛ Tsaatsɛ tsɔɔ mi ɔ, lɔ ɔmɛ i deɔ; se nyɛɛ lɛɛ níhi nɛ nyɛ tsɛ ɔ de nyɛ ɔ, lɔ ɔmɛ nyɛ peeɔ.”

Ni Tsumi 22:18

Nɛ i na Nyɔmtsɛ ɔ nɛ ngɛ mi dee ke, ‘Pee esɔ nɛ o je Yeruslem mlamlaamla, ejakaa nihi nɛ ngɛ hiɛ ɔ, ye he odase nɛ o ngɛ yee ɔ, a be tue bue.’

2 Korintobi 4:4

A he we sane kpakpa a yi, ejakaa je nɛ ɔ mi mawu ɔ yu a mumi mi hɛngmɛ; nɛ la nɛ ngɛ kpɛe ngɛ a nɔ ɔ, a nɛ. Sane kpakpa a nɛ woɔ Kristo hɛ mi nyami ɔ, la nɛ ɔ nɛ ngɛ lɛ gbɛe kɛ ngɛ fĩae. Kristo ɔ, e kɛ Mawu hɛɛ su kake.

Kpojemi 1:5

kɛ Yesu Kristo nɛ yeɔ anɔkuale odase ɔ, nɛ lɛ ji kekleekle nɔ nɛ Mawu tle si kɛ je gbeje, nɛ lɛ nɛ e yeɔ zugba a nɔ matsɛmɛ ɔmɛ a nɔ ɔ nɛ dloo nyɛ, nɛ e ha nyɛ he jɔmi ja nɔuu. Nɔ nɛ suɔ wɔ, nɛ e kɛ lɛ nitsɛ e muɔ kpɔ wɔ kɛ je wa he yayami ɔmɛ a mi, nɛ

Kpojemi 3:14

Bɔfo ɔ nɛ ngɛ asafo ɔ nya ngɛ Laodikea a, ngmaa womi nɛ ɔ ya ha lɛ ke, “Sɛ gbi nɛ je Amen, odase ɔ nɛ yeɔ anɔkuale ɔ ngɔ ji nɛ ɔ nɛ. Lɛ ji níhi tsuo nɛ Mawu bɔ ɔ sisije.