Yohane 21:22 - BAIBLO ALOO NGMAMI KLƆUKLƆU Ɔ

²² Yesu de lɛ ke, “Ke i suɔ kaa e hi si kɛ yaa su be nɛ ma kpale kɛ ba a, mɛni lɔ ɔ kɔɔ ngɛ o he? Moo lɛɛ nyɛɛ ye se!”

Somi He Ɔ

²² Yesu de lɛ ke: “Ke i suɔ kaa e hi si kɛ ya su ye bami be ɔ, o he sane mɛni ji kɔlɔ ɔ? Moo lɛɛ nyɛɛ ye se!”

Yohane 21:22 ပူးပေါင်းရင်းမြစ်များ

Mateo 16:24

Jehanɛ, Yesu de e kaseli ɔmɛ ke, “Ke nɔ ko suɔ kaa e maa nyɛɛ ye se ɔ, e kua e he, nɛ e wo e sɛumi tso ɔ, nɛ e nyɛɛ ye se.

Mateo 24:27

Ejakaa Nɔmlɔ Bi ɔ maa ba tlukaa kaa bɔ nɛ oslabai gbaa kɛ jeɔ beleku kɛ yaa bonyoku ɔ.

Mateo 24:3

Benɛ Yesu hii si ngɛ Oliv yo ɔ yi mi ɔ, e kaseli ɔmɛ ba e ngɔ ngɛ laami mi ba bi lɛ ke, “Mɛni be ní nɛ ɔmɛ tsuo maa ba mi? Mɛni okadi maa tsɔɔ o bami be, kɛ je nɛ ɔ nyagbe be?”

Mateo 24:44

Lɔ ɔ he ɔ, nyɛ hu nyɛ dla nyɛ he kɛ to; ejakaa Nɔmlɔ Bi ɔ maa ba tlukaa be mi nɛ nyɛ hɛ be nɔ.

Mateo 25:31

“Ligbi ɔ nɛ Nɔmlɔ Bi ɔ maa ba kaa matsɛ, nɛ bɔfo ɔmɛ tsuo maa piɛ e he kɛ ba a, jamɛ a be ɔ mi ɔ, e maa hi e matsɛ sɛ saminyayoo ɔ nɔ,

Mateo 8:22

Se Yesu de lɛ ke, “Ba nyɛɛ ye se! Ha nɛ ni gbogboe ɔmɛ nɛ a pu mɛ nitsɛmɛ a ni gbogboehi.”

Marko 9:1

E de mɛ hulɔ ke, “Niinɛ i ngɛ nyɛ dee ke ni komɛ ngɛ nihi nɛ daa si ngɛ hiɛmɛ nɛ ɔ a kpɛti nɛ a be gboe kɛ yaa su be nɛ a maa na kaa Mawu matsɛ yemi ɔ ba kɛ he wami.”

Yohane 21:19

Yesu de enɛ ɔ kɛ tsɔɔ bɔ nɛ Petro ma gbo kɛ wo Mawu hɛ mi nyami. Jehanɛ e de Petro ke, “Nyɛɛ ye se.”

Yohane 21:21

Benɛ Petro na lɛ ɔ, e bi Yesu ke, “Nyɔmtsɛ, nɔ nɛ ɔ lɛɛ nɛɛ?”

1 Korintobi 11:26

Enɛ ɔ tsɔɔ kaa be tsuaa be nɛ nyɛ maa ye abolo nɛ ɔ eko, nɛ nyɛ maa nu wai ngɛ kplu nɛ ɔ mi ɔ, nyɛ ngɛ Nyɔmtsɛ ɔ gbenɔ sane ɔ fiɛe kɛ yaa su be nɛ e maa ba.

1 Korintobi 4:5

Lɔ ɔ he ɔ, nyɛ ko kojo nɔ ko loko be ɔ nɛ su. Nyɛɛ mlɛ kɛ yaa si Nyɔmtsɛ ɔ maa ba. Ke e ba a, e ma je diblii mi níhi, kɛ tsui mi ní yayahi nɛ a kɛ laa a tsuo kpo. Jamɛ a be ɔ, nɔ tsuaa nɔ ma na yi jemi nɛ sa lɛ ɔ kɛ je Mawu dɛ mi.

1 Tesalonikabi 2:19

Ejakaa ke wa Nyɔmtsɛ Yesu ba, nɛ wa ba pue ngɛ e hɛ mi ɔ, mɛni nɔ wa maa fĩa kɛ fɔ? Mɛni ma ha wɔ bua jɔmi? Nɛ mɛni jlasi waa kɛ maa fĩa kaa wa ye kunimi? Anɛ pi nyɛ lo?

Yakobo 5:7

Ye nyɛmimɛ nɛ i suɔ, e hia kaa nyɛɛ to nyɛ tsui si kɛ ya su be nɛ Nyɔmtsɛ ɔ maa ba. Nyɛɛ hyɛ bɔ nɛ ngmɔ hulɔ toɔ e tsui si, nɛ e mlɛɔ kɛ ya siɔ zugba a baa ní saminya. E toɔ e tsui si, nɛ e mlɛɔ kɛ ya siɔ gbo kɛ gbiɛ nyu nɛɔ pueɔ dumi ní ɔ nɔ.

Yakobo 5:8

Nyɛ hu nyɛɛ to nyɛ tsui si ja. Nyɔmtsɛ ɔ bami nɛ nyɛ ngɛ blɔ hyɛe ɔ, nyɛ lua nyɛ, ejakaa be ɔ na wɔ haa.

Kpojemi 1:7

Hyɛ! E ngɛ bɔku ɔmɛ a mi kɛ ma, nɛ nɔ tsuaa nɔ maa na lɛ; nihi nɛ gbɔɔ lɛ ní ɔ hu maa na lɛ. Nihi tsuo nɛ ngɛ je ɔ mi ɔ maa wo yana ha lɛ. Ee, é ba mi ja! Amen.

Kpojemi 2:25

kaa nyɛɛ pɛtɛ nɔ́ nɛ nyɛ ngɛ ɔ he wawɛɛ kɛ yaa si ma ba.

Kpojemi 22:20

Nɔ nɛ ngɛ ní nɛ ɔmɛ tsuo a he odase yee ɔ ngɛ dee ke, “Ee, i ma nɔuu!” Amen. Nyɔmtsɛ Yesu, ba!

Kpojemi 22:7

Yesu ke, “Hyɛ! I ma nɔuu! A gbaa nɔ nɛ pɛtɛɔ munyuhi nɛ a gba ngɔ to nɛ ngɛ womi nɛ ɔ mi ɔ he!”

Kpojemi 3:11

I ma nɔuu! Nɔ́ nɛ ngɛ o dɛ ɔ, pɛtɛ he wawɛɛ, konɛ jlasi nɛ o ma na, ke o ye kunimi ɔ, nɔ ko nɛ ko kpɔ ngɛ o dɛ.