Yohane 21:18 - BAIBLO ALOO NGMAMI KLƆUKLƆU Ɔ

¹⁸ I ngɛ mo dee anɔkuale mi ke o nihe mi ɔ, mo nitsɛ o miaa, nɛ o yaa he tsuaa he nɛ o suɔ. Se ke o ba bwɔ ɔ, o ma wo o nine nɔ, nɛ nɔ kpa maa mia mo; nɛ e kɛ mo maa ya he nɛ o sume kaa o maa ya.”

Somi He Ɔ

¹⁸ I ngɛ mo dee anɔkuale mi ke: Benɛ o ji niheyo ɔ, mo nitsɛ o miaa nɛ o nyɛɛ he nɛ o suɔ; se ke o bwɔ ɔ, o ma kpã o nine mi, nɛ nɔ kpa maa mia mo, nɛ e kɛ mo maa ya he nɛ o sume.”

Yohane 21:18 ပူးပေါင်းရင်းမြစ်များ

Luka 12:37

Jamɛ a tsɔli ɔmɛ nɛ a nyɔmtsɛ ɔ ma ba na mɛ kaa a hwɔ we mahe ɔ, a bua maa jɔ! I ngɛ nyɛ dee ke, e ma sa bo kɛ wo e mlɛ mi, nɛ e ma ha tsɔli ɔmɛ maa hi si ngɛ okplɔɔ he, nɛ e ma ha mɛ ní nɛ a ye.

Yohane 13:36

Simon Petro bi lɛ ke, “Nyɔmtsɛ, jije po o yaa?” Yesu he nɔ ke, “He nɛ i yaa a, amlɔ nɛ ɔ lɛɛ o be ye se nyɛe maa nyɛɛ; se pee se ɔ, o ma ba nyɛɛ ye se.”

Yohane 21:17

Jehanɛ Yesu kpale bi lɛ nɔ́ nɛ ji si etɛ ke, “Simon, Yohane bi, o suɔ mi lo?” E dɔ Petro kaa Yesu bi lɛ si etɛ sɔuu ke e suɔ lɛ lo. Lɔ ɔ he ɔ, e he nɔ ke, “Nyɔmtsɛ, mo nitsɛ o le nɔ́ tsuaa nɔ́; mo nitsɛ o le kaa i suɔ mo!” Yesu de lɛ ke, “Lɛɛ ye to ɔmɛ.

Yohane 21:19

Yesu de enɛ ɔ kɛ tsɔɔ bɔ nɛ Petro ma gbo kɛ wo Mawu hɛ mi nyami. Jehanɛ e de Petro ke, “Nyɛɛ ye se.”

Ni Tsumi 21:11

E ba wa ngɔ, nɛ e ba ngɔ Paulo mlɛ mi fimi nɔ́ ɔ, nɛ e kɛ fi lɛ nitsɛ e nanehi, kɛ e ninehi; nɛ e de ke, “Bɔ nɛ Mumi Klɔuklɔu ɔ de ji nɛ ɔ nɛ: Nɔ nɛ nɔ́ ji mlɛ mi fimi nɔ́ nɛ ɔ, kikɛ nɛ ɔ Yuda bi ɔmɛ maa pee lɛ ngɛ Yerusalem, nɛ a maa ngɔ lɛ ngɔ wo ma je li ɔmɛ a dɛ mi.”

2 Korintobi 5:4

Be mi nɛ wa ngɛ bo tsu nɛ ɔ mi kɛ mwɔɔ ɔ, wa he hiaa wɔ, nɛ wa faa huu. Pi kaa wa suɔ kaa waa ngmɛɛ wa zugba nɛ ɔ nɔ bo tsu ɔ he, se mohu kaa waa ngɔ hiɔwe nɔ́ ɔ hu kɛ ha wa he. Kɛkɛ ɔ, nɔ́ nɛ ngɛ wami ɔ ma tsake nɔ́ nɛ gboɔ ɔ.